නූතන සේනක බිබිලේ කරපු වැඩක්

දොස්තර රුවන් සන්නස්ගල ගැන පෝස්ට් එකක් දාල. දැන් මටනම් සන්නස්ගල කිවම මතක් වෙන්නේ මුණුපුරාගෙ හෙයා ස්ටයිල් එක කොපි කරගෙන නෙළුම් යායෙදි නිවේදිකාව රාජිත සේනාරත්නට නූතන සේනක බිබිලේ කිව්ව කියලා කෝචොක් දාපු නළුවාව. එයා කොච්චර වීරයෙක්ද කියනවනම් රාජිත උත්සවෙන් පිටවෙලා ගියායින් පස්සේ තමයි එහෙම කිව්වෙ.

මේ වගේ ළදරු විකටයින් ගැන කියන්න නෙමෙයි මේක. නූතන සේනක බිබිලේ කරපු වැඩක් ගැන කියන්න. ඒ ගැන මම ලියපු රාජිතට සන්නස්ගලක් ගහමු පෝස්ට් එකේ මම කිව්වා වගේ තව ලාංකික සමාගම් 23 කට රටට අවශ්‍ය ඖෂධ මේ රටේම නිපදවන්න සෞඛ්‍ය අමාත්‍යාංශයෙන්  අනුමැතිය දීල. ඒ ගැන පුවතක් මේ සුමානෙ ලංකාදීපෙ පළවුණා.




මීට කලින් අනුමැතිය දුන් කර්මාන්තශාලා දෙක තුනක් නිෂ්පාදනය පටන් ගෙන කියන ආරංචියි.  මෙවර අනුමැතිය දුන් සමාගම් කර්මාන්තශාලා හදල නිෂ්පාදනය පටන් ගන්න වසරක් දෙකක් යයි. ලංකාවට අවශ්‍ය ඖෂධ වලින් 80% ක් 2020 වෙනකොට ලංකාවෙම නිපදවන්න තමයි ඔවුන්ගේ ඉලක්කය. මේ නිෂ්පාදන සමාගම් වලට අවුරුදු 15 ක කාලයකට සැපයුම් සඳහා මිල නියම කරනවා. ඒකෙන් රටේ මුදල් විශාල ප්‍රමාණයක් පිටරට යන එක වැලකෙනවා වගේම ඩොලරය ඉහල නැඟීම වගේ හේතු නිසා ඖෂධ මිල ඉහල යාමෙන් වළකිනවා. ඒවගේම වසරක් පාසා ඖෂධ මිලදී ගැනීමේ ටෙන්ඩර් වල වන මඟඩි නවතිනවා.

අවුරුදු කීපෙකින් ඔය වැඩිමිල ඖෂධ ලංකාවට ගේන එක අඩු කරන්න බදු වගේ දේවල් වලින් මොනව හරි වෙයි. ඖෂධ බූවල්ලාගෙන් කොමිස් කන දොස්තරල GMOA එක හරහා ඉක්මනට හිටපු අයව බලය ගේන්න කියල මතක් කරන්න ඕන.

ලංකාදීපෙ පළවුණ ප්‍රවෘත්තිය

ඖෂධ කර්මාන්ත ශාලා 23කට අනුමැතිය

---

රංජන් කස්තුරි)

ශ්‍රී ලංකාවේ ඖෂධ කර්මාන්ත ශාලා 23ක් අලුතින් ආරම්භ කිරීමට ගිවිසුම් අත්සන් කළ බව සෞඛ්‍ය අමාත්‍යංශය පවසයි.

2020 වසර වන විට ශ්‍රී ලංකාවට අවශ්‍ය ඖෂධවලින් 80%ක්ම මෙරටදී නිෂ්පාදනය කිරීමේ වැඩපිළිවෙළ යටතේ එම කර්මාන්ත ශාලාවලට අනුමැතිය ලබාදෙන බවද අමාත්‍යංශය පවසයි.

එම කර්මාන්ත ශාලාවල කටයුතු නුදුරේම ආරම්භ වීමට නියමිතය.

මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.