Friday, May 13, 2022

මේ රනිල්ගේ අවසාන දේශපාලන පත්වීමද?

     මූට මේක කටපාඩම් ඇති 




 මාතලන්තුමාගේ බ්ලොග් එක  කවුද ටොයියෙක් හැක් කරලා කියලා ඔබ දැන් දන්නවා ඇති. හැකර් කෙනෙක් ගෝටාභයට බැනලා රනිල්ට ආවඩලා ඒකේ පෝස්ට් එකක් දාල.  කොහොමවුණත්  රනිල්  අගමැති වීම අද සාමාන්‍ය මිනිසුන් කිරිපිටි, ගෑස්, ඉන්ධන ආදිය නැතුව විඳින දුකෙන් එලියට එන්න අවස්ථාවක් ලැබෙයි කියල තමයි මට හිතෙන්නේ. ඒ වුණත් අගමැති තනතුර භාර ගැනීම රනිල් දේශපාලන වශයෙන් සියදිවිනසා ගැනීමක් කියලත් හිතනවා. 

අරගලය දිගටම ගිහින් හෝ 21 සංශෝධනය හරහා ගෝටාභය ජනාධිපති තනතුරෙන් ඉවත්වුණොත් හොඳයි. එහෙම නැතුව රනිල් හරහා ආර්ථික ප්‍රශ්ණ ටික මඟහැරිලා ගෝටාභය දිගටම හිටියොත් ගෝටාභය බේරූ ද්‍රෝහියා ලෙස රනිල් ගේ දේශපාලනය ඉවර වෙනවා. 21 සංශෝධනයට පෙර ගෝටාභය අයින් වුණොත් රනිල් ජනාධිපති වෙලා ඊට පස්සේ දේශපාලනය ඉවර වෙනවා. ඒත් ගෝටාභය එහෙම අස්වෙන එක වෙන්න තියෙන ඉඩ ඉතාම අඩුයි.  

ඊයේ ප්‍රවෘත්ති සාකච්චාවක් තිබ්බ ඕමල්පෙ සෝභිත ස්වාමීන් වහන්සේ සහ කාදිනල් තුමා කිව්වෙ මහානායක හිමිවරුන්ගේ ඉල්ලීම වුණේ නිර්පාක්ෂික අගමැති කෙනෙක් පත්කිරීම නිසා මේ පත්කිරීම වැරදියි කියලයි. ඒ එක්කම එයා කිව්වා සජිත් ඉදිරිපත් වෙලා ඉන්න නිසා එයාට දිය යුතුයි කියලා. මේක නිකන් හතර බීරී කථාවක් වගේ. සජිත්ට දීම මහානායක වරුන්ගේ ඉල්ලීමට එකඟ වෙන්නේ කොහොමද? ඔහු නිර්පාක්ෂිකද? අනික් එක තමයි සෝභිත හාමුදුරුවෝ අනුර එක්ක ඇවිත් මේ පත්වීම හෙලා දැක්කා. එතකොට අනුරත් අගමැති කම භාරගන්න එකඟ වුණා නේද?. එතකොට එයා නිර්පාක්ෂිකද?

මේ ජවනිකාව ගැන මගේ කියවීම නම් මේකයි. ගෝටාභය රඟපාපු විකට ජනාධිපති කම නිසා ජනතා විමුක්ති පෙරමුණට සෑහෙන දෙනෙක් එකතුවුණා. අවුරුදු දෙකකට එහාදි 3% විතරක් ගත්තු පක්ෂයකට අද වෙනකොට 30% පමණවත් ඇති කියා මම විශ්වාස කරනවා. එම නිසා ඊලඟ චන්දෙදි සජිත් සමඟ කරට කර තරඟයක් ජවිපෙට දෙන්න පුළුවන් වෙයි. හැබැයි සජිත් මේ වෙලාවෙ අගමැති කම භාරගෙන ආර්ථිකය ගොඩගන්න බදු වැඩි කිරීම වැනි දේවල් කලාම ඔහුට සාමාන්‍ය ජනතාව අතර අප්‍රසාදයක් එනවා. ඒවගේම රනිල් තරම් විදේශ ආධාර ලබාගන්න සජිත්ට බැහැ. එම නිසා ද තියෙන සමහර ප්‍රශ්ණ යම් තරමකින් හෝ එහෙමම තියෙනවා. මේ කරුණු දෙකම නිසා පොහොට්ටුවෙන් කැඩෙන චන්ද විශාල ප්‍රමාණයක් ජවිපෙට ලැබිලා ඊලඟ චන්දෙදි 50% ඉක්මවා යන්නත් පුළුවන් වෙන්න තිබ්බා. 

එහෙම තියෙද්දී රනිල් ආපු නිසා සජිත්ට ඊලඟ චන්දෙදි එන්න තිබ්බ සාමාන්‍ය ජනතාවගේ විරුද්ධතාවය නො ඒම නිසා ජවිපෙ ප්ලෑන් එක වැරදුනා . ඒක නිසා තමයි අනුර කුමාර මාධ්‍ය සාකච්චා දි දී ඒක පට්ට ගහන්නේ. අනික රනිල් නිසා ඩොලර් ණය ප්‍රමාණයක් ලැබී අද තියෙන දුශ්කරතා මඟහැරෙන්නත් බදු වැඩිවීම නිසා රනිල්ව අප්‍රසාදයට පත්වෙන්නත් පුළුවන්. ඒකෙන් ජවිපෙට වෙන වාසියක් නැහැ අවාසියක් මිසක්. සජිත් වුණත් මේ අවස්ථාවේ භාර ගන්න මැලි වුණේ සහ ගෝටාභය පිලිනොගන්න කොන්දේසි දැම්මේ මේ වෙන ආවාසිය දන්නා නිසා.  ඒ නිසා මම හිතන්නේ සජිත් සහ අනුර කියන දෙදෙනාම අද මිනිස්සු විඳින දුක අඩුකරගැනීමේ අවශ්‍යතාව පැත්තක තියලා ඊලඟ චන්දෙ දිහා බලාගෙන පමණක් ආත්මාර්ථකාමී තීරණ ගත්තා කියලයි. 

එම නිසා මගේ අදහස වෙනත් කරුණු බලනොපා ඊලඟ චන්දෙදි මහජනතාවට සජිත් සහ අනුර දෙන්නාගෙන් කෙනෙක් තොරාගන්න අවස්ථාව ලැබෙනවා. ජවිපෙට ඊලඟ චන්දෙ දිනන්න ඕනනම් මගේ මේ පෝස්ට් එකේ පෙන්නා දුන්න වෙනස්කම් කරන්න වෙනවා. එහෙම වුණොත් මගේ චන්දෙත් ජවිපෙට තමයි.

රනිල් ගැන කිව්වොත් අගමැති කම භාරගැනීම රාජපක්ෂලාට සහ පොහොට්ටුවට ඔක්සිජන් ලබාදී නියත විනාශයකින් ගලවා ගැනීමක් කල බව කියන්නත් ඕන. ඒවුණාට අද සාමන්‍ය ජනතාව විඳින දුකට අඩු හෝ නැතිකිරීමට එයා අගමැති කම භාරගත්තු එක ඉතාම හොඳයි. මේ ආර්ථික ප්‍රශ්නෙන් එලියට ආවට පස්සේ නම් අදටත් මන්ත්‍රී කෙනෙක් වෙන මහින්දව ආයිමත් අගමැති පුටුවේ ඉඳවන්න ගෝටාභය ක්‍රියා කරන්න ඉඩ තියෙනවා. 2001 ආර්ථිකය පළමු වතාවට ඍණ අගයක් ගත්තහම චන්දයකින් රනිල් අගමැති වෙලා ආර්ථිකට ගොඩදැම්මායින් පස්සේ චන්ද්‍රිකා 2004 ආණ්ඩුව විසුරුවල ආයිමත් බලය ගත්තා. ආර්ථික අර්බුධයෙන් රට බේරගත්තත් නැතත් රනිල් අයින් කරලා ඊලඟ චන්දෙට කලින් ආයිමත් මහින්ද අගමැති වීමට ගොඩක් ඉඩ තියෙනවා. රාජපක්ෂල කියන්නේ ලේසියෙන් බලය අතහරින අය නෙවෙයි. මේදවස් වල වෙච්ච දේවල් ටිකක් අමතක වෙනකොට මේ දේ වෙන්න ගොඩක් ඉඩ තියෙනවා. එහෙම නොවුණත් මේ වලෙන් ගොඩ එන්න ගෝටාභය අඩුකල විකුණුම් බදු නැවත වැඩිකිරීම, නැතිකල උපයන විට බදු නැවත හඳුන්වා දීම, අදායම හංගන දොස්තරලා වැනි අය අහුවුන රඳවා ගැනීමේ බදු නැවත ඇතිකිරීම වැනි දේවල් වලින් රනිල් බොහෝ අප්‍රසාදයට පත්වෙනවා. එම නිසා නැවත ඔහු පාර්ලිමේතුවට තෝරා පත්වීමත් සැක සහිතයි. ඒ නිසයි ඔහු කලේ දේශපාලන සියදිවි නසාගැනීමක් කියල මම හිතන්නේ.  

මාතෘකාවට කෙලින්ම අදාල නැතිවුණත් රනිල් කියල දේශපාලන චරිතයට කැමති කෙනෙක් ලෙස මේකත් කියන්න ඕන. ගොඩක් දෙනෙක් කියනවා රාජපක්ශලාගේ 2005-2015 කාලයේ වැරදි රනිල් යට ගැහුවා ඒ නිසා තමයි ඔවුන්ට ආපහු බලය එන්න පුළුවන් වුණේ කියලා. එතකොට 20 වන සංශෝධනයෙන් විනිසුරුවරු පත්කිරීමේ බලය ස්වාධීන කොමිසන් වලින් තමන් අතට පවරාගෙන එක දිගටම නිදොස් කර නිදහස් කරගත්ත නඩු දැම්මේ කාගේ පාලනයකදීද කියන එක ප්‍රශ්ණයක් නේද? රාජපක්ෂලාගේ වැරදි ගැන රනිල් වැරැද්දක් කලා තමයි. ඒ පොලිස් FCID අංශයක් ඇතිකර ඒවා ගැන විමර්ශණය කරල නඩු දාපු එක. අනික් නායකයෝ කලේ එහෙම නෙවෙයි. 1977 දී ජේ ආර් ජනාධිපති කොමිසමක් දාල සිරිමාවෝ කරපු දේවල් විමර්ශණය කලා. එතකොට ඒවා දවස ගානේ මාධ්‍ය වල ගියා. චන්ද්‍රිකාත් එහෙම කලා. මෛත්‍රීපාල ගේ කාලෙ පලාත්පාලන චන්දයට ඉස්සෙල්ල බැඳුම්කර ගැන ජනාධිපති කොමිසමක් දැම්ම. ඒකේ දෙන සාක්කි මාධ්‍යය ඕන ඕන හැටියට දවස ගානේ වාර්ථා කලා. මෛත්‍රීපාල බලාපොරොත්තුවුනේ යහපාලන චන්ද දායකයින් එජාපෙන් කැඩිල එයා යටතේ තිබ්බ ශ්‍රිලනිපයට චන්දෙ දෙයි කියලයි. ඒකෙන් වුනේ එතකොටත් වැඩි දෙනෙක් දැනගෙන නොහිටපු බැඳුම්කර ගනුදෙනුව අති විශාල ප්‍රචාරයක් ලැබිලා රනිල්ට මහ බැංකු හොරා කියන නොගැවිය හැකි ලෙබල් එක වැදීම.  රනිල් FCID එක ඇති නොකර කොමිසමක් මඟින් නඩු අහන්න හැදුවනන් සමහර විට රාජපක්ශලාගේ කෙරුම් මීට වඩා මිනිස්සුන්ගේ මතකය කාවද්දන්න තිබුණා. ඔහු කරන විසංවාදී දේශපාලනය එවන් වැඩ නොගැලපීම තමයි ඔහුගෙ අවාසනාව.

කොහොමවුණත් ඩී.එස්, ඩඩ්ලි, කොතලාවල, ජේ.ආර්, සහ රනිල් වැනි රටෙන් හොරා නොකා තමන්ගේ දේපලත් රටට පරිත්‍යාග කරන අය නායකත්වය දුන් මම ඇළුම්කල එක්සත් ජාතික පක්ෂ දේශපාලනය රනිල් ගෙන් අවසන් වෙනවා.       




මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

Thursday, May 12, 2022

මොනවද මේ වෙන්නේ ?


රාජපක්ශවරුන් රට කලදේ පිලිඹිබු වන පෙර සහ පසු චායාරූප 


බොහෝ දේවල් සිදුවුණ සතියක් ගතවෙන වෙලාවෙ මගේ සත දෙක.


නයාට ගසා වරද්දා ගත් පොල්ල

ගොඩ දෙනෙක් කියල තිබුණ ගෝටාගෝගම කියන්නේ ටෙන්ට් ටිකක් නෙවෙයි ඒක රටේ බහුතරයකගේ පැතුම පිළිඹිබු කරන තැනක් කියන එක. මේක දශක ගණනාවක් දේශපාලනයේ සිටින බුද්ධි අංශ සපයන වාර්ථා දකින අය කීප දෙනෙක් වැරදියට අර්ථ කථනය කලේ කොහොමද කියන එක මටත් ප්‍රශ්ණයක්. ඉන්ධන, පොහොර, ගෑස්, කිරිපිටි, සිමෙන්ති, ආදී දේවල් වල හිඟයෙන් සහ මිල විශාල ලෙස ඉහල යාමෙන් බහුතරයක් ජනයා පෙර නොවූ ලෙස අපහසුතාවන්ට පත්වී තිබුණත් පාරක් වසා දැමීම වැනි ඔබ්බට යමක් කිරීමට සාමාන්‍ය ජනයාට හැකියාවක් (ගටක්) හෝ අවස්ථාවක් තිබුණේ නැහැ. ඒ නිසා ඔවුන් කලේ හැකි නම් ගෝටාගෝ උද්ගෝශණ වලට ඉඳ හිට එකතු වීම හෝ ගෙවල් වල සිටම තමන්ට කීමට ඇති දේ කියන එම අරගල කරුවන්ට හිතින් සහය වීමයි. ඒ නිසාම ඔවුන් හදවතින් අරගල කරුවෝ වුණා. ඔවුන්ගේ අරගලයේ සංඛේතාත්මක දේවල් වූ ටෙන්ට් වලට සහ අරගල කරුවන්ට එල්ල කල ප්‍රහාරය පෞද්ගලිකව තමන්ට එල්ල කල ප්‍රහාරයක් ලෙස බොහෝ දෙනෙකුට සිතීමට එමනිසා ඔවුන් පෙලඹුනා. එම පහරදීම සිදුවෙනවිටදීම කොළඹ කාර්යාල වල සහ රෝහල් වල සේවය කරන අය වැඩ කරන තැන් වලින් එළියට බහින්නත් අවේගශීලීව ගෝටාගෝගමට පෙලපාලි වලින් යන්නත් පටන් ගැනීම මමත් දැක්කා. පිටපළාත් වල අයත් සේවය අතරමැද කොළඹට ඒමට නොහැකිවුණත් සේවා ස්ථාන වලින් එළියට එන්න පෙළඹුණා. පහරදීම ඇතිකල ආවේගයන් ලංකාවේ පළමුවරට පාලක පක්ෂයේ අයගේ දේපල විනාශ කිරීම දක්වා දුර ගියා. 1977 සහ ඊට පෙර මැතිවරණයකින් පසුව ජයගත් කණ්ඩායම පරාජිතයන්ගේ ගෙවල් ගිණිබත් කිරීම ලංකාවේ දේශපාලනයේ අංගයක් වී තිබුණත්, බලයේ සිටින පක්ෂයක ආධාරකරුවන්ගේ දේපල විනාශයක් සිදුවුණ පළමු අවස්ථාව මෙය වෙන්න පුළුවන්. කොහොම වුණත් මහින්දගේ තනතුර රැක ගැනීමේ හෝ රැක දීමේ අරමුණින් පටන් ගත් දේ පැය දෙක තුණක් තුල ඔහුට ඉල්ලා අස්වෙන්න සිදුකරමින් තමයි ඉදිරියට ගියේ. අන්තිමට කොරෝන වලට රට වැසීම ප්‍රමාද කිරීමේ තීරණය, පොහොර තීරණය, ඩොලරය 202 හිර කිරීමේ තීරණය, වැනි ආණ්ඩුවේ හිස මත කඩා වැටුණ විනාසකාරී තීරණ ගොන්නට ගෝටාගෝගම කඩා දැමීමේ තීරණයත් එකතුවුණා.          


ඊලඟ අගමැති සහ ආණ්ඩුව

ජාතික ජනබලවේගයේ යෝජනාව වුනේ අනුර අගමැති වෙනවා නම් ඔවුන් සර්ව පාක්ෂික ආණ්ඩුවට එනවා. එහෙම නැත්නම් ඔවුන් විපක්ෂයේ සිටිනවා යන්නයි. තමන් අගමැති වෙනව නම් අනික් පක්ෂවල සහය ඕන ඒ වුණාට වෙන අගමැති කෙනෙක් යටතේ තමන් සම්බන්ධ වෙන්නෙ නැහැ කියල තමයි එයා කියන්නේ.   සජබෙ සහ එජාපෙ කලින් කියා සිටියේ වත්මන් ජනපති ඉවත්වුණොත් ඔවුන් ආණ්ඩුවට සහභාගී වෙනවා කියලයි. දැන් ඒක වෙනස් වෙමින් දැන් රනිල් සහ සජිත් අගමැති කම ගන්න සූදානම් කියල ඇහුණා. කොහොම වුණත් මේ අන්තර් කාලීන ආණ්ඩුවෙන් වෙන්නේ පොහොට්ටුවට ඔක්සිජන් දීමක්ම පමණයි. 

කවුරු ගත්තත් ඒ ආණ්ඩුව 'ගෙදර ගියොත් අඹු නසී.....' පන්නයේ ආණ්ඩුවක් වෙනවා. යම්කිසි විදියකින් අළුත් අගමැති කොහෙන් හරි විදේශ මුදල් හොයාගෙන සහ බදු වැඩි කිරීම මඟින් යම් කිසි ස්ථාවරත්වයක් රටෙ ඇති කලොත් ඊට පසු අගමැති කම නැවත පවරාගෙන තවමත් මන්ත්‍රී කෙනෙක් වන මහින්දට ආයිමත් අගමැති කම දෙන්න පුළුවන්. අළුත් අගමැති සහ ආණ්ඩුව රට යථා තත්ත්වයට පත්කිරීමට අපොහොසත් වුණොත් ඒත් එම හේතුව දක්වලා ආණ්ඩුව පවරගන්න පුළුවන්. ඒ කියන්නේ මොන පැත්තට ගියත් එකම දේ වෙන්නේ. අද මැතිවරණයක් තිබ්බොත් පොහොට්ටුව අනාථ වෙනවා. එහෙත් වෙන කට්ටියක් ටික කාලයක් හරි ආණ්ඩුව කරනකොට වෙච්ච ඔක්කොම වැරදි ඒ අයට පටවල පොහොට්ටුවට ආයිමත් ගොඩ එන්න පුළුවන්. එහෙම නොවන්න පොහොට්ටුවෝ කවදාවත්ම වෙන අයට ආණ්ඩු කරන්න දෙන අය නෙවෙයි. 

Wednesday, April 27, 2022

තමන්ට අදාල නීති තමන්ම සදා ගැනීම


ඔබ යටත් විය යුතු නීති සම්පාදනය කිරීමේ වගකීම ඔබටම පවරා දුන්නොත් එසේ වෙනස් කරගන්නා නීති මොනවාද? මම වෙනස් කරගන්නේ බීමතින් රිය පැදවීමට ඇති තහනමත් ප්‍රසිද්ධ ස්ථාන වල දුම් බීමට ඇති තහනමත් යන දෙකයි. එම නීති වෙනස් කිරීම පාරේ යන අනික් අයට සහ ප්‍රසිද්ධ ස්ථානවල ඉන්නා අනික් අයට අසාධාරණයක් වෙන බව ඇත්තයි. එම නිසා ඒ නීති සම්පාදනය මට භාරදීම කිසිසේත්ම සුදුසු නැහැ. මෙහෙම දේවල් රටේ වෙනව කියල කිව්වොත් ඔබ විස්වාශ කරන එකක් නැහැ. නීතියට අදාල වන අයම තමන්ගේ නීති හදාගන්නා අවස්ථාවක් තමයි ව්‍යවස්ථාව වෙනස් කිරීම. 

1978 ව්‍යවස්ථා සංශෝධනයට යම් හේතු තිබුණා. එක හේතුවන් නම් 1970 මහ මැතිවරණයේ ප්‍රතිඵලය. රටේ චන්ද 1,892,525 ක් ලබාගත් එජාපයට ආසන 17 ක් ලැබෙනවිට ඊට වඩා අඩුවෙන් එනම් චන්ද 1,839,979 පමණක් ලබාගත් ශ්‍රිලනිපයට ආසන 91 ක් 1970 දී ලැබුණා. සමසමාජ පක්ෂය ආණ්ඩුවට එකතුවීම නිසා ඔවුන් ලබාගත් චන්ද 433,224 ට ලැබුණු ආසන 19 ත් එක්ක ගත්කල ආන්ඩුවට වැඩි ජනතා චන්ද තිබූ බව කියන්න පුළුවන්. එහෙත් චන්ද 433,224 කට ආසන 19 ක් සහ චන්ද 1,892,979 එනම් හතර ගුණයකත් වඩා චන්ද ගත් පක්ශයට ආසන 17 ක් පමණක් ලැබීම සාධාරණ ක්‍රමයක් කියල කියන්න බැහැ. 

අනික නම් අති විශාල සංවර්ධනයකට රට ගෙනයාමට ශක්තිමත් ආණ්ඩු ඇතිකිරීම තමයි ප්‍රධානතම හේතුව. ඒවගේම සමාජවාදී ක්‍රමය සහ ධනවාදී ක්‍රමය වැනි එකිනෙකට වෙනස් ක්‍රම දෙකක් අනුගමනය කල විශාල පක්ශ දෙක ඇතිවිට ආණ්ඩු මාරුවකදී ජනසතු කිරීමේ අවදානම නිසා විදේශ අයෝජන නොලැබිය හැකි වීම වලක්වා ගැනීම වැදගත්. ඒවගේම මන්ත්‍රීවරුන්ට පැතිමාරු කිරීමෙන් ආණ්ඩු වට්ටන්න පුළුවන් වීම එජාප රජයට තිබ්බ සංවර්ධන වැඩ පිලිවෙල සාර්ථක කරගන්න ප්‍රශ්ණයක් වීම වලක්වා ගන්න එලෙස පැති මාරු කල නොහැකි සහ සමානුපාතික නියෝජනය ඇති චන්ද ක්‍රමයක් සහ පාර්ලිමේන්තුව හරහා වැට්ටවිය නොහැකි ජනාධිපති ධුරයක් ඇතිකිරීම සහ බලය ජනාධිපති වෙත තබා ගැනීම අවශ්‍ය වුණා.

Monday, April 4, 2022

කවුරු ආවත් රට නැවත ආර්ථික වශයෙන් ගොඩනැගීම ඉතාමත් ආමරුයි

From the internet


රටේ සහ ආර්ථිකයේ සිදුවන දේවල් ගැන ඇති කලකිරීම සහ ඒගැන කථා කිරීමේ නිශ්ඵල තාවය දත් නිසා පෝස්ට් පල කිරීමෙන් වැලකී සිටියෙමි. ඇද පවතින තත්ත්වයේ සිට ජාත්යන්තර මුල්‍ය අරමුදල හරහා ප්‍රතිව්‍යුහ ගත කිරීමකින් පමණක්ම සියළු ප්‍රශ්න විසඳා යැයි බොහෝ අය සිතති. ප්‍රතිව්‍යුහ ගතකිරීමකදී ණය ප්‍රමාණයක් කපා හැරීමක් සිදු නොවේ.  මට නම් පෙනීයන්නේ එසේ ප්‍රතිව්‍යුහ ගත කිරීමක් සිදුවූවත් එම ණය ගෙවීමට රටේ ආනයන ආසන්න වශයෙන් සම්පූර්ණයෙන්ම නතර කිරීමකින් තත්ත්වයකට රට ඉක්මනින්ම පත්වන බවයි. මේ රට මේ අකරතැබ්බය සිදුවූ හැටි පහදා දීම පෝස්ටුවේ අරමුණයි.


අයියා කල පලමුවෙනි ආර්ථික හානිය

පසුගිය දශක කිහිපයේම ලංකාවේ ප්‍රධානතම විදේශ විනිමය ආදායම් මාර්ග දෙක වූයේ ඇඟළුම් කර්මාන්තය සහ විදේශ ශ්‍රමිකයන්ගේ ප්‍රේශණයි. 

ඇඟළුම් ආදයම් වලට කෙලවූයේ අද අගමැති මහින්ද ඔහුගේ ජනාධිපති කම දරන අවදියේය. එයට හේතුව නම් ඔහුගේ ලෝක දේශපාලනික නොදැනුවත් කමත්, උද්දච්ච කමත්, රටට හෙන ගැහුවත් ඔහුගේ තනතුර රැක ගැනීමේ අවශ්‍යතාවයත්ය. යුද්ධය අවසන් වූ වහාම කාගේවත් උපදෙස් නොගෙන බැන්කී මූන් සමඟ එක්සත් ජාතීන්ගේ යුද්ධය ගැන  පරීක්ෂණයකට එකඟ වූයේ ඔහුය. 

ඊට කලින් ඇමෙරිකාව ඇතුලු බටහිර රටවල් යුද්ධ වලදී හමුදා ක්‍රියාකාරකම් ගැන බාහිර පාරීක්ෂණ වලට ලංකාව නතු වන ගිවිසුමකට අත්සන් කරන ලෙස 2001 -2003 රනිල් ගේ ආණ්ඩුවකට බලකලත් දැනට යුද්ධයක පැටලී සිටින රටක් ලෙස එය අත්සන් කිරීම ඔහු ප්‍රතික්ෂේප කලේය. එම නිසා යුද්ධය අවසානයේදී කිසිම නිත්‍යානුකූල බාහිර පරීක්ෂණයක් සිදු කිරීමට කිසිවෙකුටත් හැකියාවක් නොවිනි. යුද්ධය අවසන් වූ වහාම මෙරටට පැමිණි බැන්කී මූන් දුන් ලණුව කෑ මහින්ද එවන් පරීක්ෂණයකට එකඟතාවයක් අත්සන් කලේය. පසුව එම පරීක්ෂණය  සිදුකිරීමේදී එකක් පිට එකක් ලෙස පැවැත්වූ පලාත් සභා චන්ද වලදී බටහිර විරෝධය සහ විදුලි පුටුව පෙන්නා තවත් ජාතිවාදී ඡන්ද ගරා ගැනීම ඔහුට වාසියක් විය.