ඇයි පිරිමින්ට මෙහෙම වෙන්නේ?

අළුත විවාහවූ ජෝඩුවක්

'බඳිනවා' කියන එක බොහෝ ලාංකිකයන්ගේ ජීවිතේ කල යුතු දේවල් වල තිබෙන ප්‍රධානතම අංගයක්. ඒකේ තර්කානුකූල පැත්ත ගැන තමයි මගේ කුකුස. බොහෝ දෙනෙක් කිරි ආහාර වර්ග වලට කැමතියි. අද සුපර් මාකට් එකෙකට ගියොත් විවිධ රසැති කිරි, කිරි වලින් තැනූ චීස්, බටර්, යෝගට් වැනි නිශ්පාදන, යෝගට් ගත්තත් විවිධ රසැති යෝගට් ආදී වශයෙන් කිරි ආහාර වර්ග හැටහුටාමාරක් තියෙනවා. එහෙම තියෙද්දී තමන්ගේම කිරි පරිභෝජනයට එළ දෙනෙක් ගන්න හිතන කෙනෙක් ඉන්න පුළුවන්ද?    

විවාහවීම එළ දෙනෙක් ගැනීමට සමාන කිරීම ගැන අමනාප වෙන්න එපා. ආදරය, ආදරය කරන දෙදෙනෙකුගේ එක්වීම වගේ දේවල් වල අලංකාරයක් තියෙන බව මම පිළිගන්නවා. මේ පෝස්ට් එකේදි මම හිතුවේ එවන් එක්වීමක තිබෙන දීර්ඝ කාලීන තර්කානුකූල බව පමණමයි. එම නිසා හදවතින් නොව ඔළුවෙන් සිතා ප්‍රතිචාරයක් දක්වන මෙන් ඉල්ලා සිටිනවා. 

මේ ගෙදරවැඩ ටික කරන්න

දවස් තුනක නිවාඩුවක් තියෙන නිසා කරන්න හොඳ වැඩ දෙකක්.

මුදල් දීල ගන්න නව කථාවන්ට වඩා කුතුහලය, තරුණ ආදරය ආදිය ඇතුලත් වෙච්ච කථාවක කොටස් 14 ක් ම ලියල තියෙනව බ්ලොග් රචිකාවියක්. ඒකේ පලමුවන කොටස මෙතනින් කියවන්න.

තරුණ බ්ලොග්කාරිණියක් ඔක්කොම පිරිමි බ්ලොග් කරුවන්ට උපහාස කරගෙන විවාහය ගැන කථිකාවක් විවෘත කරල තියෙනවා. ඒක මෙතන. ගිහින් දෙකක් කියල එන්න.



මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

ලංකා ඊ නිව්ස් -2017.නොවැ.18, ප.ව‍‍‍‍.2.15) ජනාධිපතිවරයා ගේ ජනමාධ්‍ය මර්දනය පිලිබඳ ප්‍රකට මාධ්‍යවේදී පෝද්දල ජයන්ත මහතා ජනාධිපතිවරයා වෙත ලිපියක් යවමින් අකෘතඥකමේ සීමාවක් තිබිය යුතු යැයි පවසයි. එම ලිපිය සම්පූර්ණයෙන් පහත දැක්වේ.  

පෝද්දල ජයන්ත
[email protected]
12 - 11- 2017

ශ්‍රී ලංකා ජනාධිපති
මෛත්‍රීපාල සිරිසේන මහතා
ජනාධිපති කාර්යාලය
කොළඹ
ශ්‍රී ලංකාව

මහත්මයාණෙනි.,

අකෘතඥභාවයේද සීමාවක් තිබිය යුතුය.

මහින්ද රාජපක්ෂ ඒකාධිපති පාලන සමයේ එහි නිත්‍ය කොටස් කරුවෙකුව සිට ඔබ ඉන් පිටතට පැමිණියේ, එහි වූ දුර්දාන්ත පාලනය, මනුෂ්‍ය ඝාතන, පැහැරගෙන යෑම්, මහා පරිමාණ වංචා දූෂණ, ජනමාධ්‍ය මර්දනය ඇතුළු දහසකුත් එකක් අපරාධ ඉවසා දරා සිටීමට නොහැකිම තැන යයි පළමු ජනමාධ්‍ය හමුවේදීම රටට කියා සිටියේ ය.

ඇමරිකාව යුද නැවක් නොමිලේ ලබා දීම නිසා රුසියානු පරණ යුද නැව් ඩීල් එකට කණ කොකා හඬයි

(ලංකා ඊ නිව්ස් -2017.නොවැ.07, පෙ.ව.11.30) මෛත්‍රී -මහාරාජා කූඨ කට්ටුව විසින් දැවැන්ත කොමිස් කුට්ටියක් ඩැහැ ගැනීම සඳහා මිලදී ගැනීමට ගිය රුසියානු පරණ යුද නැව් ඩීල් එකට කණ කොකා හඬා තිබේ.  

ඇ.ඩො. මිලියන 88 ක් හෙවත් රු. කෝටි 13,464 ක් රටට පාඩු කරමින් ඇ.ඩොලර් මිලියන 135 ක් වියදම් කර අති විශාල කොමිස් කුට්ටියක් වෙනුවෙන් ශ්‍රී ලංකා නාවික හමුදාව ‘එපා එපා‘ යයි කියද්දී නාවික හමුදාපතිවරයා ද මාස දෙකෙන් ගෙදර යවා නියම වටිනාකමට වඩා දෙගුණයක පමණ අධික මිලකට රුසියාවෙන් Gepard Frigate class පරණ යුද නැවක් මිලදී ගැනීමට තටමද්දී ඇමරිකාව විසින් ලංකාවේ වෙරළ ආරක්ෂා කිරීම සඳහා අවශ්‍ය සියළු අංගෝපාංග වලින් සමන්විත (හෙලිකොප්ටර්, හෙලි පෑඩ්) නවීන  තාක්ෂණයෙන් යුත් Secretary Class High Endurance Cutter වර්ගයේ වෙරළාරක්ෂක නෞකාවක් නොමිලේ ලබා දීමට කැමැත්ත පළ කර තිබේ.

දරුවන් සමඟ අත්දැකීම් 1

මේ පෝස්ට් එක ලිවීමට හිතුනේ නයනේගේ මේ පෝස්ට් එක  කියවීමෙන්. එහි අදහසෙන් වෙනස් වුණත් මගේ කුඩා කාලයේ අත්දැකීම් සහ මගේ දරුවන් සමඟ අත්දැකීම් කිහිපයක් ඇසුරෙන් සාර්ථක ප්‍රතිඵල ලැබුණ නිසා කුඩා ළමයින් සිටින අයගේ ප්‍රයෝජනයට උපදෙස් ලෙසින් ලියනවා. 

අපේ සමාජයේ විවිධ අංශ වල දැනීම, උපාධි ආදිය ලබා ගැනීමට හැකියාව තිබුණත් ජීවිතය ගෙනයාමට අවශ්‍ය දැනීම ලැබෙන අවස්ථාවල් ගොඩක් අඩුයි. එම නිසා අපි බොහෝ දෙනෙක් ජීවිතය ගෙනයන්නේ අත්හදා බැලීම් කරමිනුයි. එහෙම නැත්නම් තමන්ගේ දෙමව්පියන් කරන දේවල් දැකීමෙන් මේදේ හරි හෝ වැරදි යැයි ලැබුණු 'පුහුණුවෙන්'. මේ ක්‍රමයෙන් දිවි ගෙවීමෙන් එයින් වන වාසි සහ අවාසි වන්නේ අපටම නිසා ඒකෙන් කාටවත් ගැටළුවක් නැති යැයි ඔබට හිතෙන්න පුළුවන්. ඔබ ජීවිතය ගෙවන්නේ තනියම නම් එය බැලූ බැල්මට වරදක් නැහැ. ඔබ විවාහක කෙනෙක් නම් ඔබ ඔබ හරි යැයි හිතන ආකාරයට ජීවත් වීමෙන් ඔබගේ සහකරුට හෝ සහකාරියට කරදරයක් වෙනවානම් එයට ඔවුන් අකමැතිනම් ඔබව අත්හැරයාමට ඔවුන්ට හැකියාවක් තිබෙනවා.

ගැටුමකින් පසු ජාතීන් අතර සංහිඳියාවට ඉතිහාසයේ බලපෑමක් තියෙනවා - නාවික හමුදාපති

අද්මිරාල්  ට්‍රැවිස් සින්නයියා

ලංකාදීප පුවත්පතෙන් උපුටා ගැනීමකි.

(ඉන්දිකා රාමනායක සහ හර්ෂණ තුෂාර සිල්වා )

රියාර් අද්මිරාල් ට්‍රවිස් සින්නයියා මහතා ශ්‍රී ලංකා නාවික හමුදාපතිවරයා ලෙස පත්වීම් ලැබු දා සිටම ඔහු වෙත විවිධ චෝදනා එල්ල විය. වරෙක ඇමෙරිකා එක්සත් ජනපද ඒජන්තවරයකු ලෙස ද චෝදනා එල්ල වූ සින්නයියා මහතා එල්.ටී.ටී.ඊ සංවිධානයේ සැපයුම් ජාලය සහ යුද නෞකා විනාශ කිරීමේදී සුවිශේෂී කාර්යභාරයක් ඉටු කළ ප්‍රමුඛතම නිලධරයා විය. විසි එක්වැනි නාවික හමුදාපතිවරයා වන වයිස් අද්මිරාල්  ට්‍රැවිස් සින්නයියා යුද්ධය ආරම්භයේ සිට අවසානය දක්වාම නාවික හමුදාවේ සිටි නිලධාරීන් අතළොස්සෙන් කෙනෙකු ද වන්නේය. නාවික හමුදාපතිධුරයට පත්වීමෙන් පසු පළමු සම්මුඛ සාකච්ඡාව ඉරිදා ලංකාදීප පුවත්පතට ලබාදෙමින් මෙසේ අදහස් දැක්වීය.

කොළඹ - මහනුවර අධිවේගී මාර්ගය ඉදිකිරීම

කොළඹ - මහනුවර අධිවේගී මාර්ගය ඉදිකිරීම සම්බන්ධයෙන් අගමැති රනිල් වික්‍රමසිංහ මහතා අද (8 වැනිදා) පාර්ලිමේන්තුවේදී කළ විශේෂ ප්‍රකාශය

පසුගිය සති දෙක තුන පුරා එක්තරා මාධ්‍ය ජාලයක් මඟින්, වහල කියන්න ඕනෑ නැහැ සිරස මාධ්‍ය ජාලය මගින් මධ්‍යම අධිවේගි මාර්ග ව්‍යාපෘතිය සම්බන්ධයෙන් ගෙන යන ද්වේෂ සහගත අවලාද සහ මඩ ප්‍රචාරය සම්බන්ධයෙන් මෙම ගරු සභාවටත්, මෙරටේ ජනතාවටත් සත්‍යය පැහැදිලි කිරීමේ අරමුණ ඇතිවයි.

මධ්‍යම අධිවේගී මාර්ගය සඳහා කැබිනට් අනුමැතිය ලද සමාගම මුලින් ඉදිරිපත් කළ මිලට වඩා බිලියන 25 ක්, එනම් මිලියන 25,000ක් අඩුවෙන් මේ ව්‍යාපෘතිය ලබා දීමට අපිට හැකි වුණා.

ජගත් ජයසූරිය සිද්ධියේ දී සියලු දෙනා වලිගේ පාගාගෙන

(ලංකා ඊ නිව්ස් -2017.සැප්.06,  පෙ.ව‍.10.05) බ්‍රසීලයේ හිටපු ශ්‍රී ලංකා තානාපති ජගත් ජයසූරිය නමැති හිටපු හමුදාපතිවරයාට ‘ජාත්‍යන්තරයේ යුද අපරාධ නඩු දැම්මා‘ යයි කීමත් ඊට පසු ඒ හා බැඳුනු ලංකාවේ විවිධ පුද්ගලයන්ගේ ප්‍රතිචාරත් සියල්ල ‘වලිගේ පාගා ගැනීමක්‘ බව ලංකා ඊ නිව්ස් වෙත වාර්තා වේ.

ජගත් ජයසූරිය යුද අපරාධ කළා කියා ඔහුට එරෙහිව බ්‍රසීලයේ නඩු පැවරීමක් සිදුකර නොමැත. අන්තර්ජාතික සත්‍ය හා යුක්ති ව්‍යාපාරය නමැති මානව හිමිකම් සුරැකීමේ සංවිධානයක් විසින් නඩු පවරා ඇත්තේ බ්‍රසීල රජයට විරුද්ධවය. ඒ නම් යුද අපරාධ කළැයි චෝදනා ඇති පුද්ගලයෙකුට එරට තානාපතිවරයෙකු වශයෙන් අක්ත පත්‍ර ලබා දීමට එරෙහිව බ්‍රසීල රජයට එරෙහිව නඩු පවරා තිබේ. මේ සම්බන්ධයෙන් කළ විමසීමකදී බ්‍රසීල නීතිඥයා ලංකා ඊ නිව්ස් වෙත පවසා සිටියේ මුක්තිය ඇති තානාපතිවරයෙකුට එරෙහිව නඩු පැවරීමට තරම් අපි මෝඩයන් නොවන බවයි. 

මත්ද්‍රව්‍ය උවදුරින් රට බේරා ගැනීමේ ප්‍රධාන වගකීම පොලිස් විශේෂ කාර්ය බලකායට

ජ්‍යෙෂ්ඨ නියෝජ්‍ය පොලිස්පති එම්. ආර්. ලතීෆ් මහතා

ලංකා ඊ නිව්ස් - 2017.සැප්.01, ප.ව.5.25) ශ්‍රී ලංකාව යුද්ධයෙන් පසු ජාත්‍යන්තර මත්ද්‍රව්‍ය හුවමාරු මධ්‍යස්ථානයක් බවට පරිවර්තනය වෙමින් පවතින බවත්, එම උවදුරින් රට බේරා ගැනීමේ ප්‍රධාන වගකීම පොලිස් විශේෂ කාර්ය බලකායට දී ඒ සඳහා සංවිධානාත්මක අපරාධ මර්දනය සහ මත්ද්‍රව්‍ය නාශක කොට්ඨශ දෙක එක් කරමින් නව දිසාවක් ශ්‍රී ලංකා පොලීසිය තුල ඇති කළ අතර එහි වගකීම විශේෂ කාර්ය බලකායේ ප්‍රධානී ජ්‍යෙෂ්ඨ නියෝජ්‍ය පොලිස්පති එම්. ආර්. ලතීෆ් මහතා වෙත පැවරූ බවත් නීතිය හා සාමය ඇමැති සාගල රත්නායක අද යලිත් වතාවක් ප්‍රකාශ කෙළේය. (ලතීෆ් මහතා යනු මේ වන විට පොලිසියේ සිටින පැරණිතම සාමාජිකයා ය. පසුගිය ආණ්ඩුව විසින් ඔහුගේ උසස් වීම් නොදී සිටීම නිසා ඔහුගේ ජ්‍යෙෂ්ඨත්වය අඩු විය.)

ජංගම දුරකතනයෙන් දෙවියෝ වඩිති

බණ්ඩාරනායක ජාත්‍යන්තර ගුවන්තොටුපළ ආගමන පරිශ්‍රයේ වියට්නාම් ජාතික කාන්තාවක් හඬමින් සිටියාය. වියට්නාම භාෂාව හැර වෙනත් භාෂාවක් නොදන්නා ඇයට උදව් කිරීමට හැකි කිසිවෙක් නො විය. ඇය වියට්නාම් ජාතික කාන්තාවක් බව හඳුනාගත හැකි වූයේද ඇයගේ ගමන් බලපත්‍රය අත තිබූ බැවිනි. 

ප්‍රධාන ආගමන විගමන නිලධාරි  යාපා මහතාත් තවත් නිලධාරියකුත් දන්නා තරම් භාෂාවලින් කථා කළද පලක් නො විය. ඇයට ඒ කිසිවක් නොවැටහිණ. අවසානයේ එක් විසඳුමක් ලැබුණි. ඒ ඇය සතුව තිබූ ජංගම දුරකථනයයි. 

ප්‍රවාහණය ගැන මෙහෙම බැළුවොත්

ප්‍රවාහන මාධ්‍ය කිහිපයක්ම සම්බන්ධ කරන වියානා දුම්රිය ස්ථානය

මේ පෝස්ට් එකට inspiration එක ලැබුණේ පැරාගෙ මෙන්න මේ පෝස්ට් එකෙන්. ප්‍රවාහණය ගැන සැලසුම් කරන අය අදට වඩා ග්ලෝබල් විව් එකක් මේ සම්බන්ධයෙන් දැරිය යුතුයි කියන එකයි මගේ නිගමනය. එහෙම බලනවනම් ඇති කල හැකි සහ ඇතිවිය යුතු වෙනස්කම් නම් බොහොමයක්.

ප්‍රධාන නගරවලට ප්‍රවාහන ක්‍රම යොදාගෙන මිනිසුන් පැමිණෙන හේතු නම් රැකියා සඳහා, පාසැල් සිසුන්, පාස්පෝට් ආදී රජයේ සේවාවන් ලබා ගැනීමට, සහ බඩු මිලදී ගැනීමට යන ඒවායි. මෙම ගමණකදී අඩුම වශයෙන් බස් රථ දෙකක හෝ තුනක සේවය ලබා ගැනීමටත් සැලකිය යුතු වේලාවක් ඒ සඳහා යෙදවීමත් සිදුවෙනවා. අඩුම වියදම් ප්‍රවාහණ ක්‍රමය දුම්රිය වුණාට වැඩිපුරම භාවිතා වෙන්නේ බස් රථ, ත්‍රිරෝද රථ සහ පෞද්ගලික වාහන. ප්‍රවාහණය වැඩි දියුණු කිරීම ගැන හිතනකොට බොහෝ දෙනා හිතන්නේ ඒ සඳහා වැඩිපුර පාරවල්, වැඩිපුර බස් රථ යෙදෙවීම තමයි පිළිතුර කියල. ඒ ඔක්කොම විශාල වියදම් යන දේවල්. ඒවගේම ඒවට තිබෙන ඉල්ලුම වැඩිවීමක් මිස අඩුවීමක් වෙන්නේ නැහැ. ප්‍රවාහණ සේවා වලට තිබෙන ඉල්ලුම අඩු කිරීම මේකට විසඳුමක් කියන එක හිතන්න කාලෙ හරි.

විදේශ ඇමති ලෙස මාරපන පත් කිරීම යහපාලන ගොන්පාට් එකක් වන්නේ ඇයි?

ඉල්ලා අස්වූ හිටපු විදේශ ඇමති රවි කරුණානායක වෙනුවට තිලක් මාරපන පත්කිරීම යහපාලන රජයකට නොගැලපෙන හේතු කිහිපයක් මේ.

1. කලින් කිසියම් හේතුවකට (අවන්ත්ගාඩ් සිද්ධියට අදාලව ) ඉල්ලා අස්වූ කෙනෙක් මෙම තනතුරට පත්කිරීම නොසුදුසු නිසා. මෙය ඉල්ලා අස්වීම ඊලඟ පුරප්පාඩුව ඇතිවන තෙක් යන අදහස සමාජයට දෙයි.

මිනිසුන්ගේ වෙනස්කම් වටහාගෙන අන්‍යවශ්‍ය ද්වේශයෙන් මිදෙන්න

No to Anger

කලින් පෝස්ට් එකේ පෞරුෂ විශමයන් හෝ විකෘති ගැන තිබ්බ දේවල් ගැන යම් වටහා ගැනීමක් ලැබෙන්න ඇති. ඒ ගැන වැඩි දුර කියවන්න හෝ විස්තර සොයාගන්න හිතුනනම් එමඟින් අපි හැමෝටම ඇති එම විශමතාවලින් තමන්ගේ සහ අන් අයගේ හැසිරීම් ක්‍රියා සහ පැහැරහැරීම් ගැන අවබෝධයක් ලැබෙන්න ඇති. ද්වේශය ගැන ලියන්න හදපු ඒ පෝස්ට් එකට වැඩි විස්තර යොදන්න ගිහිල්ල ප්‍රධාන මාතෘකාව යට ගියා කියල හිතෙන නිසා ඒ ගැන යමක් කීමටයි මේ පෝස්ට් එක.

කෝදු, මිණුම් දඬු, ද්වේශය සහ පෞරුෂ විකෘති

වෙනස් හැඟීම් දක්වන එකම පුද්ගලයෙක්

කෝදු තියෙන්නේ මණින්න. අඩි කෝදුවේ අඟල් දොලහයි. සෙන්ටි මීටර් නම් 30 ක් විතර නේද? (සුවර් නැත). එතකොට අඟල්ද සෙන්ටි මීටර්ද කියන එක නොසලකා අඟල් 6 ක දිගක් මැනල එක්කෙනෙක් 6 කියල කිව්වොත් සහ අනික් එක්කෙනා 15 යි කියල කිව්වොත් 6 සහ 15 කියන්නෙ මොනවයින්ද කියල හොයල බලල ප්‍රශ්ණය විසඳගන්න පුළුවන්.

ලෝකයේ හොඳම විශ්වවිද්‍යාලයට ඇතුළුවීම නොමිලේ

අජිත් පැරකුම් ජයසිංහයන් සමාජ ජාලා භාවිතය ගැන ලියපු ලිපියෙන් ඒ ගැන තව පැත්තක් ගැන ලියන්න හිතුණා. අන්තර්ජාලය නිසා සමාජයට ලැබිච්ච හොඳ දෙය තමයි දැනීම ලබා ගැනීම ඉතාමත් පහසු වීම. අද ලංකාවේ විශ්ව විද්‍යාල වල ප්‍රමිතිය, වර්ගීකරණය වැනි දේවල් ගැන කථා කරනකොට මට නම් හිතෙන්නේ ලෝකයේ තියෙන හොඳ විශ්ව විද්‍යාල දෙක තියෙන්නේ අන්තර්ජාලයේ කියලයි. ඒ දෙකම දැනීම දෙන්නේ නොමිලයේ.

බල්ලො හුකන්නයි අපි ගුටි කන්නයි

සංසර්ගයේ යෙදෙන සුනඛයන් දෙදෙනෙක්

යම් කිසි බ්ලොග් කරුවෙකු ගැන වෙබ් අඩවියක සඳහන් වුණු ප්‍රවෘත්තියක් ගැන විවිධ මත පළවෙමින් තිබේ. අනුන්ට පහර ගහන අයගේ මෙවලමක් වන ඇනෝ පැමිණ මාතලන්ගේ බ්ලොගයේ අදහස් දක්වන්නෙකු කියා ඇත්තේ එම ප්‍රවෘත්තිය මඩ ප්‍රවෘත්තියක් බවත් එය පළවීමට මමත් වගකිව යුතු බවත්ය.

හම්බන්තොට උගුලෙන් රට ගැලවෙයි

විව්ධ විරෝධතා සහ වර්ජන මධ්‍යයේ හම්බන්තොට වරාය චීන සමාගමකට බදු දීම අද අත්සන් කරන ලදී. මෙය හුදෙක් වරායක් බදු දීමක්ද අතිශයින් අවාසි සහගත ව්‍යාපාර ගණුදෙනුවකින් ගැලවී දකුණේ සහ නැගෙනහිර පළාතේ විශාල සංවර්ධනයක් ඇති කිරීමේ මඟක් ද යන්න උපායමාර්ගික ඥාණයක් නැති අයට වටහා ගැනීමට අපහසු වී ඇත.

නූතන සේනක බිබිලේ කරපු වැඩක්

දොස්තර රුවන් සන්නස්ගල ගැන පෝස්ට් එකක් දාල. දැන් මටනම් සන්නස්ගල කිවම මතක් වෙන්නේ මුණුපුරාගෙ හෙයා ස්ටයිල් එක කොපි කරගෙන නෙළුම් යායෙදි නිවේදිකාව රාජිත සේනාරත්නට නූතන සේනක බිබිලේ කිව්ව කියලා කෝචොක් දාපු නළුවාව. එයා කොච්චර වීරයෙක්ද කියනවනම් රාජිත උත්සවෙන් පිටවෙලා ගියායින් පස්සේ තමයි එහෙම කිව්වෙ.

මේ වගේ ළදරු විකටයින් ගැන කියන්න නෙමෙයි මේක. නූතන සේනක බිබිලේ කරපු වැඩක් ගැන කියන්න. ඒ ගැන මම ලියපු රාජිතට සන්නස්ගලක් ගහමු පෝස්ට් එකේ මම කිව්වා වගේ තව ලාංකික සමාගම් 23 කට රටට අවශ්‍ය ඖෂධ මේ රටේම නිපදවන්න සෞඛ්‍ය අමාත්‍යාංශයෙන්  අනුමැතිය දීල. ඒ ගැන පුවතක් මේ සුමානෙ ලංකාදීපෙ පළවුණා.

මැදමූලන අතකොළු

තෙල් වර්ජනයේ ප්‍රධාන මෙහෙයවන්නා ලෙස පෙනී සිටිමින් හමුදා නිලධාරීන් ගේ ජීවිත බේරුණේ ඔවුන් යැවූ තෙල් නිසා යැයි කිවූ පුද්ගලයා කාගේ වහලෙක්ද යන්න මුහුණු පොතේ පළවූ ඉහත පින්තූරයෙන් හෙලිවී ඇත. 

රාජපක්ෂව ගොඩගනිමු

(ලංකා ඊ නිව්ස් -2017.ජුලි.25,  ප.ව‍‍‍‍.11.30) ඕනෑම නිෂ්පාදනයක යම් පමණක අපතයක් පිහිටීම ස්වභාවිකය. මනුෂ්‍ය උත්පත්තියේදීත් එය එසේමය. දේශපාලනයේ දී එය ඉහ වහා ගොස්ය. හේතුව යමක් කමක් කරගැනීමට දැනුමක් නැති අපත රාජයන් බහුතරයකගේ දිවිපැවැත්ම දේශපාලනය වීම නිසාය. 

අපතයන් යනු නූගතුන්මය යන්න නිවැරදි නොවේ. මන්ද පොත පත කට පාඩම් කර ඒවා විභාගයක දී ලියා සහතික ලබා ගත් අපතයන්ද සිටින බැවිනි. එයත් කළ නොහැකි අමනයන් අනෙකෙකු ලවා විභාග ලියවා තමුන්ට සහතික හිමිකර ගනිති. උදාහරණ නම් මහින්ද නාමල් ඩබලගේ නීති උපාධියන් ය.  

න්‍යාය ටොන් ගණන් වුවද ප්‍රායෝගික බව මංචාඩියක් වත් නැති  කට පාඩම් අපතයන්ට ජී. එල්. පීරිස්, දයාන් ජයතිලක, ප්‍රතිබා මහානාම හොඳම උදාහරණයන් ය. වරින්වර බිහිවන පාලක පාලිකාවන්ට අවනතව ලෞකික සුවය පැතූ මොහාන් සමරනායක, ආරියරත්න ඇතුගල ගේ නම් ද සඳහන් නොකළොත් අසාධාරණයකි. එමෙන්ම මළ භාෂාවන් වන පාලි, සංස්කෘත ආදිය පිළිබඳ උපාධි ලබා වත්මන් නවීන ලෝකයම පාලනය කළ හැකියයි උදම්වන චීවරධාරී අපතයන් ද ඇත. මැදගොඩ අභයතිස්ස ඊට හොඳ උදාහරණයකි. 

තෙල් වර්ජනයෙන් අඩපණ වූ රාජ්‍ය බලය ඩැහැගැණීමේ මෙහෙයුම

ගුවන් තොටුපොලට ඉන්ධන රැගෙන පිටත්වූ දුම් රිය මහජන අත්පොල්සන් මැදින් පිටත් වන ඡායාරූපයක් 

දොස්තරවරු, වරාය සේවකයන්, තෙල් සේවකයින්, තැපැල් සේවකයින්, විදුලි සේවකයින් යොදාගෙන මහජන ජීවිතය අපහසුවට පත්කරන වර්ජන රැල්ලක් ක්‍රියාත්මක කරමින් රජය අපහසුවට පත්කර බලය ඩැහැගැනීමට සමහරුන් ගෙනගිය වැඩ පිළිවෙලේ  ප්‍රධානතම  පියවරක් අද අසාර්ථක විය. මෙම වැඩ පිළිවෙලේ ප්‍රධානම අංගයක් වූයේ තෙල් වැඩ වර්ජනයයි. තෙල් බෙදා හැරීම අඩපණ වීමෙන් විදුලිය නිපදවීම, බස් සහ දුම්රිය  ධාවනය, ගුවන් යානා වලට ඉන්ධන සැපයීම ආදී ක්ශෙත්‍ර කිහිපයකටම බලපෑම් ඇතිකිරීමට මෙම පිරිස බලාපොරොත්තු වූහ. දොස්තර වර්ජනයේදී ඔවුන්ගේ සටන් කඩාකප්පල් කිරීමට ආණ්ඩුව ඉදිරිපත් නොවීම නිසා ඉතිරි වර්ජන වලටත් එය එසේම වෙනු ඇතැයි මොවුන් සිතූහ. ඔවුන්ගේ ඒ සැලැස්ම බල රහිත කරවමින් ඉන්ධන අංශය අත්‍යාවශ්‍ය සේවයක් කිරීමටත් ත්‍රිවිධ හමුදා ලවා තෙල් බෙදා හැරීමේ මර්මස්ථාන වල පාලනය කඩාකප්පල් කරුවන්ගෙන් බේරාගැනීමටත් ක්‍රියාත්මක වූ මෙහෙයුමෙන් කුමන්ත්‍රණ කරුවන් අනාථ විය.

පොල් මැල්ලුම් ෂාණරයේ කථා නිර්මාණ තරඟ ප්‍රතිඵල

තරඟයට සහභාගී වුණ රොමා, දුමී, තරිඳු සහ අරූට නැවතත් මගේ ස්තූතිය. තරඟයේ ගරු විනිශ්චයකාර රවී වීරසිංග මැතිතුමා එතුමාගේ තීන්දුව දන්වා තියෙනවා. තීන්දුව එතුමාගේ වචන වලින්ම පහල පලවෙනවා.

පොල්මැල්ලුම් ෂානරයේ 'ප්‍රබුද්ධ' කෙටිකථා

පොල් මැල්ලුම් කථා ලියන්න කරපු ආරාධනාව  දක්ෂයො  හතර දෙනෙක් භාර ගත්තට ඒ හතර දෙනාට මගේ ප්‍රණාමය පුද කරනවා. මේ ජාතියේ එකක් නොලිව්වත් එසේ ලියන්න ගිහින් හෝ කෙටි කථා කීපයක් ලියපු බ්ලොග් ලෝකයේ ප්‍රවීණයෙක් වන රසිකලොජි  ලියන රසික සූරියාරච්චි මහතාටත් මගේ ප්‍රණාමය. ඔහුගේ කෙටිකථාවල  නිතරම මේ ආරාධනාව ගැන කියල ලින්ක් කරල තිබුණ නිසා බොහෝ දෙනෙක් එතනින් ඇවිත් ඒ පෝස්ට් එක කියවලත් තිබ්බ. 

ආරාධනය පිළිගත් රචකයන්ගේ කථා වල ලින්ක් තමයි පහත දාල තියෙන්නෙ. නොකියවපු කෙනෙක් ඉන්නවනම් කරුණාකරල ගිහින් කියවල බලන්න. 

දුමින්ද අබේසේකර - දුමී

රොමාන්තික රස්තියාදුකාරයා

තරිඳු ලක්ෂාන් - තරිඳුගේ ලෝකය

  අරූ ගේ ලෝකය

ඊලඟට තියෙන භාරදූර කාර්‍යය තියෙනේ නිදහස් සිතුවිලි ලියන තාපසතුමා නෑ මම කිව්වේ අපේ රවී වීරසිංහ ශ්‍රීමතාණන්ට තමයි. එතුමා තමයි මේ තරඟයේ විනිශ්චයකාර තුමා. එතුමාගෙන් ගෞරවයෙන් ඉල්ලා සිටිනවා මේ කථා වලින් පළමු, දෙවන සහ තුන්වන ස්ථාන තෝරලා දෙන ලෙස.  රවී වීරසිංහ ශ්‍රීමතාණන් තෝරාගන්නා හොඳම කථාවට රු. 15,000/=, දෙවන එකට 10,000/=, තුන් වෙනි එකට  රු. 5,000/=. තෑගි මුදල් ලබා දෙන්න පහසුවෙන්න තමන්ගේ බැංකු ගිනුම් විස්තරත් ඉක්මනටම ඊමේල් මඟින් ලබා දෙන ලෙස රචක මහත්මයන්ගෙන් ඉල්ලා සිටිනවා. 

මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

අන්තවාදයෙන් බුද්ධ ධර්මය ආරක්ෂා කරගත යුතුයි.

(ලංකා ඊ නිව්ස් -2017.ජුනි.27, පෙ.ව‍‍‍‍.5.00)  පැවිදි හෝ ගිහි වේවා තමා භාවිතා කරන වචනවලින් හෝ ක්‍රියාවෙන් බුදු දහම අන්තවාදී දහමක් බව ඔප්පු වීමට ඉඩ නොදිය යුතු බවත්, අන්තවාදයට බුද්ධ ධර්මය තුල ඉඩක් නැති අතර  ආගම් තුල අන්තවාදය පැතිරීමෙන් සිදුව ඇති හානිය අප දැක තිබෙන බවත් බටහිර ලෝකයේත් බුදු දහම පිළිබද උනන්දුවක් ඇති වී තිබෙන මේ අවස්ථාවේ අන්තවාදයෙන් බුද්ධ ධර්මය ආරක්ෂා කරගත යුතු බවත් අගමැති රනිල් වික්‍රමසිංහ මහතා පැවසීය. රටේ අගමැතිවරයාගේ මෙම ප්‍රකාශය වැදගත් වන්නේ අන්තවාදී ඥානසාර වැනි සිවුරුකරුවෙකුගේ හැසිරීම කුමක් වුවත් මතවාදය නිවැරදි යයි අස්ගිරි මහා නායක ඇතුළු දුරදිග නොපෙනෙන උන්නාන්සේලා විසින් ප්‍රකාශකරන පසුබිමක් තුලදීය. 

පසුගිය ජුනි මස 25 වන දින කළුතර බෝධිපරිශ්‍රයේ පැවති ශ්‍රී ලංකා අමරපුර මහා නිකායේ උපසම්පදා මහෝත්සවයට සහභාගි වෙමින් අග්‍රාමාත්‍ය රනිල් වික්‍රමසිංහ මහතා එසේ කී අතර එහිදී අගමැතිවරයා වැඩි දුරටත් මෙසේ පැවසීය.

රටක් දියුණු කිරීමට නම් වෛද්‍ය වෘත්තිය, සම සෞඛ්‍ය වෘත්තිය ආදීවෘත්තීන් දියුණු කළ යුතුයි

සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න මහතා

(GossipCLanka) රටක් දියුණු කිරීමට නම් වෛද්‍ය වෘත්තිය, සම සෞඛ්‍ය වෘත්තිය ආදීවෘත්තීන් දියුණු කළ යුතුයි.එතුළින් රට යම් ගුණාත්මක සහ ව්‍යුහාත්මක වෙනසක් කරා ගමන් කරනවා. 

1957 මේ සේවය ආරම්භ වුණේ ඖෂධවේදීන් 5 දෙනකුගෙන්. අද ඖෂධවේදීන් 1,500ක් දක්වා ප්‍රසාරණය වෙලා තියෙනවා. ඒ රටේ පිළිගැනීමත් සමඟම. වෛද්‍යවරු හිපොක්‍රටීස් දිව්රුම් අනුව වැඩ කරන්නේ. හිපොක්‍රටීස් පවා ඖෂධවේදියෙක්. අද මේ රටේ ඖෂධවේදීන් එදාටත් වඩා ඉහළ මට්ටමකට ගමන් කරල තියෙනවා. මොකද දැන් ඖෂධවේදී උපාධිධාරීන් බිහි වෙනවා. 2002 රජය යටතේ ඉඩම් අමාත්‍ය ධුරය දරන කාලයේ සම සෞඛ්‍ය සේවයේ මහා වැඩවර්ජනයක් තිබුණා. මම ඒ අවස්ථාවේ කැබිනට් අනුකාරක සභාව නියෝජනය කළා. ඔවුන් ප්‍රකාශ කළේ "රුපියල් ශතවලට සටන් කරලා වැඩක් නැහැ. වෘත්තීය සමානාත්මතාවක් ඇතිකර ගත යුතුයි කියලා

පොල් මැල්ලුම් ඡානරයේ කථාවක් ලියන්න පුළුවන්ද?

සම්බෝල කෙටීම

ඔය එක එක විකාර ලිව්වට මට කවදාවත් ප්‍රබුද්ධ කථා නම් ලියන්න කිසිම හැකියාවක් නැහැ. ඒ ඔය ප්‍රබුද්ධ කථා ලියන අයගේ තියෙන ලැටරල් තින්කින්ග් එක මට බැරි නිසා වෙන්න ඇති මට තියෙන්නේ ලීනියර් හිතන ක්‍රමයක්. ඕකෙන් ගැලවෙන්න හිත හිතා හිටපු කාලෙක  අපේ ප්‍රවීණ බ්ලොග්කාරිණියකගෙ ප්‍රබුද්ධ මොඩල් එකේ කථාවක් කියවල මෙහෙම අදහසක් ආවා. ඒ තමයි පොල් මැල්ලුම් ඡානරයේ කථා ලිවීම. 

පොල් මැල්ලුම් ඡානරයේ කථා ලියන්නේ මෙහෙමයි

එකිනෙකට සම්බන්ධ නැති කෙටිම කෙටි කෙටිකථා තුනක් කලින් ලියන්න. ඒ සඳහා ඔබ දැනටමත් ප්‍රසිද්ධ කර ඇති කථා එකකුත් හෝ දෙක තුනකුත්  යොදාගත්තට කිසිම ප්‍රශ්ණයක් නැහැ. ඒ කථා තුන එකිනෙකට වෙනස් කථා තුනක් නම් වඩා හොඳයි. ඒ කියන්නේ ආදර කථාවක්, අතීතකාම කථාවක්, ත්‍රාසය, සත්‍ය කථාවක් වගේ වෙනස් කථා තුනක් ගන්න එක වඩාත්ම හොඳයි. එහෙම නොවුණත් ප්‍රශ්ණයක් නැහැ.

ඊලඟට එක කථාවක එක ඡේදයක් මැල්ලුම් කථාවට කට් පේස්ට් කරන්න. දෙවෙනි ඡේදය හැටියට අර තුනෙන් වෙන කථාවකින් ඡේදයක් කට් පේස්ට් කරන්න. ඊලඟ ඡේදයට තව කථාවකින් ඡේදයක් දෙකක් ආදී වශයෙන් කට් පේස්ට් කරමින් මේ කථා තුන එක මැල්ලුම් කථාවකට හොඳට අනන්න. මැල්ලුම් වගේම අනන තරමට තමයිළු රස. පොල් මැල්ලුම හොඳට ඇනුවම පොල් කොටස මුල ඉඳලම ඒ පාටට, ඒ රසට තිබුණ වගේ පේනවනෙ. ඒ නිසා හොඳට ඇනීම තමයි මේ තියෙන්නේ කථා තුනක් නොව එක කථාවක් කියල කියවන්නා හිතන්නේ. 

මේ අවස්ථාවෙදී හෝ කථා තුන ලියන මුල් අවස්ථාවෙදී කථා තුනම සම්බන්ධ කරන දෙයක් පාවිච්චි කළොත් මැල්ලුමට හොඳට දෙහි දැම්ම වගේ තමයි. ඒ කියන්නේ මුලින් ලියපු කථා තුනේම එක පොදු ස්ථානයක් එකතු කිරීම. ඒ කියන්නේ ඒ තුනේම විහාර මහා දේවී පාක් එකේ යමක් වෙනවා. එහෙම නැත්නම් කථා තුනේම කථා නායකයා හෝ එක චරිතයක් එකම නමකින් ඉන්න එකම කෙනෙක් ආදී වශයෙන්. එහෙම නැත්නම් කථා තුනේම එක වෙලාවක වෙන එක සිද්ධියක් පොදු කරන්න. උදාහරණයකට බෝම්බ පිපිරීමක් වගේ.  එහෙම නැත්නම් එක කථාවක කෙනෙක් සිගරට් එකක් බීල විසිකරණකොට ඒක අනික් කථාවේ චරිතයේ ඔඩොක්කුවට වැටිල ගිණිගන්නව වගේ දෙයක්. 

අන්තිමට මොනවහරි හිතට එන දාර්ශණික වචන ටිකක් හරි පාඨයක් ලියල මැල්ලුම සෑදීම ඉවර කරන්න. ඒක අවශ්‍යමත් නැහැ. නමුත් කථාව ඉවර කරන විදිහත් සාර්ථකත්වයට බලපානව නේ. 

ඔව් ඔව් දුමී මේ ක්‍රමයට 'ප්‍රබුද්ධ' කවිත් ලියන්න පුළුවන් ඇති.

අන්තිමටම යූටියුබ් එකෙන් මොකක් හරි සිංදුවක් තෝරගෙන ඒකත් කථාවෙ පහලට එකතු කරන්න. ඒ සිංදුවේ එන මොකක් හරි පදයක්, අවස්ථාවක්, සිද්ධියක් උඩ තියෙන එක කථාවකට සම්බන්ධ කරන්න පුළුවන් නම් මරු.

ඔයාලත් මේ ක්‍රමයට පොල් මැල්ලුම් ඡානරයේ කථාවක් ලියලා බ්ලොග් එකේ ප්‍රසිද්ධ කළොත් මම ඇර වෙන කවුරුහරි යොදවල තෝරගන්න හොඳම කථා තුනට සුළු තෑගි දෙන්න හිතුණා.  තරඟයට අදාල කාලය අද සිට ජූනි 30 දක්වා. විනිශ්චය කරන කෙනා තෝරාගන්නා හොඳම කථාවට රු. 15,000/=, ඊලඟ එකට 10,000/=, තුන් වෙනි එකට  රු. 5,000/=. ලී කෑලි නැහැ. එහෙම නැත්නම් ඔබ වෙනුවෙන් ඔබ කියන චැරිටි එකකට ඔබේ නමින් එම මුදල් පරිත්‍යාග කරනවා.

මේ පෝස්ට් එක ප්‍රබුද්ධ කථා රචකයන්ට අපහාසයක් හෝ උපහාසයක් ලෙස ලිවූවක් නෙවෙයි. විස්කි අරක්කු නැති අය කසිප්පු ටිකක් හරි පෙරාගන්නව වගේ ප්‍රබුද්ධ කථා ලියන්න හැකියාව අඩු නම් පොඩි කසිප්පු වඩියක් පෙරල බලනව වගේ එකක් පමණයි. මම මේක ඉගෙනගත්තේ බ්ලොග්කාරිණියකගේ පරණ ලියපු කථාවකින්. ඒ කවුද කියල නම් අහන්න එපා. ඇහුවොත් ඔන්නොහෙ උපේක්ෂාසහගත උත්තරයක් දෙනව මිසක් කවුද කියලනම් කියන්නෙ නැහැ. 

 මේක ඇත්තටම අත්හදා බලන්න.

මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

‘මහින්ද අඩු ගානේ පන්සිල් පද පහේ එක පදයක් හෝ රකින්න..!

(ලංකා ඊ නිව්ස් 2017.ජුනි.14, ප.ව.5.30) 2009 වසරේ අප රටේ යුද්ධය අවසන් වූ වහාම රට සංවර්ධනය කරා ඉහළට ඔසවා තැබීම සඳහා කටයුතු කිරීමට අවස්ථාව තිබියදී ඒ වෙනුවට මහින්ද රාජපක්ෂ මහතා සහ ඔහුගේ උපදේශකවරු මේ රට ප්‍රපාතය කරා තල්ලු කිරීමට කටයුතු ආරම්භ කළහ. එක් පැත්තකින්, ඉතා අසාධාරණ ලෙස ඉහළ වානිජ පොලියට විදේශයන්ගෙන් මුදල් ණයට ලබාගෙන, රට විශාල ණය උගුලකට ඇද දැමූ අතර, අනෙක් පැත්තෙන් ශ්‍රී ලංකාව හා රටේ ජනතාව ජාත්‍යන්තරයෙන් හුදකලා කිරීමට මග සැලසීය. එමෙන්ම, ඔවුන් විසින් ගනු ලැබූ තීරණයන් හේතුවෙන් ශ්‍රී ලංකාව ජාත්‍යන්තරයෙන්ද දුරස් කරනු ලැබීය. ජාත්‍යන්තර මූල්‍ය ආයතනයන් සමඟ වූ ගනුදෙනුවල දී ශ්‍රී ලංකාවට ආධාර දෙන ප්‍රධාන රටවල් බොහොමයක් විවිධ අවස්ථාවන්හි ශ්‍රී ලංකාවට එරෙහිව ඡන්දය පාවිච්චි කළ අවස්ථාවන් පිළිබඳ තොරතුරු ඔහු රටට වසන් කළේය.

හම්බ රටේ යාළුවා

අපි වෙනුවෙන් හම්බයන්ට තර්ජනය කරන ඥාණසාර හාමුදුරුවෝ 

නාන සාර හාමුදුරුවන්ට බුදු බව ලැබෙන්න ඕන. එතුමා නිසා තමයි මට ඇත්ත තේරුණේ. මේ හම්බයන්ට බෞද්ධයෝ නැතිකරන්න දෙන්න පුළුවන්ද? හම්බයොන්ගෙ කඩවල් කඩල පල්ලි ගිනි තියල වුන් ඔක්කොම ඝාතනය කරන්න තමයි මටත් හිතිල තියෙන්නෙ. ඒකට කියන්නෙ වෛරය - ද්වේශය කියල නෙමෙයි. ඒව බෞද්ධාගම වෙනුවෙන් අපෙන් වෙන්න ඕන යුතුකම්. ඒ යුතුකම් ටික ඉෂ්ඨ කරල ඔය යන්න කියන මාර්ග වල නොගියත් මොකද? අනික හම්බයො විස්ස ගානෙ පැටව් ගහල ලංකාවේ බහුතරය වෙනවලු.  ටිකක් තරුණ කාලේ  මේක දැනගත්තනන් ළමයි දෙන්නෙක් විතරක් හදන්නෙ නැතුව විසි තිස් ගාණක් හදන්න තිබ්බ. හම්බයෝ බහුතරය වුනාම 'පින්කෙත හෙළ ලක්දෙරණේ යළි උපදින්නට හේතු  වාසනා වේවා' කියල බීගත්තම කියන සිංදු ඇත්ත වුණොත් ඊලඟ ආත්මෙ හම්බයෙක් වෙලා තමයි ඉපදෙන්න වෙන්නෙ. එතකොට බෞද්ධයන්ගෙන් පල්ලි බේරගන්න කියල මටත් ජිහාඩ් එකකට යන්න වෙයිද? ඊට වඩා හොඳයි බෞද්ධාගම රැකගන්න කියල හම්බයෙක් මරල අපාගත වෙන එක.

වරදට සමාව ශුවර්

යම්කිසි හේතුවක් නිසා දුම්රියට පැන සියදිවි හානි කරගත්ත T. විජේසිරිවර්ධන නම් තරුණියක් ගැන මේ දවස් වල ප්‍රවෘත්ති පළ වුණා. ඇයගේ උපාධි ප්‍රදානෝත්සවයට සතියකට පසුව මෙම සිද්ධිය සිදුවීමත් ඇය පේරාදෙණිය විශ්ව විද්‍යාලයේ විද්‍යා උපාධිධාරිණියක වීමත් ඇයගේ ආකර්ශණීය රූ සපුවත් ඇය ගැන විශාල කථා බහකට සමාජය යොමුවීමට හේතු වන්නට ඇති. ප්‍රේම සම්බන්ධයක් නිසා ඇය මෙවන් තත්ත්වයකට පත්වුණා යැයිද එම මරණයට සම්බන්ධ ප්‍රවෘත්ති වල සඳහන් වුණා. තරුණ කාලයේ යම් කිසි හේතුවක් නිසා මගේ ප්‍රියතම බාලිකා පාසැල වූ මිලාගිරියේ ශාන්ත පාවුළු කන්‍යාරාමයේ ආදි සිසුවියක් බවත් එම ප්‍රවෘත්ති වල සඳහන් වුණා.ඒ ඇරෙන්න මේ තරුණිය සම්බන්ධයෙන් හෝ ඇයගේ අකල් වියෝව සම්බන්ධයෙන් මම කිසිම කිසි දෙයක් දන්නේ නැහැ. මේ සිද්ධිය මම කිහිප විටක් ලිවීමට සිතූ මාතෘකාවට ප්‍රවේශයක් ගැනීමට මට සිතුනා. මම මේ කථා කරන මාතෘකාව මෙම තරුණියට කිසිසේත්ම සම්බන්ධයක් නැහැ. එම මරණය ගැන කියවූ විට මම ලියන්නට සිටි මාතෘකාව මතක් වීම පමණයි එකම සම්බන්ධය.

දෙසවන් සොයනා ආත්මීය හඬ අපෙ සිත් හඳුණා ගත්තාලූ

නුවර  වැව අබියස කසුන් සහ සත්‍යා..ඡායාරූපය - ඉඳුවර ගුණසේකර

එන සති අන්තයේ කූඩු වෙන බ්ලොග් ලෝකේ රුවැත්තිය සත්‍යා නිර්මාණී කිරිල්ලියටත් කසුන් නයනජිත් කුකුලා සොරි කුරුල්ලාටත් කවියෙන් සුභ පැතීමක් ප්‍රේම කථා ඔස්තාද් රවී වීරසිංහ ශ්‍රීමතාණන් විසින් පල කර තියෙනවා. ඔහුගේ සුභ පැතීමේ කවියේ ඇති සෑම පැතුමක්ම බ්ලොග් ලියන කියවන අපි හැමෝගේම පැතුම බව මට විශ්වාසයි.

යහපාළුවන්ගේ වෙන්දේසි බන්දේසි ආර්ථිකය

යහපාලන නායකයෝ කරන්නේ වෙන්දේසි බන්දේසි ආර්ථිකයක් කියලා මැයි දිනේදි හිටපු නායකතුමා කිව්වා. හැමදේම ඉන්දියාවට එහෙම නැත්නම් චීනෙට විකුණන්න කථා කරන යහපාලකයෝ කරන්නෙ විකුණාගෙන කෑමක් තමයි. ඒගොල්ලො ඒ අතින් කොච්චර නරකද. කිසිම දේශීය හැඟීමක් නැති අය. 

ලෝකය නටවන අපේ අය

Geopolitics

අපි හරිම කැමතියි අපි ඉන්න පරිසරය අපේ පාලනය යටතේ තියෙනවනම්. ඒක සාමාන්‍ය මනුස්ස ස්වභාවයක්. මට මතක විදිහට එහෙම කාලයක් මට තිබ්බෙ මොන්ටිසෝරියට යන්න ඉස්සෙල්ල. හැම දේම මට ඕන විදිහට. අම්මල තාත්තල, අයිය, ආච්චි අම්ම එහෙම මම් 'හ්ම්' කිව්වොත් ඒක තමයි අවසාන තීරණය. ඊට ටික කාලෙකට පස්සෙ මල්ලි කෙනෙක් එකතුවෙලා මගේ ඒ සුවිශේශී බලපරාක්‍රමය පැහැරගත්ත. ඊට පස්සෙ එයා තමයි බොස් වුණේ.

ඉස්කෝලේ යනකොටත් එතන ගුරුවරු ගේ බලයයි, මට වඩා ශක්තිය තියෙන අයගෙ බලයයි එක්ක මොලේ පාවිච්චි කරල ඇඟ පත තලාගන්නෙ නැතුව ඉන්න පුළුවන් වුණා. ඉස්කෝලෙ මගේ වුවමනාවට ජාති දාති දාන්න ගියා නම් කෝටු කිතයියල දෙතුන් දෙනෙකුට නෙලන්න පුළුවන් වුනත් කාගෙන් හරි ගුටි කනව. ඒ නිසා තමයි එක එක්කෙනාගෙ දක්ෂකම්, බලපුළුවන්කාරකම්, සම්බන්ධකම්, වගේ දේවල් ගැන අවබෝධයෙන් සහ අවධානයෙන් ඉන්න වුණේ.

අන්තරේ පෙළපාලි සංවිධානය ගැන පසුබිමේ රහස්

අන්තරේ සහ ශ්‍රී ලංකා පොලිසිය අතර පවත්වන අන්තර් ප්‍රිම්යර් ලීග් ශූරතාවය සඳහා ඊයේ තවත් සාර්ථක තරඟයක් නිමා වුණා කියලා දන්නවනෙ. හැම ඉවෙන්ට් එකක්ම වගේ තරඟය පවත්වන කාල සීමාවට වඩා කාලයක් ඕව සංවිධානය කරන්න යනව. මේ තරඟය සංවිධානය වෙච්ච් විදිහ ගැන පොඩි විස්තරයක් ඒව ගැන දැනගන්න වෙන්නේ නැති අය වෙනුවෙන් ලියා තියන්න තමයි සූදානම.

මේ පිළිබඳව පළමු සාකච්චාවේදීම ගත්ත තීරණයක් තමයි අන්තරේ අය පෙළපාලියට දින තුනකට පෙර ඒ සඳහා සහභාගී වෙන අයගේ ප්‍රමාණය පොලිසියට දන්වන්න ඕන කියන එක. ඒකට හේතු වුණේ මීට කලින් තිබ්බ තරඟ කීපෙකම හැමෝටම හොඳට වදින්න ගහන්න කඳුළු ගෑස් මදි වෙච්ච එක. ඒ අඩුපාඩුව ගැන කථා කරපු අන්තරේ නියෝජිතය කිව්වෙ ඒ ගොල්ලො ගොඩක් වෙහෙසිලා හොයාගෙන එන අයට භුක්ති විඳින්න ප්‍රමාණවත් කඳුළු ගෑස් ප්‍රමාණයක් පොලිසියෙන් ලැබෙන්නේ නැහැ කියන එක. 

යහපාලන ආර්ථික දර්ශණය

(2018 මැයි 8 ලංකාදීප) “අපනයන ආර්ථිකයෙන් ශීඝ්‍ර දියුණුවකට ගොස් ලෝක වෙළෙඳපොළ අල්ලා ගැනීමට ශ්‍රී ලංකාව දැන් සූදානම්” බව අග්‍රාමාත්‍ය රනිල් වික්‍රමසිංහ මහතා ඌව පරණගම-යාලගම දී පැවැසීය.

ශ්‍රී ලංකාව සමඟ තරහවී සිටි ලෝකයේ සෑම රටක්ම යහපාලන රජය යටතේ ලංකාව සමඟ යහළුවී සිටින බව කී අග්‍රාමාත්‍ය රනිල් වික්‍රමසිංහ මහතා, කඩිනම් ශීඝ්‍ර සංවර්ධනයක් තුළින් රාජපක්ෂ ණය ඇතුළු සියලු ණය බරින් රට මුදාගත හැකි ශක්තිමත් ආර්ථිකයක් නිර්මාණය කරන්නේ යැයි ද කීවේය.

අග්‍රාමාත්‍ය රනිල් වික්‍රමසිංහ මහතා මේ බව පැවැසූයේ ඌව පරණගම-යාලගම යොවුන් අපනයන කෘෂි ගම්මානය ආරම්භ කිරීමේ උත්සවයේ ප්‍රධාන ආරාධිත ලෙස සහභාගී වෙමිනි.

අක්කර 53ක භූමියක කෘෂි ගම්මානය ඇරඹෙන අතර, අඹ, ගම්මිරිස්, අන්නාසි, වැල් දොඩම්, කටු අනෝදා, රට කජු යන භෝග මෙන්ම මී මැසි පාලනය අපනයනය සඳහා මෙහි වගාකිරීමට නියමිතය.

රට නගන මඟ 1 - උසස් අධ්‍යාපනය සහ සිසුණය ක්‍රමය

දියුණු රටවල් වල මෙන් ලෝක පිලිගැනීමක් ඇති ගුවන් යානා හෝ මෝටර් රථ නිශ්පාදනය කිරීමට අපට නොහැකි වී ඇත. තේ සහ ඇඟළුම් හැරුණු විට චීනය වැනි නිශ්පාදන පිරිවැය අඩු රටවල් කරන අපනයනයන් අපට නිශ්පාදනය කිරීමට නොහැකි වී ඇත. අපට තවම තෙල් සොයා ගැනීමට නොහැකිවී ඇත. එහෙත් සිසුන් විශාල ප්‍රමාණයකට තාක්ෂණික විෂයයන් කියා දීමට හැකි උගතුන් අපට සිටියත් එක සාක්ෂාත් කරගැනීමට හැකිවෙලත් නැහැ . ඒ සඳහා අවශ්‍ය වන්නේ  සියළු දෙනාට අධ්‍යාපනය ලබා ගැනීමට ක්‍රමයක්, අදාල ගොඩනැඟිලි, සුදුසුකම් වලට සහතිකයක් ලබා දීමට බලය ඇති විශ්ව විද්‍යාල වැනි ආයතන පමණයි. මේ සඳහා කළ යුත්තේ උසස් අධ්‍යාපන නියාමන කොමිසමක් හරහා විශාල පිළිගත් පෞද්ගලික ආයතන වලින් ආයෝජන ලබා ගෙන එක දිස්ත්‍රික්කයකට අවම වශයෙන් එකක් හෝ වන සේ පෞද්ගලික විශ්ව විද්‍යාල බිහිකිරීමයි. කාලයක් යනවිට මාලදිවයින වැනි ලඟ පාත රටවල සිසුන්ටත් උසස් අධ්‍යාපනය සපයන කේන්ද්‍රස්ථානයක් බවට මේ රට පත්වනු ඇත. අළුතින් බිහිවන විශ්ව විද්‍යාල වලට ජාත්‍යන්තර පිළිගැනීම් ලැබීමෙන් අන් රටවල් වල අයද අධ්‍යාපනය සඳහා පැමිණීමෙන් අද අධ්‍යාපනය දීමට අපෙන්  මුදල් ලබා ගන්නා චීනය, බංග්ලාදේශය , බෙලරුස් මෙන් අපද අන් රටවලින් මුදල් සොයා ගන්නා රටක් බවට පත්වනු ඇත

ලක්ෂෙට කොඩිය සහ පූටින් ගේ නොමඳ සහය

රුසියානු ජනාධිපති පූටින් මහතා

මේ සුමානෙ මේ බ්ලොග් එකේ හිට්ස් ගාන ලක්ෂය පහු කලා. මම ලියන විකාර කියවන්න මෙච්චර කට්ටියක් ඉන්නවද? ඇත්තම කථාව එහෙම විශාල පාඨක සංඛ්‍යාවක් නැහැ. මේ හිට්ස් ගාන වැඩිවෙන්න හේතුව රුසියාවේ සයිට් වලින් එන බොරු හිට්ස්. මගේ ඇස්තමේන්තුව පහුගිය අවුරුදු 2 දී වැඩිම වුණොත් 25,000 ක් හිට්ස් ලැබෙන්න ඇති.ඉතිරි 75,000 පූටින් සහෝදරයාගේ සාදර අනුග්‍රහයෙන් ලැබෙන බොරු හිට්ස්. උදාරණෙකට පසුගිය මාසෙ හිට්ස් 5,000 ක් විතර ලැබිල තියෙනවා. ඒවුණාට පෝස්ට් වල කවුන්ට්ස් වැඩි වෙලා තියෙන්නේ 1,000 කින් විතර. එතකොට 4,000 ක් විතර පෝස්ට් නොකියවන හිට්ස්. ලැබෙන රටවල් බැලුවම 80% ක් එන්නෙ රුසියාවෙන්. 

2009 ඉඳන් 2015 වෙනකම්ම තිබ්බෙ හිට්ස් 500 කට වඩා අඩුවෙන්. හිට්ස් දාකට වඩා අඩු ගාණක් තියෙද්දි බ්ලොග් එක සින්ඩිකේටර්ස් වල එල්ලන්න උපදෙස් දුන්න චෙෆාකි සර් ටත්, මගේ විකාර කියවපු අයටත්, කියවන්නන් විශාල ප්‍රමාණයක් යොමු කල මාතලන්ගේ සින්ඩිය, කොත්තු සින්ඩිය, අටම්පහිය වැනි සින්ඩි වලටත්,  ට්‍රම්ප්ව දිනවන්න මහන්සිවෙන අතරේ හිට්ස් 75, 000 ක් විතර එවල හිට්ස් ලක්ෂය පහු කරන්න උදව් කරපු පූටින් මහත්තයටත් බොහොමත්ම ස්තූතියි කියන්න මේ අවස්ථාව යොදාගන්නවා.


බ්ලොග් ලෝකෙට අළුතෙන් හඳක් පායලා. සඳවතිය බ්ලොග් එකට මෙතනින් ගිහින් එකතුවෙන්න.



මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

වර්ජක වෛද්‍යවරුන්ට හෙන ඉල්ලීම වැරදියි

වෛද්‍ය නලාවක් කරේ ලාගත් කෙනෙක් සහ මාංචු යුගලක්

වෛද්‍ය සින්දූපා සෙනවිරත්න මහත්මියගේ ෆේස්බුක් සටහනක් කියවීමෙන් මෙය ලිවීමට සිත්විය. ඇයගේ පෝස්ට් එකට හේතුව නම් දොස්තර වර්ජනය ගැන අදහස් දැක්වූ අයෙක් වර්ජනය කරන දොස්තරවරුන්ට හෙන හතක් වදින ඉල්ලා සිටිමින් රූපවාහිනියේ වාර්ථාකරුවකුගේ ප්‍රශ්ණයකට පිළිතුරක් ලෙස කරන ලද ප්‍රකාශයකි. දොස්තරවරුන් ප්‍රතිකාර කිරීමේදී සහ ශල්‍ය කර්ම සිදුකිරීමේදී, හදිසි අනතුරු අංශ වල සේවයේදී කරන දේවල් සඳහන් කරමින් ඇය එම පුද්ගලයාගේ ප්‍රකාශය විවේචනයට ලක් කරයි. එය කියවීමෙන් මට ඇතිවූ පළමුවන හැඟීම නම් දොස්තර වර්ජනය ගැන එය නිසා ප්‍රතිකාර ලබා ගැනීමට නොහැකිවූ අය කිව යුත්තේ "වර්ජනය කල නිසා ඒ උත්තමයන් බුදුන් දකින්න" කියාද යන්නයි.  

ශ්‍රී ලංකන් ගුවන් සේවය හොම්බෙන් යාම

ෂ්‍යාමන් ජයසිංහ – 

ෂ්‍යාමන් ජයසිංහ

‘ශ‍්‍රී ලංකන් ගුවන් සේවයේ’ කතාන්තරය දැන් මුලූ රටම දනී. මහින්ද රාජපක්ෂගේ දස අවුරුදු පාලන කාලය ගැන තවමත් ප‍්‍රශස්ති ගයන සහ ඔහු යළි බලයට පත්වීමක් ගැන කෑමොර දෙන අයවළුන්ට යෝනිසෝ මනසිකාරය වඩවා ගැනීමට මීටත් වඩා තවත් සාක්ෂි අවශ්‍ය නොකෙරේ.

මේ සිද්ධිය වනාහී, රටක විනාශයේ විභවය පෑදූ, දුර්භාග්‍යවන්ත ආණ්ඩුකරණ මාදිලියක් පිළිබඳ ආඛ්‍යානයක එක් අංගයකි. අධිකාරීවාදී මජර තන්ත‍්‍රයන් අයාලේ ගොස් තුවාලයක් වූ විවිධ ඓතිහාසික අවස්ථාවන්ට මෙය තවත් උදාහරණයකි. එබැවින් මොනයම් හෝ පුද්ගල කෝන්තරයකින් පරිබාහිරව, අනාගතය සඳහා අදාළ කර ගත හැකි දර්ශකයක් හෝ ආදර්ශමත් අධ්‍යයනයක් වශයෙන් මෙම සිද්ධිය සියුම්ව පරීක්ෂාවට ලක් කිරීම වටනේය. මහා අසාර්ථකත්වයක් පාඩමක් කර ගත හැකි අත්දැකීමක් බවට පත්කර ගත හැක්කේ එයාකාරයෙන්ම පමණි.