රටින් මත්ද්‍රව්‍ය නැති කිරීමට අළුත් වැඩ පිළිවෙලක් ගැන අසන්නට ලැබෙයි. බොහෝ රටවල මෙන්ම වැඩි කථාවක් යොමුවන්නේ මත්ද්‍රව්‍ය ගෙන්වන්නන් සහ බෙදා හරින්නන් ගැනය. වසර කීපයකට පෙර පිලිපීනයේ ගෙන්වන්නන් සහ පාවිච්චි කරන්නන් ඝාතනය කිරීමෙන් මෙම උවදුර නැති කිරීමට උත්සාහයක් ගන්න ලදී. එමෙන්ම සෑම දියුණු නොදියුණු රටකම මෙම උවදුර නැතිකිරීමට දශක ගණනාවක් තිස්සේ විවිධ ක්‍රම භාවිතා කරමින් පැවතුනත් ඒ කිසිම රටක එම උවදුර සාර්ථක ලෙස පාලනය වීමක් දකින්නට නොලැබෙයි.
මගේ අදහස නම් මෙම උවදුර දීර්ඝ කාලීනව නැතිකිරීමට සාර්ථක ක්‍රමයක් තවමත් කිසිම රටක ක්‍රියාත්මක වී නොමැති බවය. බොහෝ රටවල මෙන් ලංකාවේද අද කථා කරන ක්‍රමයේ පාලක පක්ශයට ලකුණු දමා ගැනීම හැර විශාල වශයෙන් භාවිතය අඩු කිරීමක් ගැන උපායමාර්ගීක අධ්‍යයනයක් නැති බව මගේ හැඟීමයි.
එය පාලනය කිරීමට අවංක උවමනාවක් ඇත්නම් අවධානය යොමු කලයුතු වන්නේ සමාජයේ කොටස් දෙකක් එරෙහිය.
වඩාත් වැදගත් කොටස වන්නේ අද මත්ද්‍රව්‍ය භාවිත නොකරන එහෙත් අනාගතයේ ඒවාට ගොදුරු විය හැකි අය වෙතයි. වයස 12-15 කාලයේ පාසැල් තුලදීම ඒ පිලිබඳව දැනුම ලබා දීම ඉතා පහසුවෙන් කල හැක. සමාජයේ ජීවත් වීමට අවශ්‍ය දැනීම සහ දක්ශතා කිසිවක්ම ලබා නොදෙන අධ්‍යාපන ක්‍රමයෙන් වෙනස්වීම එක ක්‍රමයකි. අනික නම සිසුන් සහ තරුණයන් අතර මත්ද්‍රව්‍ය වලට පෙලඹීමට වැඩි ඉඩක් ඇති ඉගෙනීමට නොහැකියාව ඇති ලමුන්, දෙමව්පියන් ගෙන් අවශ්‍ය ආදරය නොලැබෙන ලමුන්, මානසික රෝග ලක්ෂණ පෙන්වන ලමුන් හදුනාගෙන සහ ඔවුන්ට අවශ්‍ය චිකිත්සාවන් ලබා දීමෙන් ඔවුන් මත්ද්‍රව්‍ය වලට පමණක් නොව අනිකුත් සමාජ විරෝධී ක්‍රියාවලට යොමුවීම අවම කරගත හැක.
ලමා සහ තරුණ පරපුර මේවා සඳහා යොමු වීම පාලනය කිරීමට දෙමව්පියන්ගේ සහභාගිත්වයද අත්‍යාවශ‍ය. කලයුතු හෝ නොකලයුතු දේවල්, ඇබ්බැහිවීම් වල ලක්ශණ ගැන සැලකිලිමත් වීම සඳහා දෙමව්පියන් දැනුවත් කිරීමද උවදුර මැඩලීමට අධ්‍යාපනය යොදා ගැනීමට ඇතුලත්ය. උවුන්ට උපදෙස් දීමට පැය 24 ක්‍රියාත්මක වන hotline එකක් ස්ථාපිත කල හැක.
අවධානය යොමුවිය යුතු දෙවන සමාජ කොටස වන්නේ අද මත්ද්‍රව්‍ය භාවිත කරන අයයි. ඒ අයගේ දෙමව්පියන් සහ පවුල් වල අයටත් ඔවුන් මුදා ගැනීමට උවමනවාක් ඇති බැවින් ඔවුන් හරහා භාවිතා කරන්නන් හඳුනා ගැනීමට පහසුය. ඔවුන්ට කරදර හෝ ලැජ්ජා නොවන ආකාරයෙන් පුනරුත්ථාපන භාරයට ගෙන ඇබ්බැහිවීමෙන් මුදා ගැනීමට තැත් කිරීමෙන් ඔවුන්ගෙන් විශාල ප්‍රතිශතයක් භාවිතයෙන් මුදාගත හැක. පුනරුත්ථාපනය වෙන අතර ඔවුන්ගේ කැමැත්ත හෝ හැකියා අනුව රැකියා පුහුණු ලබා දීමද කල යුතුය.
ඉහත ක්‍රම දෙකෙන් අනාගතේදී මත්ද්‍රව්‍ය භාවිතය යොමු විය හැකි අය අඩු කිරීමෙන් සහ අද භාවිතා කරන්නන් මහ පරිමානයෙන් පුනරුත්ඨාපනය කිරීමෙන් මත්ද්‍රව්‍ය වලට ඇති ඉල්ලුම විශාල වශෙන් අඩු කල හැකිය.
තුන්වන එමෙන්ම වැදගත්ම පියවර විය යුත්තේ ගංජා නීතිගත කිරීමයි. නීතීගත කිරීමෙන් ගංජා මිල විශාල වශයෙන් පහල යන නිසා අනිකුත් මිල අධික මත්ද්‍රව්‍ය වලට ඇති ඉල්ලුම පහල යනු ඇත. කැනඩාව වැනි දියුණු රටවල් ගංජා තහනම සම්පූර්ණයෙන්ම ඉවත් කර ඇති අතර නියාමනයක් යටතේ ගංජා සහ ඒවායින් නිපදවන දේවල් විකිණීම නීතිගත කිරීමෙන් රජයද විශාල ආදායමක් උපයා ගනී. ඇමෙරිකාවේද ප්‍රාන්ත 20 ක පමණ විනෝදය සඳහා ගංජා භාවිතය නීත්‍යානුකූල කර ඇත.
රටට මෙම උවදුර පාලනය කිරීමට අවංක වුවමනාවක් ඇත්නම් මෙලෙස භාවිතය සහ ඉල්ලුම අඩුකිරීම සහ ගංජා නීතිගත කිරීම වැනි දේවල් ඇතුලත් සම්පූර්ණ වැඩ පිලිවෙල සකස් කොට සියළුම පක්ෂ සහ සමාජයෙඔ අනික් ඔටස් වල සහයෝගය ලබා ගෙන විස්තීරණ වැඩ පිලිවෙලක් ක්‍රියාතමක් කිරීමයි.
හැප්පිලා බලමු !!
ඉතා හොඳ ලිපියක් ඉයන් . ගංජා නීතිගත කිරීමට ඩයනා ගමගේ යෝජනා කල කාලෙත් මම සහය දුන්න .බ්‍රිතාන්‍ය අධිරාජ්‍යයේ සුද්දෝ අරක්කු විකුනන්න ඕනේ නිසා තහනම් කල දෙයක් නේ . බෙහෙතක් නමුත් දිගට ගන්න හොඳ නැහැ කියනවා Schizophrenia වගේ හැදෙනවා කියල . නමුත් පාලනය කරලා කරන එක හොද්නයි . ලංකාවට ඩායමක් ගන්නත් පුළුවන් . නිකන් වැවෙන ශාකයක් . අයිස් වගේ දේ අනිවාර්යයෙන් අල්ලන්න ඕනේ . 100% කරන්න පුළුවන් වෙන එකක් නැහැ . නමුත් අඩු කරගන්න පුළුවන් වෙයි
ReplyDeleteගංජා නීතිගත කීරීමෙන් ඒවටා වවන්නන්, ආශ්‍රිත නිශ්පාදනය කරන්නන්, බෙදාහරින්නන් ජාලයෙන් රැකියා හැදෙනවා මෙන්ම සුළු බද්දක් පනවා ආදායමක් ලබා ගන්න පුළුවන්. වඩා වටින්නේ වියදම අධික වඩා හානිකර අනික් මත්ද්‍රව්‍ය වලින් බොහෝ කොට්සක් ඉවත් කර හැකිවීම.ස්තූතියි අජිත්.
DeleteThis comment has been removed by a blog administrator.
Deleteකාලීන ලිපියක්. බොහොම හොඳ යෝජනාවක්. ඉස්සෙල්ලාම මේ පද්මෙලා, ඉෂාරලා පුම්බන එක නවත්තුව නං හොඳයි. දැඩි දඩුවම් දෙන්න ඕනෙ.
ReplyDeleteදිනපතා ප්‍රවෘත්ති මැවීමට හැර ඇත්තටම ප්‍රශ්ණයට විසඳුමක් හොයන්න ප්ලෑන් එකක් නැහැ වගේ. ඇබ්බැහි වූවන්ට භාර වෙන්න කියන්න ඉස්සෙල්ල මහා පරිමානයෙන් පුනරුත්තාපනය කරන්න තාවකාලික පහසුකම් වත් හදාගෙන ඉන්න ඕන.
Deleteකාලෝචිතයි ලියලා ඇති කරුණු ඉයන්
ReplyDeleteඇසට වැටේවා මේවා- පාලකයන්
ලොකු අනතුරක් දුරලන්නට පොඩි දෙයකින්
හැකි බැව් නොවැටහෙන්නේ ඇයි අපට ඉතිං
ස්තූතියි නිදී.
Deleteහොඳ ලිපියක්.
ReplyDeleteහොඳම දේ ලංකාවෙ ඒව නීතිගත කරන එක තමයි.
අරක්කු අඩු කරනවනං මිනිස්සු ගොඩ දෙනෙක් ඔය වගේ දේවල් වලට පෙළඹෙන එක අඩුවෙයි.
කොටුවෙන් එහාට පැනල හිතන්න, අවංක අරමුණකින් අවධානමක් අරගෙන තීරණ ගන්න අය පාලකයින් වීම අවශ්‍යයයි. Thank you Praසන්ன
Deleteමත්ද්‍රව්‍ය වලට සිංගප්පූරුව දෙන death penalty එක ලංකාවට හදුන්වා දුන්නොත් මේ කුඩු අයිස් වසංගතේ අඩුකරන්න පුලුවන් වෙයි. හැබැයි මේක තරහාකාරයින් හිරේ යවන්න එල්ලුම් ගස් යවන්න යොදාගන්නේ නැතිව.
ReplyDeleteදැන් ඔය අල්ලන්නේ තරහකරයෝද එතකොට ?😁 මත්ද්‍රව්‍ය වලට සම්බන්ධ නැති මත්ද්ර්වය්ස් චෝදනා දාලා අත් අඩංගුවට ගත්ත තරහකාරයෝ දෙතුන් දෙනෙක් නම් කරන්න බලන්න ? ඕනේ ඊයෙත් නෙවි එකෙන් කිලෝ 350ක් අල්ලලා . මිනිස්සු දැන් ඔත්තු දෙනවා ගජරාමෙට
Deleteඅසංග මත්ද්‍රව්‍ය වලට දැඩි දඬුවම් හැම රටකම වගේ තියෙනවා. ඒත් මත්ද්‍රව්‍යත් තියෙනවා. මගේ අදහස භාවිතා කරන්නන් පුනරුත්තාපනය කිරීම මහා පරිමනයෙන් කිරීමට අවශ්‍ය පහසුකම් සැපයීම සහ අළුත් කස්ටමර්ස් ලා එකතු වීම අඩු කිරීමෙන් විශාල පාලනයක් කල හැකියි කියන එකයි. ඒ වගේම අයිස්, හෙරොයින් වැනි විනාශ කාරී දේවලට තියෙන ඉල්ලුම අඩු කරන්න ගංජා නීතිගත කිරීම හොඳයි කියන එකයි.
Delete