බෙදුම්වාදී ව්‍යාපාරයේ ඉතිහාසය ගැන දැනුවත් වීම අනාගතයේ හෝ ශ්‍රී ලංකාව දෙකඩ වීම වැලැක්වීමට ගත යුතු ක්‍රියාමාර්ග ගැනීමේදී ඉවහල් වේ. පසුගිය රජය කොටි ත්‍රස්තවාදීන් පරාජය කිරීමෙන් රට දෙකඩ වීමට තිබූ අවස්ථාව අවසන් කළ බව සිතුවත් එහිදී සිදුවූයේ කාළයක් තිස්සේ පැවැතගෙන ආ දෙමළ බෙදුම්වාදය කාළයකදී පැහැරගත් ප්‍රභාකරන් ප්‍රමුඛ ත්‍රස්තවාදීන් විනාශ වීම මිස බෙදුම්වාදය අවසාන වීම නොවන බව තේරුම් ගැනීමට ඥාණයක් ඔවුනට නොවීය. කලින් පෝස්ට් එකේ සඳහන් කළ බෙදුම්වාදීන්ගේ ප්‍රයන්නයක් ජනවාරි 8 විප්ලවයෙන් බිඳවැටුණු බව කීමට හේතුව එයයි.
දෙමළ බෙදුම්වාදයේ ඉතිහාසය නොදන්නා බොහෝ දෙනෙක් ශ්‍රී ලංකාවේ ඇතිවූ යුද්ධයට හේතුව 1983 කළු ජූලිය, 1956 දී බණ්ඩාරණායකගේ සිංහල පමණයි (Sinhala Only) ව්‍යාපාරය හෝ 1974 දී උසස් අධ්‍යාපනයට තෝරා ගැනීමේ ක්‍රමයේ සිරිමා බණ්ඩාරණායක මැතිණිය කළ වෙනස්කම් යැයි අදහසක් දරයි. ඇත්ත වශයෙන්ම දෙමළ බෙදුම්වාදයේ මූලාරම්භය සිදුවූයේ 1917-1922 වැනි අතීතයක ඉන්දියාවේදීය. 1879 දී මදුරාසියේ උපත ලැබූ ඉරෝද් වෙන්කට රාමසාමි විසින් දෙමළ ජාතියේ ආත්ම අභිමානය උදෙසා පටන් ගත් ව්‍යාපාරය ( Self Respect Movement) පසුව වෙනම දෙමළ රාජ්‍යයක් ඉල්ලීම දක්වා දිග්ගැස්සුනි. මෙම බෙදුම්වාදීන් බලාපොරොත්තු වූයේ මහා බ්‍රිතාන්‍ය විසින් ඉන්දියාවට සහ ලංකාවට නිදහස ලබා දෙන අවස්ථාවක්දී ඉන්දියාවේ තමිල්නාඩු සහ කේරල ප්‍රාන්ත කොටසක් සහ ලංකාවේ උතුරු ප්‍රදේශයද එකතුව දෙමළ ජාතිකයින් සඳහා වෙනම රාජ්‍යයක් සාදා ගැනීමය.
ඡායාරූපයේ දැක්වෙන්නේ රාමසාමි ලබා ගැනීමට උත්සාහ කළ ද්‍රවිඩස්තාන් රට දැක්වීමට සඳහා යොදාගත් සිතියමකි.
රාමසාමි මහතාගේ බ්‍රහ්මින් විරෝධී චින්තනය මුල පිරුණේ 1904 දී හින්දු දේවස්ථානයකදී ඔහු දමිළයෙකු බැවින් බැතිමතුන් වෙත නොමිලේ ලබාදුන් ආහාර ඔහුට ලබා දීමට ප්‍රතික්ශේප කිරීම නිසාය. එම නිසා ඔහු දෙමළ ආත්මාභිමානි ව්‍යාපාරය ආරම්භ කළේ ඉන්දියාවේ හින්දු බ්‍රහ්මින් වරුන් හින්දු දෙමළ වැසියන් දෙවන පන්තියේ අයවළුන් ලෙස සැලකීමත් සමහර හින්දු දේවස්ථාන වලට දමිළ බැතිමතුන්ට එලෙස ඇතුළු වීමට අවස්ථාව අවහිර කිරීම යන කාරණා හුවා දක්වමිනි. 1919 දී ඉන්දීය ජාතික කොංග්‍රසයේ සාමාජිකයෙකු වූ රාමසාමි මහතා 1925 දී ඉන් ඉවත්වන්නේ කොංග්‍රසය පෙනී සිටින්නේ බ්‍රහ්මින් වරුන්ගේ උවමනා එපාකම් වෙනුවෙන් පමණක්ය යැයි ඔහු දැරූ අදහස නිසාය. 1939 දී සාධාරණත්වය සඳහා පක්ශය (Justice Party) පිහිටුවා ගන්නා ඔහු එහි සභාපතිත්වය දරයි. 1944 දී එහි නම ද්රවිඩ කසාගම් ලෙස වෙනස් වන අතර ඉන්දියාවේ නිදහසින් පසු 1949 දී සී. එන් අන්නදුරේ විසින් ද්රවිඩ මුනේත්‍ර පක්ශය කඩා වෙනම ඩී.එම්.කේ අන්නදුරේ පාර්ශවය සාදාගනී.
1947ට පෙර එවකට ඉන්දියාවේ මුස්ලිම්වරුන් ජීවත් වූ ප්‍රදේශ වෙන්කර පාකිස්ථානය බිහි කිරීම ඉල්ලා සිටීමට මොහොමඩ් අලි ජින්නා මහතාට 1925 දී පමණ එම අදහස ඇතිවන්න ඇත්තේ රාමසාමි 1922 දී පමණ මතු කළ දෙමළ රට සාදා ගැනීම අදහස වන්නට ඇති බව සමහරුන්ගේ විශ්වාශයයි. එහිදී මොහොමඩ් අලි ජින්නා සහ රාමසාමි එකිනෙකාගේ රටවල් බිහි කිරීමේ ව්‍යාපාර වලට සහයෝගය දැක්වීමට එකඟතාවයක් තිබූ බවත් විශ්වාස කෙරේ. කෙසේ වෙතත් 1947 දී බ්‍රිතාන්‍යයන් ඉන්දියාවට නිදහස ලබාදෙන විට එහි වම් කොටසක් සහ දකුනේ කොටසක් වෙන්කර පාකිස්ථානය ඇතිකිරීමට ක්‍රියා කළ මුත් දෙමළ රාජ්‍ය සෑදීම සිදු නොවිනි. ඡායාරූපයේ දැක්වෙන්නේ පාකිස්ථානයේ නිර්මාතෘ මොහොමඩ් අලි ජින්නා (වමේ සිට දෙවැන්නා) රාමසාමි (දකුණු කෙලවරේ) හමුවූ අවස්ථාවකි. ඡායාරූපය විකිපීඩියා
ඉන්දියාවේ බිහිවූ ඉන්දියාව සහ ලංකාවේ කොටස් එකතුකර දෙමළ රටක් සෑදීමේ ව්‍යාපාරය 1963 දී ලංකාවට සංක්‍රමණය වෙයි. මෙයට ප්‍රධාන හේතුව ලෙස සලකන්නේ 1961 දී ඇතිවූ ඉන්දු චීන දේශ සීමා යුද්ධයයි. එම යුද්ධය නිසා ඉන්දියාවේ ඇතිවූ රට ගැන හැඟීම පාවිච්චිකල ජවහල්ලාල් නේරු මහතා ඉන්දියාව කැඩීම ගැන කවර ආකරයකින් හෝ කථාකිරීම හෝ අනුබල දීම නීති විරෝධී වෙන ලෙස අණපණත් සම්මත කළේය. මීට අමතරව 1947 දී කැඩී වෙන්වුන පාකිස්ථානයට ඉන්දියාව විසින් කරන ලද අනදර (නැගෙනහිර පාකිස්ථානය කඩා බංගලාදේශය ඇතිකිරීම සහ අනික් යුද්ධ දෙක) ඉන්දියාව කඩා ද්රවිඩ රට ඇතිකිරීම කළ නොහැකි දෙයක් බව බෙදුම්වාදීන්ට හැඟී යාමත් මෙයට හේතුවන්නට ඇතිබව මගේ මතයයි.
රාමසාමි මහතා ආරම්භ කළ බෙදුම්වාදී ව්‍යාපාරය කුල වාදය පිටුදැකීම, කාන්තාවන්ට වන අසාධාරණය පිටුදැකීම, හින්දු දමිළ ජනතාවට බ්‍රහ්මින් වරුන්ගෙන් වෙනස්කම් පිටුදැකීම වැනි සාධාරණ සහ ශ්‍රේශ්ඨ හේතු නිසා ඇතිකල අවිහිංසාවාදී ව්‍යාපාරයක් වුවත් ඔහුගේ අනුගාමිකයින් විසින් ලංකාවට අපනයනය කළ බෙදුම්වාදය යටිකූට්ටු අරමුණු සහ ක්‍රියා මාර්ග වලින් බහුල 'ආක්‍රමණකාරී' එකක් විය. ඔවුන් විසින් කළයි විශ්වාස කරන සමහර ක්‍රියාමාර්ග කිහිපයක් නම්:
- එවකට බහුතරයක් දමිළ ජාතිකයින් සේවය කල මිනින්දෝරු දෙපාර්තමේන්තුවේ මිනින්දෝරුවන් ඊට කලින් මැන නොතිබූ උතුරු නැගෙනහිර ප්‍රදේශවල මැනීම් සහ සිතියම් සකස් කිරීමේදී සිංගල ගම්මාන සහ වැව් වලට දෙමළ නම් යෙදීම.
- දමිළ දරුවන් ඉපදුන විට උපත ලියාපදිංචිය අවුරුදු දෙක තුනක් පමා කිරීම. මෙයින් බලාපොරොත්තුවූයේ පාසැල්/උසස් අධ්‍යාපනයේදී සිංහල දරුවන්ට වඩා පරිණත වීමයි. එමඟින් තරඟකාරී අධ්‍යාපන අවස්ථාවලදී ඔවුනට වැඩි වාසියක් සලසා ගැනීම එහි අරමුණයි.
- උසස් පෙළ විභාගයේදී උතුරේ දමිළ විභාග අපේක්ෂකයින්ට පිලිතුරු සැපයීමේදී උදව් කිරීම සහ උත්තර පත්තර ලකුණු කිරීමේදී වැඩි ලකුණු ලබා දීම සහ එමඟින් විශ්ව විද්‍යාලවලට තේරෙන දමිළ සිසුන් සංඛ්‍යාව අසාධාරණ ලෙස වැඩි කර ගැනීම.
- එවකට ලංකාවේ තිබුණේ ලංකා විශ්වවිද්‍යාලය නමින් එක් සරසවියක් වන අතර අද තිබෙන සරසවි ලංකා විශ්ව විද්‍යාලයේ මණ්ඩප ලෙස සැලකිණි. එය ප්‍රයෝජනයට ගණිමින් කොලඹ සහ පේරාදෙණි මණ්ඩප වලින් පළමු පන්තියේ උපාධිධාරීන් එක් කෙනෙකු හෝ දෙන්නෙකු බිහිකරන විට ලකුණු එහා මෙහා කිරීම් වලින් යාපනය මණ්ඩපයෙන් පළමු පන්තියේ උපාධිධාරීන් හත අටක් බිහි කිරීම.
මෙයින් සිදු වුන වාසියනම් එවකට ශ්‍රීලංකාවට ලැබුණ ජාත්‍යන්තර ශිශ්‍යත්ව වලින් බොහෝ ප්‍රමාණයක් යාපනය මණ්ඩපයේ පළමු පංතියේ උපාධිධාරීන්ට හිමිවීමයි. තවත් වාසියක් නම් රජයේ තනතුරු සඳහා වැඩිපුර දමිල ජාතිකයින් තේරී පත්වීමයි. (සිංහල ජාතිකයින් වැඩි වශයෙන් කලා අංශයෙන් අධ්‍යාපනය ලැබීමට දැක්වූ කැමැත්ත සහ දමිල ජාතිකයින් වැඩිපුර විද්‍යා සහ ගණිත අංශවලින් අධ්‍යාපන ලැබීමත් රජයේ රැකියා වැඩිපුර දමිල ජාතිකයින්ට යාමට පිටුවහලක් විය ).
2009 අගෝස්තු මාසයේ එනම් යුද්ධයෙන් මාස තුනකට පසු බෙදුම්වාදය සහ අනාගත ක්‍රියාකාරකම් ගැන පුවත්පත් වල පළවූ මගේ ලිපියක් මෙතනින් කියවන්න.
2009 සැප්තැම්බර් මස ඩී.බී.එස් ජෙයරාජ් විසින් පලකරන ලද මෙම ලිපියත් කියවන්න
ඊලඟ කොටස මෙතනින් දෙමළ බෙදුම්වාදය 2
දෙමළ බෙදුම්වාදයේ ඉතිහාසය නොදන්නා බොහෝ දෙනෙක් ශ්‍රී ලංකාවේ ඇතිවූ යුද්ධයට හේතුව 1983 කළු ජූලිය, 1956 දී බණ්ඩාරණායකගේ සිංහල පමණයි (Sinhala Only) ව්‍යාපාරය හෝ 1974 දී උසස් අධ්‍යාපනයට තෝරා ගැනීමේ ක්‍රමයේ සිරිමා බණ්ඩාරණායක මැතිණිය කළ වෙනස්කම් යැයි අදහසක් දරයි. ඇත්ත වශයෙන්ම දෙමළ බෙදුම්වාදයේ මූලාරම්භය සිදුවූයේ 1917-1922 වැනි අතීතයක ඉන්දියාවේදීය. 1879 දී මදුරාසියේ උපත ලැබූ ඉරෝද් වෙන්කට රාමසාමි විසින් දෙමළ ජාතියේ ආත්ම අභිමානය උදෙසා පටන් ගත් ව්‍යාපාරය ( Self Respect Movement) පසුව වෙනම දෙමළ රාජ්‍යයක් ඉල්ලීම දක්වා දිග්ගැස්සුනි. මෙම බෙදුම්වාදීන් බලාපොරොත්තු වූයේ මහා බ්‍රිතාන්‍ය විසින් ඉන්දියාවට සහ ලංකාවට නිදහස ලබා දෙන අවස්ථාවක්දී ඉන්දියාවේ තමිල්නාඩු සහ කේරල ප්‍රාන්ත කොටසක් සහ ලංකාවේ උතුරු ප්‍රදේශයද එකතුව දෙමළ ජාතිකයින් සඳහා වෙනම රාජ්‍යයක් සාදා ගැනීමය.
ඡායාරූපයේ දැක්වෙන්නේ රාමසාමි ලබා ගැනීමට උත්සාහ කළ ද්‍රවිඩස්තාන් රට දැක්වීමට සඳහා යොදාගත් සිතියමකි.
රාමසාමි මහතාගේ බ්‍රහ්මින් විරෝධී චින්තනය මුල පිරුණේ 1904 දී හින්දු දේවස්ථානයකදී ඔහු දමිළයෙකු බැවින් බැතිමතුන් වෙත නොමිලේ ලබාදුන් ආහාර ඔහුට ලබා දීමට ප්‍රතික්ශේප කිරීම නිසාය. එම නිසා ඔහු දෙමළ ආත්මාභිමානි ව්‍යාපාරය ආරම්භ කළේ ඉන්දියාවේ හින්දු බ්‍රහ්මින් වරුන් හින්දු දෙමළ වැසියන් දෙවන පන්තියේ අයවළුන් ලෙස සැලකීමත් සමහර හින්දු දේවස්ථාන වලට දමිළ බැතිමතුන්ට එලෙස ඇතුළු වීමට අවස්ථාව අවහිර කිරීම යන කාරණා හුවා දක්වමිනි. 1919 දී ඉන්දීය ජාතික කොංග්‍රසයේ සාමාජිකයෙකු වූ රාමසාමි මහතා 1925 දී ඉන් ඉවත්වන්නේ කොංග්‍රසය පෙනී සිටින්නේ බ්‍රහ්මින් වරුන්ගේ උවමනා එපාකම් වෙනුවෙන් පමණක්ය යැයි ඔහු දැරූ අදහස නිසාය. 1939 දී සාධාරණත්වය සඳහා පක්ශය (Justice Party) පිහිටුවා ගන්නා ඔහු එහි සභාපතිත්වය දරයි. 1944 දී එහි නම ද්රවිඩ කසාගම් ලෙස වෙනස් වන අතර ඉන්දියාවේ නිදහසින් පසු 1949 දී සී. එන් අන්නදුරේ විසින් ද්රවිඩ මුනේත්‍ර පක්ශය කඩා වෙනම ඩී.එම්.කේ අන්නදුරේ පාර්ශවය සාදාගනී.
ඉන්දියාවේ බිහිවූ ඉන්දියාව සහ ලංකාවේ කොටස් එකතුකර දෙමළ රටක් සෑදීමේ ව්‍යාපාරය 1963 දී ලංකාවට සංක්‍රමණය වෙයි. මෙයට ප්‍රධාන හේතුව ලෙස සලකන්නේ 1961 දී ඇතිවූ ඉන්දු චීන දේශ සීමා යුද්ධයයි. එම යුද්ධය නිසා ඉන්දියාවේ ඇතිවූ රට ගැන හැඟීම පාවිච්චිකල ජවහල්ලාල් නේරු මහතා ඉන්දියාව කැඩීම ගැන කවර ආකරයකින් හෝ කථාකිරීම හෝ අනුබල දීම නීති විරෝධී වෙන ලෙස අණපණත් සම්මත කළේය. මීට අමතරව 1947 දී කැඩී වෙන්වුන පාකිස්ථානයට ඉන්දියාව විසින් කරන ලද අනදර (නැගෙනහිර පාකිස්ථානය කඩා බංගලාදේශය ඇතිකිරීම සහ අනික් යුද්ධ දෙක) ඉන්දියාව කඩා ද්රවිඩ රට ඇතිකිරීම කළ නොහැකි දෙයක් බව බෙදුම්වාදීන්ට හැඟී යාමත් මෙයට හේතුවන්නට ඇතිබව මගේ මතයයි.
රාමසාමි මහතා ආරම්භ කළ බෙදුම්වාදී ව්‍යාපාරය කුල වාදය පිටුදැකීම, කාන්තාවන්ට වන අසාධාරණය පිටුදැකීම, හින්දු දමිළ ජනතාවට බ්‍රහ්මින් වරුන්ගෙන් වෙනස්කම් පිටුදැකීම වැනි සාධාරණ සහ ශ්‍රේශ්ඨ හේතු නිසා ඇතිකල අවිහිංසාවාදී ව්‍යාපාරයක් වුවත් ඔහුගේ අනුගාමිකයින් විසින් ලංකාවට අපනයනය කළ බෙදුම්වාදය යටිකූට්ටු අරමුණු සහ ක්‍රියා මාර්ග වලින් බහුල 'ආක්‍රමණකාරී' එකක් විය. ඔවුන් විසින් කළයි විශ්වාස කරන සමහර ක්‍රියාමාර්ග කිහිපයක් නම්:
- එවකට බහුතරයක් දමිළ ජාතිකයින් සේවය කල මිනින්දෝරු දෙපාර්තමේන්තුවේ මිනින්දෝරුවන් ඊට කලින් මැන නොතිබූ උතුරු නැගෙනහිර ප්‍රදේශවල මැනීම් සහ සිතියම් සකස් කිරීමේදී සිංගල ගම්මාන සහ වැව් වලට දෙමළ නම් යෙදීම.
- දමිළ දරුවන් ඉපදුන විට උපත ලියාපදිංචිය අවුරුදු දෙක තුනක් පමා කිරීම. මෙයින් බලාපොරොත්තුවූයේ පාසැල්/උසස් අධ්‍යාපනයේදී සිංහල දරුවන්ට වඩා පරිණත වීමයි. එමඟින් තරඟකාරී අධ්‍යාපන අවස්ථාවලදී ඔවුනට වැඩි වාසියක් සලසා ගැනීම එහි අරමුණයි.
- උසස් පෙළ විභාගයේදී උතුරේ දමිළ විභාග අපේක්ෂකයින්ට පිලිතුරු සැපයීමේදී උදව් කිරීම සහ උත්තර පත්තර ලකුණු කිරීමේදී වැඩි ලකුණු ලබා දීම සහ එමඟින් විශ්ව විද්‍යාලවලට තේරෙන දමිළ සිසුන් සංඛ්‍යාව අසාධාරණ ලෙස වැඩි කර ගැනීම.
- එවකට ලංකාවේ තිබුණේ ලංකා විශ්වවිද්‍යාලය නමින් එක් සරසවියක් වන අතර අද තිබෙන සරසවි ලංකා විශ්ව විද්‍යාලයේ මණ්ඩප ලෙස සැලකිණි. එය ප්‍රයෝජනයට ගණිමින් කොලඹ සහ පේරාදෙණි මණ්ඩප වලින් පළමු පන්තියේ උපාධිධාරීන් එක් කෙනෙකු හෝ දෙන්නෙකු බිහිකරන විට ලකුණු එහා මෙහා කිරීම් වලින් යාපනය මණ්ඩපයෙන් පළමු පන්තියේ උපාධිධාරීන් හත අටක් බිහි කිරීම.
මෙයින් සිදු වුන වාසියනම් එවකට ශ්‍රීලංකාවට ලැබුණ ජාත්‍යන්තර ශිශ්‍යත්ව වලින් බොහෝ ප්‍රමාණයක් යාපනය මණ්ඩපයේ පළමු පංතියේ උපාධිධාරීන්ට හිමිවීමයි. තවත් වාසියක් නම් රජයේ තනතුරු සඳහා වැඩිපුර දමිල ජාතිකයින් තේරී පත්වීමයි. (සිංහල ජාතිකයින් වැඩි වශයෙන් කලා අංශයෙන් අධ්‍යාපනය ලැබීමට දැක්වූ කැමැත්ත සහ දමිල ජාතිකයින් වැඩිපුර විද්‍යා සහ ගණිත අංශවලින් අධ්‍යාපන ලැබීමත් රජයේ රැකියා වැඩිපුර දමිල ජාතිකයින්ට යාමට පිටුවහලක් විය ).
2009 අගෝස්තු මාසයේ එනම් යුද්ධයෙන් මාස තුනකට පසු බෙදුම්වාදය සහ අනාගත ක්‍රියාකාරකම් ගැන පුවත්පත් වල පළවූ මගේ ලිපියක් මෙතනින් කියවන්න.
2009 සැප්තැම්බර් මස ඩී.බී.එස් ජෙයරාජ් විසින් පලකරන ලද මෙම ලිපියත් කියවන්න
ඊලඟ කොටස මෙතනින් දෙමළ බෙදුම්වාදය 2
අවංකවම මේ කතාව දැන ගත්තේ අදයි... බොහොම ස්තූතියි...
ReplyDeleteබොහොම ස්තූතියි මාතේ
Delete🌍🤗🇱🇰🌼🥇😘 eka mawakage daruvo vage nagitala ratata sahayogaya dena ekai vatinne jathi agam kula mala valin thora sawoma ekathu veemai vadagath meka indiava neme budunge deshayai,loveyou my country srilanaka.api ekthu unoth lokemama babalai davsaka jaya sri 👊mage mathaya
Deleteඒතකොට මුස්ලිම් විය්‍යප්තිවාදය ගැන මොකද හිතෙන්නේ
ReplyDeleteආ ඒක බලාගන්න උඹ ඉන්නවනේ
Deleteහෙහ් හෙහ්
Deleteඅටමෝ ,
Deleteහොඳ ප්‍රශ්නයක්
අපේ රටේ මුස්ලිම් වරු කියන්නෙත් දකුණු ඉන්දියාවෙන් මෙහි ආපු මුස්ලිම් දහම අදහන දෙමල ජාතිකයන්. දකුණු ඉන්දියාවේ මුක්කුරු නිතිය මෙහෙට ගෙනාවෙත් ඒ දෙමළ අයට විශේෂයෙන් සැලකීමටමයි. මුස්ලිම් අය දෙමල භාෂාව වහරන්නේ ඒ නිසයි. මද පෙරදිගින් ආපු සුළු දෙනෙක් ඉන්න බව ඇත්තයි. ඒත් මේකත් දෙමල ව්යාප්තවාදයේම එක කොටසක්ය.
සමරසේකර
atamoo. :-)
Deleteමේක මට හිතෙන දෙයක් පමණයි. එනිසා නොබනිතැයි බලාපොරොත්තුවෙනවා.
Deleteලෝකයේ මුස්ලිම්වරුන් බොහෝදෙනෙකුට වඩා ලංකාවේ මුස්ලිම් බහුතරය හොඳයි. ඔවුන් තමන්ගේ බිස්නස්වලට පාඩුවෙන දේ කිරීමට අකමැතියි. අල්ලාට වඩා සල්ලිවලට ලැදියි. ප්‍රචණ්ඩ ආගම්වාදී අන්තවාදී ක්‍රියා බිස්නස්වලට හොඳ නැතිනිසා ඒවාට අනුබලදීම අඩුයි. මැදපෙරදිග ඉන්ෆ්ලුවන්ස් නිසා අනන්‍යතාවය පෙන්නන්න ඇඳුම්වගේ දේවල් කලාට බිස්නස්වලට ලොකු පාඩු කරගෙන ආගම මත්තෙ නැහෙන්නෙ නෑ. දුප්පත් බිස්නස් නැති සමහරෙක් හා සිංහල බෞද්ධ අන්තවාදය නිසා තල්ලුවුන සමහරෙක් හා ඇත්ත ආගම් පිස්සන් සමහරෙක් මුස්ලිම් අන්තවාදය අල්ලගෙන හිටියට බහුතරයේ ප්‍රමුඛතාවය සල්ලි ! එනිසා ඔවුන් සමග සිටීම ලෙහෙසියි
ලෑන් සීය දැනුයි ගේමට බැහැල තියෙන්නෙ.බොහොම අගෙයි.ලොකු උනන්දුවකින් ඉන්නෙ ලිපි මාලාව කියවන්න.
ReplyDeleteජයවේවා..!!
හොඳයි හොඳයි
Deleteයුද්දෙන් පස්සෙත් දමිළ ජාතික සිසුවෙක් ගණිත විෂය දාරාවෙන් ලංකාවෙන් පලවෙනි තැනට පත් වුණා.ඒකත් උනේ මෙහෙමද දන්නේ නෑ නේද?
ReplyDeleteවැදගත් ලිපියක් නොදන්නා ගොඩක් දේවල් දැනගත්තා.
ජය වේවා!
මම ඒ ගැන දන්නෙ නැහැ මචං. ඔහොම ස්තූතියි
Deleteමේවා සිංහලුන් අතර ජනප්‍රිය කළ හැකි කතා පමණයි.
Deleteමා දන්නා පරිදි සිංහල දෙමළ දෙපිරිස ම අතර ගණිතයට ඉතා දක්‍ෂ ළමුන් සිටිනවා. මා උසස් පෙළ කළ වසරේ ගණිතය ධාරාවෙන් ඬැඩිම ලකුණු (364/400) ගත්තේ ගීතාංජලී පංචලිංගම්. ඇය මා සමග පේරාදෙනිය ඉංජිනේරු පීඨයේ ඉගෙන ගත්තා. එහිදීත් ඇය අප අතර ඉහලින්ම ලකුණු ලබා පළමු පන්ති සාමාර්ථයක් ලබා ගත්තා!
දෙවෙනි ස්ථානයට ලකුණු ගත්තේ (361/400) මා සමග ආනන්දයේ උගත් රංජීත් සිල්වායි. ඔහු මොරටුව සරසවියේ යි ඉගෙන ගත්තේ.
පැහැදිලි කරලා දුන්නාට ස්තුතියි රසික.
Deleteඑක දමිළ ළමයෙකුගේ දක්ශතාවයෙන් ගැන සඳහන් කිරීමෙන් ඉහත දේවල් වැරදි යැයි ඔප්පු වන්නේ කෙසේ දැයි නොදනිමි.
Delete///එක දමිළ ළමයෙකුගේ දක්ශතාවයෙන් ගැන සඳහන් කිරීමෙන් ඉහත දේවල් වැරදි යැයි ඔප්පු වන්නේ කෙසේ දැයි නොදනිමි.///
Deleteවිශේෂයෙන් සිතියම් තුළට බලෙන් ඔබ්බවා ඇති දෙමළ නාමකරණය...
වැඩි විස්තර සඳහා APA ගුණසේකර මහතාගේ "හොරොව්පතානේ පලවෙනි DRO" පොත කියවීම සුදුසුයි...
ඉයන් ගේ ප්‍රකාශය [January 12, 2016 at 10:24 AM] මහේෂ් සහ මට දෙදෙනාටම අදාලයි.
Deleteමා අදහස් කළේ විභාගවලින් උසස්ම ලකුණු ගන්නා සිසුවා සිංහල ද දෙමළද යන්න සමාන්‍යයෙන් එකිනෙකාගේ අධ්‍යාපන දක්‍ෂතාවය මත තීරණය වෙන එකක් මිස, බාහිර බලවේග, යුද්දෙට කලින් ද පස්සෙද යනාදිය මතින් තීරණය වෙන එකක් නොවන බවයි.
ඉයන්.............. බ්‍රිතාන්‍යයන් මේ රටවල් පාලනයට භාවිතා කළ බෙදා වෙන්කොට පාලනය කිරීම යන්නත් මේකට ලොකු හේතුවක් වුණා..... කලින් ජනතාව අතර නොතිබූ බෙදීමක් මේ නිසා අැති කරනවා.....
ReplyDeleteඅපි රුවන්ඩාව ගත්තා ම යටත් විජිත පාලකයන් ඒරට සුලු ජාතිය වූ ටුට්සීන්ට වැඩි බලතල ලබා දී බහුතරය වූ හුටු ජාතීන්ට අඩු සැලකිලි දෙනවා.... අන්තිම වෙලාවේ වැඩි බලයක් සුළු ජාතීන්ට දීම නිසා තමයි පස්සේ වර්ගඝාතනයක් දක්වා මේ තත්වය දුරදිග යන්නේ.......
ලිපිය සුපිරියි මචං
ඒකත් හේතුවක්. බොහොම ස්තූතියි කුරුටු
Deleteදමිල බෙදුම්වාදය ඉන්දියාවෙන් කෙලින්ම ලන්කාවට ආවාද, නැත්නම් ඉන්දියාවෙන් මැලේසියාව හරහා ලන්කාවට ආවාද කියාත් විමසිය යුතු නේද?
ReplyDeleteඋඹ යමක් දන්නවනම් ලියපන්. මම දන්නේ ලංකාවේ දෙමළ අය සමහරක් එවකට සිංගප්පූරුවත් කොටසක් වූ මලයාවට ගියා කියලයි
DeleteSVJ චෙල්වනායගම් ආවේ මැලේසියාවෙන් නේද බොස්?
DeleteSJV චෙල්වනායගම්ලා ලොකු සැලසුමක ඉත්තන් පමණක් බවයි මගේ හැඟීම
Deleteමෙහෙම දෙයක් දැනගත්තේ මේ පොස්ට් එකෙන්
ReplyDeleteස්තූතියි මචං
Deleteඔය ඉන්දියාවේ ද්රවිඩ - ආර්ය බේදය අළුයට ගිනි අඟුරු වගේ එකක් නේද? අර රවියා ලියාගෙන යමින් පවතින කතාවෙත් කියවෙනවා, තමිල්නාඩුවේ ක්‍රිස්තියානිවෙලා (කුලය මාරු කරලා) ටිකක් හොඳ අධ්‍යාපනයක් ලැබූ තරුණයන් අතර එහෙම කේන්තියක් තිබුනා (එයාලා අපේ ජෙප්පො වගේ ජාතියක්), වරක් මම ගිය පුහුණුවකදී (අර විශ්වශක්තියත් ඒකේ කෑල්ලත්), නූල දාගත්ත බමුනෙකුට තමිල්නාඩු ක්‍රිස්තියානි තරුණ සෙට් එකක් ගේම ඇද්දා,එතෙනදී කියවුනා ඉස්සරින් මුළු ඉන්දියාවම ද්‍ර‍විඩය පසුව උතුරුන් ආව ආර්යයයෝ දුවිඩ ප්‍රදේශ ආක්‍රමණය කරා කියලා,
ReplyDeleteඑයාලගේ හොදේ තමා ෆිල්ම් එකක් බලන්න වාඩිවුන ගමන් අර බේද ඔක්කොම ඉවරයි. ඉළඟ විශේෂ දේ තමා තමිල්නාඩු කොල්ලෝ හින්දි ටිකක් දන්නවා උනත් දන්න බව පෙන්වන්නේ නෑ, හින්දි කතා කරන උතුරේ ගැණු පරාණයක් අහලින් ගියත් පැණි හැලිය පෙරාගෙන දන්න සේරම හින්දි කෑලි කියනවා, කොල්ලෙත් හින්දියෙන් මොනවා හරි ඇහුවොතින් ඉංග්‍රීසියෙන් උත්තර දෙනවා.
‘නූල දාගත්ත බමුනෙකුට‘ ට යන්න ‘නූල දාගත්ත බ්‍ර‍හ්මීන් තරුණයකුට‘ ලෙස නිවැරදි වෙන්න ඕන
Deleteදමිළයින් කියන කථාව එක පැත්තකින් හරි. ආදිකාලේ ඉන්දියාව බෙහෙවින්ම චෝල රාජ්‍යයක්. ආර්යන් වරුන්ගේ ආක්‍රමණ නිසා ඔවුන් දකුණු පැත්තට සීමා වුනා. දමිළ- ආර්යන් මතභේදයට මුල ඒකයි. ඔබගේ අත්දැකීම් අනර්ඝයි.
Deleteකියෙව්වා. සමහර කරුණු දැනගෙන නොසිටි ඒවා.
ReplyDeleteබොහොම ස්තූතියි ඉකොන්. ඉතා සතුටුයි
Deleteමේවා ලියන එක හොදයි. මොකද අපේ හුඟක් අයට අතීතය අමතකයි නේ.
ReplyDeleteඇත්තටම මම හිතන් හිටියේ 80 ගනන් වලින් පස්සෙයි මේ බෙදුම්වාදය ඇති වුනේ කියලා. මේ විස්තර සෑහෙන්න වටිනවා.
ඔව් ඒ වෙනුවට බෙදුම්වාදීන් සිංහල මිනිසුන්ගේ අඩන්තේට්ටම් නිසා ඇතිවූවක් බවට බොරු ඉතිහාසයක් මවල ඒක පහුගිය දශක ගණනාවක් ප්‍රචාරය කලා.
DeleteThank🙏🇱🇰🤗🌍
Deleteexcellent narration ; very informative
ReplyDeleteThank you Very much Doc !
Delete/* - එවකට ලංකාවේ තිබුණේ ලංකා විශ්වවිද්‍යාලය නමින් එක් සරසවියක් වන අතර අද තිබෙන සරසවි ලංකා විශ්ව විද්‍යාලයේ මණ්ඩප ලෙස සැලකිණි. එය ප්‍රයෝජනයට ගණිමින් කොලඹ සහ පේරාදෙණි මණ්ඩප වලින් පළමු පන්තියේ උපාධිධාරීන් එක් කෙනෙකු හෝ දෙන්නෙකු බිහිකරන විට ලකුණු එහා මෙහා කිරීම් වලින් යාපනය මණ්ඩපයෙන් පළමු පන්තියේ උපාධිධාරීන් හත අටක් බිහි කිරීම.
ReplyDeleteමෙයින් සිදු වුන වාසියනම් එවකට ශ්‍රීලංකාවට ලැබුණ ජාත්‍යන්තර ශිශ්‍යත්ව වලින් බොහෝ ප්‍රමාණයක් යාපනය මණ්ඩපයේ පළමු පංතියේ උපාධිධාරීන්ට හිමිවීමයි. */
මේ 1978 ට පෙර කාලය ගැන කතාවක් විය යුතුයි. ඉන් පසුව වෙනම විශ්ව විද්‍යාල ඇරඹුණා.
නිකම්ම කියමනකට එහා දෙයක් මෙහි තියනවාද?
මොනවාද සංඛ්‍යා ලේඛන?
//නිකම්ම කියමනකට එහා දෙයක් මෙහි තියනවාද?//
Delete1972 දී සිරිමා බණ්ඩාරණායක රජය විසින් ප්‍රමිතිකරණය යටතේ යමෙක් උසස් පෙල ලියන භාෂාව අනුව ලංකා විශ්ව විද්‍යාලයට ඇතුලත් කරගන්නා ප්‍රමාණය සීමා කලා. මෙය සිදුකලේ උසස් පෙළ උත්තර පත්‍ර ලකුණු කිරීමේ අක්‍රමිකතා වලින් සිංහල සිසුන්ට වූ අවාසිය අඩුකර ගැනීමටයි. අදටත් දමිළ බෙදුම්වාදීන් ඔවුනට සිංහල රජයන් කල අසාධාරණයක් ලෙස මෙය උලුප්පා දක්වනවා. මෙම උසස් පෙළ ලකුණු දීමේ අක්‍රමිකතා සාධක සහිතව 1978 කාළයේ පුවත්පත් මඟින් ප්‍රසිද්ධියක් දුන්නා.
1978 න් පසුව ජේ ආර් ජයවර්ධන ආණ්ඩුව ලංකා විශ්ව විද්‍යාලයේ කොළඹ මණ්ඩපය කොළඹ විශ්ව විද්‍යාලය ලෙසත්, යාපනය මණ්ඩපය යාපනය විශ්ව විද්‍යාලය ලෙසත්, පේරාදෙණිය මණ්ඩපය පේරාදෙණිය විශ්ව විද්‍යාලය ලෙසත් වෙනස් කලා. මෙයින් පසුව ජාත්‍යන්තර ශිශ්‍යත්ව අසාධාරණය තරමක් දුරට මඟ හැරුණේ කොලඹ විශ්ව විද්‍යාලයට ඇතිවූ පිළිගැනීම යාපනය විශ්ව විද්‍යාලයට වඩා ඉහළ තලයක තිබුණු නිසා.
රසික සමග එකඟයි. //නිකම්ම කියමනකට එහා දෙයක් මෙහි තියනවාද?// ඉයන් කියන්නේ "..අදටත් දමිළ බෙදුම්වාදීන් ඔවුනට සිංහල රජයන් කල අසාධාරණයක් ලෙස මෙය විශේශයෙන් උලුප්පා දක්වනවා." කියලයි. ප්‍රමිතිකරනය නිසා දෙමල සිසුන්ගේ විවි ප්‍රවේශය 35% සිට 17% දක්වා පහත වැටුනු බව සංඛ්‍යාලේඛන පෙන්වා දෙනවා. ඒක බරපතලම ප්‍රශ්නයක් නෙමෙයිද?
Delete(Tamil representation in the science-based disciplines fell from 35% in 1970 to 19% in 1975, while Sinhalese
representation in all disciplines increased quite dramatically.
http://siteresources.worldbank.org/INTSRILANKA/Resources/App1.pdf)
යාපනයේ ඓතිහාසිකවම (සුද්දා උවමනාවෙන් කලා වෙන්න පුලුවන් ) තිබුනු සාපේක්ශව දියුනු අධ්‍යාපන යටිතලය සහ දෙමල ජාතිකයන් තුල අධ්‍යාපනය ගැන තිබුනු/ තිබෙන දැඩි උනන්දුව අමතක කල නොහැකියි.
මා පහල දක්වා ඇති කොමෙන්ටුව ගැන රසිකට යමක් එකතු කල හැකිද?
- Dimithri
පේරාදෙනිය ඉංජිනේරු පීඨයේ සිව් වසරක මගේ අත්දැකීම අනුව මට කිව හැක්කේ සමස්තයක් ලෙස දෙමළ සිසුන් සිංහල සිසුන්ට වඩා ඉගෙනීමට උනන්දුවක් ඇති අය බවයි. එසේ උනන්දුවක් නොතිබුණු එක් දෙමළ සිසුවෙකුට වඩා මා දන්නේ නෑ. සාපේක්ෂව සිංහල පිරිස ඊට ඉතා වැඩියි.
Deleteමෙය දෙමළ සිසුන් සමග එකට ඉගෙන ගෙන ඇති කාගේත් අත්දැකීමක් බව මට නිසැකවම කිව හැකියි.
එයට හේතුව ඔවුන්ගේ සුවිශේෂී දක්‍ෂතාවයකට වඩා ඇඟෙන්ම හෝ පරිසරික/දේශපාලන හේතුමත එන උනන්දුවක් බවයි මට හිතෙන්නේ!
මෙතැනට යම් ලෙසකින් අදාල තවත් කරුණක්.
Deleteවිභාග ලකුණු මත නොමිලේ උසස් අධ්‍යාපනය සීමා කිරීම අසාධාරණ බව කියන අය පවා ඒ ආකාරයෙන් ම තර්ක කරමින් දිස්ත්‍රික්ක පදනම / දුෂ්කර පළාත් පදනම යනාදියෙන් පනවා ඇති සීමා කිරීම් ගැන කතා කරන්නේ නෑ නේද?
ස්තුතියි රසික ඔබේ එකතු කිරීමට. දෙමල සිසුන් සමග ඉගෙන ගෙන තියෙන මගේ අත්දැකීමත් එයමයි. උනන්දුවට අමතරව සාපේක්ශව ඉහල ඉංග්‍රිසි හැකියාව.
Deleteඇත්තෙන්ම ඉයන් මේ ආටිකල් එක බුද්ධියෙන් පටන්ගෙන හදවතින් ඉවර කරලා තියෙන්නේ. ඒක හානිකරයි. ආටිකල් එක ප්‍රේස් කරලා තියෙන අය දැක්කම බයත් හිතෙනවා!
බුද්ධියෙන්ම යමු! ආටිකල් එකේ මුල් කොටස වගේ.
- Dimithri
මෙම කමෙන්ට් වලට පිලිතුරක් ලෙස මගෙ first hand අත්දැකීම් වලින්ම පෝස්ට් එකක් මෙම කොටස් අවසන් වූ පසු
Delete//පේරාදෙනිය ඉංජිනේරු පීඨයේ සිව් වසරක මගේ අත්දැකීම අනුව මට කිව හැක්කේ සමස්තයක් ලෙස දෙමළ සිසුන් සිංහල සිසුන්ට වඩා ඉගෙනීමට උනන්දුවක් ඇති අය බවයි. එසේ උනන්දුවක් නොතිබුණු එක් දෙමළ සිසුවෙකුට වඩා මා දන්නේ නෑ. සාපේක්ෂව සිංහල පිරිස ඊට ඉතා වැඩියි.
Deleteමෙය දෙමළ සිසුන් සමග එකට ඉගෙන ගෙන ඇති කාගේත් අත්දැකීමක් බව මට නිසැකවම කිව හැකියි.//
මගේ කණ්ඩායමේ සරසවි විභාග ප්‍රතිඵල අනුව උඩින්ම සිටි දහයෙන් අටක්ම (මතක හැටියට) දෙමළ සිසුන්. මේ විභාග අනිසි ලෙස පැවැත්වූ ඒවා නෙමෙයි. (විභාග ක්‍රමයේ ප්‍රශ්න නොතිබුණාම නෙමෙයි. එහෙත්, ඒ ප්‍රශ්න මේ කරුණට අදාළ ඒවා නෙමෙයි.) මෙයට එක් හේතුවක් වුණේ මගේ කාලයේදී සිංහල සිසුන් අතරින් උසස්පෙළ ගණිත අංශයේ වැඩි ලකුණු ගත් (බස්නාහිර හා දකුණු පළාත් වල) බොහෝ දෙනෙකු පේරාදෙණියට නොපැමිණ කටුබැද්දට යාම. එහෙත්, මේ පළාත් වලින් පැමිණි ටික දෙනෙකුත් මහනුවර හා කුරුණෑගල වැනි නගර වල පාසැල් වල ඉගෙනගෙන උසස්පෙළ ඉහළම ලකුණු ගත් අයත් සිංහල සිසුන් අතර සිටියා. ඒ අය සරසවි විභාග වලදී දෙමළ සිසුන්ට සාපේක්ෂව පසුබැසීමට ප්‍රධානම හේතුවක් වුනේ ඔවුන් වැඩි උනන්දුවකින් එක දිගටම වැඩ කිරීම. හැබැයි දෙමළ සිසුන් අතරත් බොහෝ වෙනස්කම් තිබුණා. මෙසේ උඩටම ආ බොහෝ දෙනෙක් යාපනයේ සිසුන්. මුලතිවු වැනි 'අඩු ලකුණු' දිස්ත්‍රික් වලින් පැමිණි දෙමළ සිසුන් අතර පළමු වසර විභාගය සමත්වීම අසීරු වූ අය සිටියා. දෙමළ සිසුන් වැඩිපුර මහන්සි වී වැඩ කිරීමට එක් හේතුවක් වුණේ ඔවුන්ට 'වෙනත් දේ' කිරීමට තිබුණු අවස්ථා අඩුවීම.
//එයට හේතුව ඔවුන්ගේ සුවිශේෂී දක්‍ෂතාවයකට වඩා ඇඟෙන්ම හෝ පරිසරික/දේශපාලන හේතුමත එන උනන්දුවක් බවයි මට හිතෙන්නේ!//
මෙය සැසඳිය හැකි තවත් තැනක් තමයි ඕස්ට්‍රේලියාව හෝ ඇමරිකාව වැනි රටක පාසැල් සිසුන්ගේ ජනවාර්ගික සංයුතිය. වැඩිම ලකුණු ගන්නා සිසුසිසුවියන් අතර ආසියාතික ප්‍රතිශතය රටේ මේ කණ්ඩායම් වල ප්‍රතිශතයට වඩා බොහෝ සේ වැඩියි. එයට හේතුව ආසියාතික පවුල්වල සමාජ ආර්ථික පසුබිම සාපේක්ෂව වඩා හොඳ වීම. සාමාන්‍යයෙන් ඕනෑම රටක සුළුතර කණ්ඩායම් වල මානසිකත්වය වන්නේ තමන්ට ඉදිරියට යා හැකි තැන් තෝරාබේරාගෙන ඒ වෙනුවෙන් සම්පූර්ණ ශක්තිය යෙදවීම. ඇමරිකාවේ බාස්කට්බෝල් සහ සංගීත අංශ වල කළු ජාතිකයින්ගේ සහභාගීත්වය වැඩියි.
නේරු තුමා අනුගමනය කල උපාය තවම ශ්‍රී ලංකාවට තේරුම් ගිහිල්ල නෑ.
ReplyDeleteඔබ ඉදිරිපත් කල තොරතුරු බොහොමයක් http://dbsjeyaraj.com/ සදහන් වුනා නමුත් මෙය සිංහලෙන්
පලවීම වැදගත් සිංහල මිනිස්සු බහුතරයක් හිතන්නේ 1956 සහ 1983 මේ ප්රශ්නය ඇති වූ බවයි.
ඔබ හරි. 2009 ජයග්‍රහණය පාවිච්චි කර ලේසියෙන් 13 වන සංශෝධනය වැනි අර්බුද කාරී ප්‍රශ්ණ ගොඩක් විසඳන්න තිබුණා. මගේ 2009 අගෝස්තු ලිපියෙන් නේරු කලා මෙන් ව්‍යවස්ථාවෙන් බෙදුම්වාදයට වැට බඳින ලෙස මතක් කලා. ඇත්තටම සිදුවුණේ පවුලක අවශ්‍යතාවයට ඕන දේවල් විතරයි. උදාහරණයකට 2013 කාලවල සමහර රටවල් චෝගම් සමුළුව ලංකාවේ පැවැත්වීමට විරුද්ධවන විට ඉන්දියාව මැදිහත් වී උතුරේ පළාත් සභා ඡන්දය පවත්වන්නේ නම් පමණක් සමුළුව ලංකාවට ලබා දීමට ක්‍රියා කරණ බව දැන්වූවා. වසර දෙකක චෝගම් සභාපතිත්වය සඳහා හිටපු නායකයා උතුරේ චන්දයට එකඟ වුනා.
Deleteමෙම 2013 උතුරු පළාත් සභා ඡන්ද උදාහරණය මා සඳහන් කලේ රාජපක්ශවරුන්ගේ පෞද්ගලික න්‍යාය පත්‍ර වලට රටේ ප්‍රශ්ණ සමඟ සෙල්ලම් කළ අකාරය පෙන්වා දෙමාට මිස උතුරේ ඡන්දය පැවත්වීම වැරදි දෙයක් යැයි කීමට නොවන බව කරුණාවෙන් සළකන්න.
Deleteලංකාවේ මිනිසුන් බොහෝවිට අවබෝදය අතින් හරිම දුර්වලයි අද විග්නේශ්වරම් දෙමල ජාතිකයන් වෙනුවෙන් මෙතක් කලේ මොනවද කියල බලන්න මේ රටේ මේ මිනිසුන් ජාතිවාදයෙන් මිනිසුන් අදවන්න දක්ෂයි මිනිසුන් ඇදගැනීමට දක්ශයි.
Deleteනේරු මේක තේරුම් ගත්ත ඔහු දැඩි නීති ගෙනාව වෙන්වී යාමට (බෙදුම්වාදයට උපකාරකරන ) උත්සහ කරන පක්ස සහ පුද්ගලයන් ට විරුධව දැඩි දඩුවම් ගෙවනවා, සිදුවුනේ ශක්තිමත් ඉන්දියාවක් ඇතිවීමයි
//සිදුවුනේ ශක්තිමත් ඉන්දියාවක් ඇතිවීමයි//
Deleteඔබ හරියටම හරි. සෝවියට් දේශය කැඩුනු කාලයේ සහ පැරණි යුගෝස්ලාවියාව, චෙකොස්ලොවකියාව වගේ රටවල් බෙදීම ඇතුළු ලෝකයේ ඇතිවූ බෙදුම්වාදී රැල්ලන් කිහිපයක් තිබුණත්, ඉන්දියාව ශක්තිමත් වීමට හේතුව එය බව මමත් හිතනවා.
බොහොම වැදගත් ලිපියක් සහ නොදැනසිටි කරුණු කිහිපයක් දැනගත්තා. ස්තූතියි ඉයන්!
ReplyDeleteබොහොම ස්තූතියි උදය
DeleteA good one Ian....much better insight on the subject...why don't you send this to FT (in ENglish)..?
ReplyDeleteseveral of my articles on this was published in FT. Link to one is given at the bottom of the post.
Deletejust wanted you to say this in public....:)
Deleteඇත්තටම මම හිතාගෙන හිටියෙ 1956 සිද්ධියෙන් පස්සෙ අළුයට තිබ්බ ගිනි පුළිගු 1983 න් පස්සෙ ඇවිලුනා කියල ස්තූතියි මේ තොරතුරු වලට.
ReplyDeleteඇත්තටම මම හිතාගෙන හිටියෙ 1956 සිද්ධියෙන් පස්සෙ අළුයට තිබ්බ ගිනි පුළිගු 1983 න් පස්සෙ ඇවිලුනා කියල ස්තූතියි මේ තොරතුරු වලට.
ReplyDeleteබොහොම ස්තූතියි කම්මල X 2
Deleteඔබ වැදගත් ලිපියක් ලියා තිබෙනවා. මා මෙතෙක් සිතා සිටියේ අඩු වැඩඩි වශයෙන් සියලු සිංහලයන් මේ ප්රශ්නය ගැන මනා දැනුමකින් යුත් බවයි. එහෙත් මගේ අදහස වැරදි බව මට වැටහේ. මේකට හේතුව අප අතර පොත්පත් කියවීමේ අඩු උනන්දුව යයි මා සිතමි.
ReplyDeleteසමරසේකර
බොහොම ස්තූතියි සමරසේකර මහත්මයා
Delete//- .... උතුරු නැගෙනහිර ප්‍රදේශවල මැනීම් සහ සිතියම් සකස් කිරීමේදී සිංගල ගම්මාන සහ වැව් වලට දෙමළ නම් යෙදීම.
ReplyDelete- දමිළ දරුවන් ඉපදුන විට උපත ලියාපදිංචිය අවුරුදු දෙක තුනක් පමා කිරීම....එමඟින් තරඟකාරී අධ්‍යාපන අවස්ථාවලදී ඔවුනට වැඩි වාසියක් සලසා ගැනීම එහි අරමුණයි.
- උසස් පෙළ විභාගයේදී උතුරේ දමිළ විභාග අපේක්ෂකයින්ට පිලිතුරු සැපයීමේදී උදව් කිරීම ... එමඟින් විශ්ව විද්‍යාලවලට තේරෙන දමිළ සිසුන් සංඛ්‍යාව අසාධාරණ ලෙස වැඩි කර ගැනීම.
- ... ලකුණු එහා මෙහා කිරීම් වලින් යාපනය මණ්ඩපයෙන් පළමු පන්තියේ උපාධිධාරීන් හත අටක් බිහි කිරීම.//
මේවා මහ සාහසික කතා ඉයන්. මොනවද මූලාශ්‍ර? //ඔවුන් විසින් කළයි විශ්වාස කරන සමහර ක්‍රියාමාර්ග කිහිපයක් නම්:...// කවුරු විශ්වාස කරන ඒවාද? ගම්මන්පිල, වීරවංශ ඇරෙන්න වෙන දෙන්නෙක්ගෙ නම් කියන්න පුලුවන්නම්. ඇවිලෙන ගින්නට පිදුරු දාන්න එපා මිත්‍රයා. මේ වෙලාවේ වගකීමෙන් ලියන්න. මා ඔබව හඳුනාගෙන තිබුනේ මැදහත් මතධාරියෙක් ලෙසයි.
- Dimithri
මේ ලිපියේ අදහස දෙමල බෙදුම්වාදය විකාශනය වූ අයුරු විස්තර කිරීමටයි. ජාතිවාදයක් ඇවිලීමට නොවේ. 1972 රජය හඳුන්වාදුන් ප්‍රමිතිකරණය, 1978 දී උත්තර පත්තර වල ලකුණු දී ඇති තිබූ අකාරය පිලිබඳ ඡායාරූප සහිතව විස්තර පළවී තිබුණා. අත්තර් ජාලයේ සොයා බලන්න. මිනින්දෝරු දෙපාර්තමේන්තුවට සම්භන්ධව සිටි අයගෙන අසා බලන්න.
Delete@ඉයන්, හොඳයි දෙමළ නම් යෙදීම ගැන මා මිනින්දෝරු දෙපාර්තමේන්තුවට සම්බන්ධ අයගෙන් අසා බලන්නම්.
Deleteඅධ්‍යාපනයට අදාලව, ඔබ කියන -ඡායාරූප ද සහිත- මූලාශ්‍රයක් නම් මට අන්තර්ජාලයෙන් හොයාගන්න බැරිඋනා.ඔබට එවැන්නක් දිය හැකිනම් කෘතඥ වෙමි. විකිපීඩියාව සැමට එකඟවිය හැකි, පවතින හොඳම මූලාශ්‍රයක් ලෙස සැලකුවොත්, මෙන්න එහි කියා ඇති දේ. එහි ඔබ ඔය කියන පොයින්ට් එක නැහැ. (අඩුවශයෙන් ඒ පොයින්ට් එක එහි නැත්තේ, එම තර්කයේ තිබෙන අශිශ්ට බව නිසා විය හැකියි )
https://en.wikipedia.org/wiki/Policy_of_standardisation
The reasoning for the law[edit]
In 1946 minister C. W. W. Kannangara introduced free education in all the government institutions (Schools, government universities) in Sri Lanka.[3] Government funded all the money by bearing the expenses.
Under the British, English was the state language and consequently greatly benefited English speakers. However the majority of Sri Lankan populace lived outside urban areas and did not belong to the social elite, and therefore did not enjoy the benefits of English-medium education. The issue was compounded further by the fact that in Northern and Eastern regions of the island, where a largely Tamil populace resided,[2] students had access to English-medium education through missionary schools regardless of their socio-economy strata. This created a situation where a large proportion of students enrolled in universities throughout the country were English speaking Tamils and Sinhalese from urban centers like Colombo,[2] particularly in professional courses such as medicine and engineering.
එහි දක්වා ඇති උපග්‍රන්ථයක (The Root Causes of the Ethnic Conflict in Sri Lanka1, World Bank පිටු 3,4) හොඳින් මෙහි පසුබිම සංඛ්‍යාලේඛන සහිතව තිබෙනවා. [ඔබ ලෝක බැංකු (අපි ණය ගන්නවා තමයි, ඒ උනාට ඔවුන් දෙමලුන්ට අදිනවා ;-) ) විරෝධියෙකු නොවේ යැයි සිතමි!] http://siteresources.worldbank.org/INTSRILANKA/Resources/App1.pdf
//දෙමල බෙදුම්වාදය විකාශනය වූ අයුරු විස්තර කිරීමටයි. ජාතිවාදයක් ඇවිලීමට නොවේ.// චේතනා පරිශුද්ධ වූවත්, මේ කතා ගිනි ඇවිලෙන්න උදවු වෙනවා නේද? විශේශයෙන් අද පවතින සංදර්භය තුල. ඇත්තෙන්ම ලිපියේ ප්‍රථම කොටස ගැන වාදයක් නැහැ. නමුත් මා උපුටා දක්වන කොටසේ තියෙන්නේ ජාතික ප්‍රශ්නයේදී සිංහල-බෞද්ධ පාර්ශවය විසින් සුලබව දමා ගසන දේවල් ටිකක් මත "ඉයන්ගේ සිතට නැගෙන සිතුවිලි" වගේ දේවල් නේද? මට අනුව...මේවා ජනප්‍රියයි, නමුත් අතිශය හානිකරයි.
- Dimithri
///දෙමළ නම් යෙදීම ගැන මා මිනින්දෝරු දෙපාර්තමේන්තුවට සම්බන්ධ අයගෙන් අසා බලන්නම්. ///
Deleteඅනුරාධපුරේට කිලෝමීටර 22 ක් පමණ කොළඹ දෙසට එද්දී හමුවෙන තිරප්පනේ කියන ගම දස මහා යෝධයින්ගෙන් කෙනෙක් (මට මතක විදිහට සුරනිමල) විසු ඉපැරණි ගමක්. සිතියම් ගත කිරීම වලට පෙර තිබු උට්ටිමඩුව යන නම වෙනස් කරලා තිරප්පනේ කියන නම දාල තියෙන්නේ, දැනටත් ඒ ගම්වල ඉන්න වැඩිහිටියෝ පරණ නම සිහිපත් කරනවා...
මේ මම දන්න එක සිදු වීමක් පමණයි...
වැඩි විස්තර සඳහා APA ගුණසේකර මහතාගේ "හොරොව්පතානේ පලවෙනි DRO" පොත කියවීමත් සුදුසුයි...
@ලොකුපුතා; අසාර්ථක උත්සාහයක්, අතේ පැලවෙන කෙප්පයක්!
Deleteමෙන්න තිරප්පනේ නම හැදුන හැටි ගැන "නිල" මූලාශ්‍රය - තිරප්පනේ ප්‍රාදේශීය ලේකම් කාර්යාලයේ වෙබ් අඩවියෙන්!
http://tirappane.ds.gov.lk/index.php?option=com_content&view=article&id=4&Itemid=63&lang=si
"තිරප්පනේ යනු ඉතා ඈත අතීතයකට උරුමකම් කියන්නා වූ ප්‍රදේශයකි.මෙම ප්‍රදේශයට තිරප්පනේ යන නම යෙදීම කෙසේ සිදු වී ද යන්න ජනප්‍රවාදයේ සදහන් වේ.රුවන්වැලි මහා සෑයේ නිර්මාතෘවර දුටුගැමුණු රජුට මරණාසන්න මොහොතේ තමනිට ඉදිකිරීම් නිම කිරීමට නොහැකි වූ රුවන්වැලි සෑය ඔහු සොහොයුරු සද්ධාතිස්සයන් ප්‍රමුඛ පිරිවර ඉදිකිරීම් නිම වු අයුරින් තිර වලින් වට කර ඉතා අලංකෘත මහා සෑ රජුන්ගේ ස්වරෑපය පෙනීමට සලස්වා ඇත.
එකල මෙම ප්‍රදේශයේ විසු ජනතාවට ඉතා හොදින් තිර වලින් වට කළ සෑ රජුන් දර්ශනය වී ඇත. මේ අනුව තිර පෙනෙනු ලැබු ප්‍රදේශය තිර පෙනේ වී පසු කාලීනව වහරන්නන්ගේ පහසුව උදෙසා තිරප්පනේ යනුවෙන් භාවිතයට එක් වී ඇත."
"තිරප්පනේ" සහ "උට්ටිමඩුව" නම් දෙක දුටු පමනින් මට සිතුනේ ඔබ කියූ දෙයෙහි අනික් පැත්තයි. තිරප්පනේ යනු කිරුලපනේ, තිස්පනේ, උලපනේ, වලපනේ වැනි සිංහල ග්‍රාම නාමයක් විය හැකි බවත් උට්ටිමඩුව බොහෝ විට ඉරනමඩු, පොම්පෙමඩු හෝ මරුදමඩු වැනි දෙමල ග්‍රාම නාමයක් විය හැකි බවත් බැලූබැල්මට මට සිතුනි. තත්පර කිහිපයක ගූගල් සෙවීමක් මේ සැකය දුරු කලා! "The place-name-end 'madu' is explained as a "waterhole, tank, pond, (or) stream"" (http://www.island.lk/2008/05/14/midweek5.html) දැන් කෙනෙකුට තර්ක කලහැකියි උතුරේ "කන්දරෝඩෙයි" ග්‍රාමය "කදුරුගොඩ" ලෙස සිංහලකරනය කල ලෙස "උට්ටිමඩු", "තිරප්පනේ" ලෙස සිංහල කරනය කලා යැයි කියා!
@ඉයන්,ලොකුපුතා; මම කියන්නේ මේකයි. අවශ්‍යවන්නේ ජනප්‍රිය වුවද,අපේ මයින්ඩ්සෙට් එකට එකවරම සෙට් වුවද - මතභේදයට තුඩුදියහැකි, විවාදාපන්න දේ එකවරම විශ්වාස නොකොට සැක කිරීමත්, විවෘත මනසකින් යුක්තවීමත්, අදාල මූලාශ්‍ර සෙවීමට ඉටා ගැනීමත් (ඒවා කාර්යක්ශම ලෙස ලබාගතහැක්කේ කෙසේද යන්න දැන සිටීම ඇඩඩ් ඇඩ්වාන්ටේජ් එකකි - නිවැරදි කී වර්ඩ්ස් අනුමාන කිරීමේ කලාව ප්‍රගුන කිරීමෙන් කාලයත්, ශ්‍රමයත්, මුදලුත් ඉතිරි වේ!!) එම මූලාශ්‍ර ආශ්‍රයෙන් එම සැකකල දෙය පිලිගැනීම හෝ නොගැනීමත් පමනයි!!!!! මේ තමයි මා අනුයන නූතන කාලාම සූත්‍රය!!!!
- Dimithri
දෙමළ භාෂාවෙන් උසස් පෙළ ජීව විද්‍යාව ලියූ සිසුවෙකුගේ අසම්පූර්ණ පිළිතුරකට ඉතා ඉහළ ලකුණු දී ඇති අයුරු දැක්වෙන සාක්‍ෂි සහිත ලිපි හැන්සාඩ් වාර්තාවල තියෙනවා. ඒ පිළිතුරු පත්‍රය සොයා ගත්තේ වාලච්චේන කඩදාසි කම්හලට යැවූ පරණ උත්තර පත්‍ර අතර තිබිලා ය කියවෙනවා. මේ ගැනෙ කතා කළේ සිරිල් මැතිව් හිටපු ඇමති.
Deleteනමුත්, ඒ උදාහරණය මගින් ඒ ආකාරයට වැඩි ලකුණු දීමේ දෙමළ ව්‍යාපාරයක් තිබුණා යැයි සාධාරණීකරණය කීරීමට හැකි යැයි මා සිතන්නේ නෑ.
කලකට පෙර මූලිකවම උසස් පෙළ ලකුණු මගින් කෙරුණු විශ්ව විද්‍යාල ප්‍රවේශය (විභාග සමතුන්ට වයිවා ද තිබී ඇත!) වෙනස් කළ පසු (1974) විශ්ව විද්‍යාලයට දෙමළ සිසුන් ඇතුලත් වෙන ප්‍රමාණය අඩුවීම නිසා එයට විරුද්ධව මේ ආකාරයේ ඒකල සටන්කරුවන් ඇතිවූවා වෙන්නටත් ඉඩ තියෙනවා.
දෙමළ මිනින්දෝරුවන් (හෝ වෙනත් සේවකයින්) සිංහල නම් විකාරරූපී ලෙස ලිවීම නම් අපට ලබුකැලේ වැනි ග්‍රාමනාම දෙමළෙන් සහ ඉංගිරිසියෙන් ලියා ඇති ආකාරයෙන් හිතා ගත හැකියි.
Deleteලංකාවේ සේවය කර මෙහි පැමිණි මිනින්දෝරුවන් ඕස්ටේ‍ර්ලියාවේත් ගම්වලට බඩගිනි වැනි නම් යොදා තියෙනවා. ඒවා අලුත් ප්‍රදේශ.
නමුත්, නම සහමුළින්ම වෙනස් කිරීම (එනම් සමනළ කන්ද වෙනුවට ඇඩම්ස් පීක් ආකාරයෙන්) සංවිධානාත්මකව කළාය යන්න පිළිගන්නට නම් ඒ සඳහා හොඳ සාක්‍ෂි අවශ්‍යයයි. අනෙක, සමාන්තරව භාවිතා වුණු දෙමළ නමක් තිබී එය යෙදුවා නම් එයින් අදහස් වෙන්නේ ඒ ප්‍රදේශයේ ඉතිහාස කතාවේ දෙමළ පරිච්ඡේදයක් ද තිබුණු බවයි.
තිරප්පනේ යන්න නම් මට හිතෙන්නේ දෙමළ වචනයක් හෝ දෙමළ ඌරුව ඇති පදයක් කියායි. ඒ විශේෂයෙන්ම එහි ඇති ප-යනු දෙක නිසා. දුටුගැමුණු හිටියේ ක්‍රිස්තු පූර්ව දෙවන සියවසේ නේද? ඒ කාලේ භාවිතා වුණු භාෂාවේ තිර, පෙනේ වැනි වචන තිබුණාද? එවැනි නමක් සහශ්‍රක දෙකක් පැවතිය හැකිද? කිරුළ-පෙනේ නම නම් කෝට්ටේ යුගයේ එකක් නේ!
ස්තුතියි රසික ඔබේ එකතු කිරීමට. මමත් කියන්නේ ඒකයි. ග්‍රාම නාම වෙනස් කිරීම සංවිධානාත්මකව කළාය යන්න පිළිගන්නට නම් ඒ සඳහා හොඳ සාක්‍ෂි අවශ්‍යයයි.
Delete//දුටුගැමුණු හිටියේ ක්‍රිස්තු පූර්ව දෙවන සියවසේ නේද? ඒ කාලේ භාවිතා වුණු භාෂාවේ තිර, පෙනේ වැනි වචන තිබුණාද?//ඉතා හොඳ සැකයක්.
තිරප්පනේ ප්‍රාදේශීය ලේකම් කාර්යාලය අහුබුදු ටයිප් එකට නමේ තේරුම දුන්නා වන්නටත් බැරි නැහැ. ;-) ලොකුපුතාගේන් කියවෙනවා උට්ටිමඩු කියන නම පැරැන්නො සිහිපත් කරන වග. එය බොහෝ විට දෙමල නමක් වියහැකියි, ත්‍රිකෝනමඩු, ඉරනමඩු අනුව යමින්.
හැබැයි -ප්පනේ කියලා එන දෙමල ග්‍රාම නාම නැහැ නේද? -ප්පිඩි, -ප්පලේ කියලා නම් තියෙනවා මම දන්න තරමින්.
ඇත්තෙන්ම ඉයන් මේ ආටිකල් එක බුද්ධියෙන් පටන්ගෙන හදවතින් ඉවර කරලා තියෙන්නේ. ඒක හානිකරයි. ආටිකල් එක ප්‍රේස් කරලා තියෙන අය දැක්කම බයත් හිතෙනවා!
බුද්ධියෙන්ම යමු! ආටිකල් එකේ මුල් කොටස වගේ.ඔබට ජය... දෙවන කොටස ඉක්මනින් ලියන්න. දැනට මම නවතින්නම්!
- Dimitrhi
මෙම කමෙන්ට් වලට පිලිතුරක් ලෙස මගෙ first hand අත්දැකීම් වලින්ම පෝස්ට් එකක් මෙම කොටස් අවසන් වූ පසු
Deleteදිමිත්‍රි,
Deleteමා 2003-4 කාලයේ එම ග්‍රාමයේ 70 සහ 80 දශක වල සේවය කල සුමතිපාල නම් ග්‍රාමසේවක මහතාගේ (ඒ ගමේ මිනිස්සුන්ට අනුව ගම්මුලාදෑනියා) නිවසේ නතර වී සිටි කාලයේ ඔහු සහ ගමේ ඉස්කෝලේ විදුහල්පතිනියව සිට විශ්‍රාම ගිය ඔහුගේ බිරිඳ ඇතුළු වැඩිහිටියන් පැවසුවේ කලින් තිබ්බ උට්ටිමඩුව කියන නම ඉවත් කරලා තිරප්පනේ කියන නම දාපු බවක්...
එතනින් එහා මා ඒ ගැන දන්නේ නැහැ...
නමුත් දැන් රසික මතුකළ කරුණ අනුව බැලුවොත් එහි ගත යුත්තක් තුබෙන බව පේනවා...
ගල්කුලමෙන් තරමක් ඇතුළේ තියෙන නන්දිමිත්‍ර යෝධයා වාසය කරපු කඩරොද කියන ගම පසුව ඔරුක්මාන් කුළම ලෙස වෙනස් වෙලා තියෙන බව ඒ මහතාගේ නැගණියක් මට අද පැවසුවා. ඇයත් විශ්‍රාම ගිය ගුරුවරියක්...
///එකල මෙම ප්‍රදේශයේ විසු ජනතාවට ඉතා හොදින් තිර වලින් වට කළ සෑ රජුන් දර්ශනය වී ඇත. මේ අනුව තිර පෙනෙනු ලැබු ප්‍රදේශය තිර පෙනේ වී පසු කාලීනව වහරන්නන්ගේ පහසුව උදෙසා තිරප්පනේ යනුවෙන් භාවිතයට එක් වී ඇත."///
ඔය කියන අපුරු ජනප්‍රවාදය ගැන හොයල බලන්නම වටිනවා. නිල මුලශ්‍රයේ යුනිකෝඩ් වලින් මොක ලියල තිබුනත් ඔය හරියේ ජීවත් වෙන හෝ වෙච්ච කෙනෙක්ගෙන් අහල බලන්න රුවන්මැලි මහා සෑය පේනවද කියල ඒ ගමට.
එහෙම පේන්න පොඩ්ඩක් හරි ඉඩක් නැති කිලෝමීටර 20 කට 30 කට පමණ මෙහායින් තියෙන තැනිතලා සහ අනුරාධපුර පුජා භුමි ප්‍රදේශය (රුවන්මැලි සෑය ද ඇතුළත්ව) නොපෙනෙන ගමකට තිරප්පනේ (හෝ තිර පෙනේ) කියල නමක් වැටුන අයුරුත් විමසා බලන්න වටිනවා...
මම අද උදේ තිරප්පනේ ප්‍රාදේශීය ලේඛම් කාර්යාලයට කෝල් කලා. ඔවුන් කියන්නේ අපි මේ ලියල තියෙන එක තමයි අපි අහල තියෙන්නේ, ඒ නිසයි දැම්මේ කියලා. ඔය පලාතකටවත් රුවන්මැලි සෑය පේන්නේ නැහැ නේද කියල ඇහුවම කියනවා ඒ කාලේ රුවන්මැලි සෑය පේන්න ඇතිලු. හෙහ් හෙහ්...
අර ලිපියේ තියෙන විදිහට මඩු පල්ලිය කියන නමේ මඩු කියන නම ගැන දෙන පැහැදිළි කිරීම මටනම් ගැටළු සහගතයි,
/// Marutha Madu is the same as Sinhala Kumbuk Maduva///
දෙමල කීප දෙනෙක්ගෙන් ඇහුවම මට කිව්වේ marutham කියන්නේ කුඹුරු කියලා. Marutha කියල කියන එක කුඹුක් ලෙස භාවිත වෙන බවක් ගැන එම දෙමල පුද්ගලයින් දැනුවත් නැහැ...
ඒකෙ තියෙන මඩු කියන එකේ තේරුම මොක උනත් උට්ටි-මඩුව කියන නමේ තියෙන "මඩුව" කියන එක වෙනම එකක්...
අනිත් එක උට්ටිමඩුව ඔබ දුන් උදාහරණ වල වගේ "මඩු" කියල නතර වෙන්නේ නැහැ, නියම සිංහල ඌරුවට "මඩුව" වශයෙන්ම පවතින එකෙන් ඔබේ තර්කය වැරදියි...
අනික ඒ ලිපිය අනුව මඩු පල්ලිය තිබ්බ තැන ගැන සුද්දා කිව්වේ මෙහෙමලු,
According to Denham "Mr. Levers, says in his "Manual of the North Central Province," states that "St. Mary's Church at Madu is considered by the Buddhist and a great many of the Tamil pilgrims, who resort there, as the Temple of Pattiniamma ('Amman Kovil').
එතනත් පත්තිනි අම්මාගේ දේවාලයක් බව සඳහන් කරලා වරහන් ඇතුළේ තමයි තියෙන්නේ "අම්මාන් කෝවිල" කියලා. ඔබේ තියරිය අනුව ඒක අනිත් පැත්ත වෙන්න ඕනේ, එක්කෝ ඒක සුද්දට අමතක වෙලා. එහෙම නැත්නම් ලියුම්කරුට අමතක වෙලා...
එය නැතත් මා සඳහන් කල පොතේ ශ්‍රීපුර, සාවස්තිපුර ආදී ග්‍රාම නාමයන් පසුකාලීනව ස්ථාපිත කල අයුර මුලාශ්‍ර සහිතව සඳහන්...
///දැන් කෙනෙකුට තර්ක කලහැකියි උතුරේ "කන්දරෝඩෙයි" ග්රානමය "කදුරුගොඩ" ලෙස සිංහලකරනය කල ලෙස "උට්ටිමඩු", "තිරප්පනේ" ලෙස සිංහල කරනය කලා යැයි කියා!///
නාගදීපය නයිනතිව් වන කලෙක ඔහොම කිව්වත් මමනම් ඒකෙ අරුමයක් දකින්නේ නැහැ...
ස්තූතියි ලොක්කෝ
Deleteඋමා මහේෂ්වරන් මිනින්දෝරුවෙක්. ඔහු ත්‍රස්තවාදී සංවිධානයට බැඳෙන්නට පෙර සිටම ඔහුගේ හිතේ තිබුනා ද්‍රවිඩකරණය පිලිබඳ අදහස්. ඔහුගේ සමකාලීන මිනිදෝරුවකු පසුව යුද හමුදාවේ ස්වේච්ඡා බලසේනාවට බැඳුණා. කර්නල් නිලය දක්වා පැමිණ විශ්‍රාම ගියා. එම කර්නල් වරයා වරක් ප්‍රකාශ කළා උමා මහේෂ්වරන් මුළු ලංකාවේම අඟලේ සිතියම් පෞද්ගලිකව එකතුකර තබාගත් බවත්, (එහි වැරද්දක් නැහැ) එම සිතියම් ගැඹුරින් අධ්‍යයනය කරමින්, උතුරු නැගෙනහිර පලාත්වල සිංහල ග්‍රාම නාම වැරදි බවත්, ඒවා දෙමළ නම් විකෘති කිරීමක් ලෙස ප්‍රකාශ කළ බවත්.
Deleteමහසෙන් රජු විසින් කරවන ලද පදවිය වැව කඤ්්ඤපඤ්ඤකුලම් ලෙස නම් කිරීමට 1950 දශකයේ සිටි ද්රවිඩ ජාතික වාරිමාර්ග අධ්‍යක්‍ෂ වරයකු උත්සාහ කල බවත්, 2000 වර්ෂයේදී, LTTE ක්ලේමෝ බෝම්බ ප්‍රහාරයකින් අපවත් වුන, පදවි ශ්‍රීපුර විහාරස්ථානයේ නායක ස්වාමීන් වහන්සේ, එම නම් වෙනස් කිරීම වැලක්වීමට විශාල විරෝධතා ව්‍යාපාරයක් කළ බවත්, ඒ ප්‍රදේශයේ වැසියන් සහ එම විහාරස්ථානයේ වර්තමාන ස්වාමීන් වහන්සේලා කියනවා.
ද්රවිඩ ජාතිය වෙනුවෙන් මව්බිමක් නොමැතිවීම පිළිබඳව ඔවුන් තුළ දැඩි කම්පනයක් තිබෙනවා. ඔවුන්ට අවශ්‍යයි ඉන්දියාව තුළ ද්රවිඩ නිජබිමක් සහ ද්රවිඩ රාජ්‍යයක්. එසේ නොහැකිනම්, එකම විකල්පය, ලංකාවේ උතුරු නැගෙනහිර පළාත් ලබාගැනීමයි.
තිරප්පනේට රුවන්වැලි සෑය පෙනෙනවාද යන්න සොයා බලන්න වටිනවා. තිරප්පනේ ආශ්‍රිතව ශේෂ කඳු තිබෙනවා. මෙතැනදී තිරප්පනේ යන්න වර්තමාන තිරප්පනේ නගරය ලෙස නොසලකා සමස්ත ප්‍රදේශයම සලකා බැලිය යුතුයි.
Deleteමේ බලන්න
ඒ හිටපු කාලයේ සෙනසුරාද සහ ඉරිදා නිවාඩු දවස් දෙකේ ඇවිදින එක තමයි මගේ රාජකාරිය...
Deleteතිරප්පනේ, ගල්කුලම, නාච්චදුව, ආලන්කුලම වගේ හතර අතේම ගිහින් තියෙනවා...
මම හිටපු ගෙදර පිටිපස්සේ තිබ්බා නන්දිමිත්‍ර යෝධයා ඔත්තු බැලුවයි කියන ගල් කුළක්...
ඒකට නැග්ගත් අනුරාධපුර නගරය හෝ රුවන්මැලි සෑය පේන්නේ නැහැ, මට තලගුලි විහාරයේ කන්ද උඩට යන්න බැරි උනා, පහළට ගිහින් ආපහු ආව. ඒ කන්ද උඩට නම් අනිවාර්යයෙන්ම පේන්න ඕනේ...
නමුත් ඒ කන්ද තියෙන්නේ තිරප්පනේට ගොඩක් එහා, ඥානික්කුලමටත් එහා, ගල්කුලමෙන් ඇතුළට යන්න තියෙන පාරේ...
මඩුව ගැන මට තවත් දෙයක් මතක් උනා...
උට්ටිමඩුව විතරක් නෙමෙයි ඊට තවත් කැකිරාව පැත්තට වෙන්න ඔයාමඩුව කියල ගමකුත් තියෙනවා...
ඒකත් "මඩුව" මිසක් "මඩු" නෙමෙයි...
මට එක පාරටම කියවුනේ "ඔයාබඩුව" කියල. චැක් කැත හිත.
Deleteබොහොම ස්තූතියි විචා සහ ලොක්කා. උදය :) මටත් ඔය ලෙඩේ තියෙනවා
Delete@ලොකු පුතා,
Deleteදැනුම්, අත්දැකීම් සම්භාරයක්! නමුත් ටිකක් විතර අවුට් ඔෆ් ෆෝකස් යනවා වගේ. නැවත මුල් ප්‍රශ්නෙට එමු.
කවුරුහරි කියමු බලන්න "-ප්පනේ" කියලා ඉවර වෙන වෙනත් දෙමල ග්‍රාම නාමයක්.
- Dimithri
@ උදාර, ඉයන්,
Deleteමට ඔය හා සමාන දෙයක් වෙනවා, වාහන වල ඉලක්කම් හතරේ දෙවෙනි සහ තුන්වෙනි ඉලක්කම් දෙක මාරුවෙලා දකින එක...
පැහැදිළිව ඉලක්කමෙන් ඉලක්කම කියවීමෙන් ඒක මග ඇරෙනවා...
@ Dimithri,
///දැනුම්, අත්දැකීම් සම්භාරයක්! ///
මේ වගේ වැදගත් විදිහට කෙරීගෙන යන සංවාදයකදී උත්ප්‍රාස අවශ්‍ය නැති බව ඔබ තේරුම් ගනියි කියල හිතනවා...
///නමුත් ටිකක් විතර අවුට් ඔෆ් ෆෝකස් යනවා වගේ. ///
ඔබ "ප්පනේ" කියල තව නමක් මගෙන් ඇහුවට කියන්න මම දන්න වෙන එකක් නැහැ...
එහෙම එකක් හොයල නොකියන එකටද ෆෝකස් ගැටළුවක් ලෙස ඔබ දකින්නේ. හෙහ් හෙහ්...
එය දෙමළ නමක් නෙමෙයිනම් සිංහල නමක් විය යුතුයි, ඒකෙ තර්කයක් නැහැනේ. එය සිංහල නමක් බවට පෙන්විය යුත්තේ එය සිංහල නමක් බව කියන ඔබ විසින්, මා විසින් නෙමෙයි...
මම තර්ක කලේ මම ඉදිරිපත් කල නම සිංහල නමක් බවට ඔප්පු කිරීමට සහ ඔබ කියන නම දෙමළ නමක් බවට වෙන්න පුළුවන් වැඩි නැඹුරුව පෙන්නලා දෙන්න...
රසික මතු කල කාරණය වගේම තිර පෙනේ යන්න උච්චාරණ පහසුව තකා පසුව වෙනස් වෙනවනම් වඩා පහසු විදිහ ලෙස මට තේරෙන්නේ "තිරපනේ" වගේ නමක් (ඔබම කියූ උලපනේ, වලපනේ වැනි)...
ප යනු දෙකක් එක ළඟ යෙදීම කියන රසිකගේ අදහස සහ උච්චාරණ පහසුව සඳහා වෙනස් වුවා යයි කියන නමේ ඇති මට පෙනෙන නොගැලපිල්ලත්, පාරිසරික සාධක අනුව එම ජනප්‍රවාදය තරමක් නොගැලපෙන ගතියක් ඇති නිසාත් මම එය සිංහල නමක් නොවෙන ලෙස සළකනවා...
ඊට වඩා වැඩි යමක් එතන නැහැ...
නමුත් මම ගේන තර්කය "මඩුව" වශයෙන් අවසන් වෙන නාමකරණය "මඩු" වශයෙන් ඉතා බහුලව යෙදී ඇති දෙමළ නාමකරණයෙන් අපගමනය වී තිබීමත් මඩුව යන්න පැහැදිළි සිංහල වචනයක් නිසාත් තිරප්පනේ යන නමට වඩා උට්ටිමඩුව යන නම සිංහල ඌරුවට බර බවයි...
@ලොකු පුතා
Delete///දැනුම්, අත්දැකීම් සම්භාරයක්! ///අවුට් ඔෆ් ෆෝකස් යනවා වගේ. /// වැනි දේ අපි යාලුවො යාලුවො කතාකරද්දි කියනවානේ. එතන උත්ප්‍රාසයක් හෝ අවඥාවක් අදහස් කලේ නැහැ. එහෙම හිතුනා නම් සමාවන්න.
භාශා විශාරදයෙක් නොවන, ගම්වල නම් හැදුන හැටි අධ්‍යයනයක් ගැන කවදාවත් අවධානයක් නොතිබුන කෙනෙක් විදියටයි මම මේ සංවාදයට ආවේ. කනප්පුව, ඔප්පුව, තිරප්පුව වගේ වචන දැන් අපි සිංහල වචන කියලා සලකනවානම් (ඔරිජින් එක කෙසේ වෙතත්) , තිරප්පනේ ගැන එච්චරම සැක හිතන්න දෙයක් නැහැ කියන තැනින් තමයි මම පටන් ගත්තේ. ප්‍රාලේ කාර්යාලයේ නිල ස්ථාවරය දැක්කම සැකයක් ඇත්තෙම නැති උනා. නමුත් ඔබත්, රසිකත් ඒ ගැන සාධාරන, විචාරවත් සැක මතු කරලා තියෙනවා. තිර සහ පෙනේ කතාව විය නොහැකි බවක් පිලිගතහැකියි. ඒ ගැන තව සොයා බැලිය යුතුයි.
//එය දෙමළ නමක් නෙමෙයිනම් සිංහල නමක් විය යුතුයි// ඔබ එය දෙමල නමක් බව කොහෙත්ම පෙන්නුවේ නැහැ. (යමක් "එහෙම වන බව" පෙන්වීම "එහෙම් නොවන බව" පෙන්වීමට වඩා පහසුයි!) සරලව මා පෙන්වාදුන්නේ -ප්පනේ ලෙස අවසන් වන දෙමල ග්‍රාම නාම මා අසා නොමැති බවයි. එය සැලකියයුතු තර්කයක් නොවේද? ඒ වෙනුවට මඩුව යන්නෙහි ඇති සිංහල ඌරුවයි ඔබ මතුකලේ. එය එතරම් ඒත්තුගන්වෙන සුලු නැහැ.
මඩු සහ මඩුව ගැන කියන්නට තිබෙන්නේ, කිලිනොච්චිය අද සිට සිංහල ජනාවසයක් වන්නට යනවායැයි සිතමු, තව අවුරුදු දහයකින් ඔය වැවේ නම "ඉරනමඩු" නොව "ඉරනමඩුව" වනු ඇති බවට සැකයක් ඔබට තිබෙනවාද? (වතුකරයේ ගම් තිබෙනවා "මල්ලියප්පුව" නමින්. "මල්ලිය-පු" නම් පිච්ච හෝ සමන් මලට කියන දෙමල නමයි. සිංහල උච්චාරනය අනුව මල්ලියප්පුව වී තිබෙනවා. මෙහි ඇති පුදුමයක් නැහැ)මඩු සහ මඩුව ගැන කියන්නට තිබෙන්නේත් එයයි.
- Dimithri
///එතන උත්ප්‍රාසයක් හෝ අවඥාවක් අදහස් කලේ නැහැ. එහෙම හිතුනා නම් සමාවන්න.///
Deleteඔබ එසේ අදහස් කලේ නැත්නම් ගැටළුවක් නැහැ මිත්‍රයා. අමතක කරලා දාමු...
මම භාෂා සම්බන්ධව හෝ ග්‍රාම නාම සමබන්ධව විශාරදයෙක්නම් නෙමෙයි. නමුත් අසා දැක කියවා ඇති සාමාන්‍ය දැනීමත් ඇති අයෙක් පමණයි...
ඒ නිසා මම කියන දේ වලත් ගැටළු සහගත තැන් තියෙන්න පුළුවන්...
සිංහල භාෂාවට වෙනත් භාෂා වලින් ලැබුන වචන ගොඩක් තියෙන බව ප්‍රසිද්ධ සත්‍යයක්. එමෙන්ම අපි ඒවා එසේ ලැබුන බව දන්නවා වගේම පිළිගන්නවා. එහි කිසිම ගැටළුවක් නැහැ...
///සරලව මා පෙන්වාදුන්නේ -ප්පනේ ලෙස අවසන් වන දෙමල ග්‍රාම නාම මා අසා නොමැති බවයි. එය සැලකියයුතු තර්කයක් නොවේද? ඒ වෙනුවට මඩුව යන්නෙහි ඇති සිංහල ඌරුවයි ඔබ මතුකලේ. එය එතරම් ඒත්තුගන්වෙන සුලු නැහැ.///
මම මතුකළ අදහස් වුයේ එය "තිර+පෙනේ" යන නම භාවිතයේ පහසුව උදෙසා පසුකාලීනව වෙනස් වුවා නම් වෙනස් විය යුතු ආකාරයට වෙනස් වී නොමැති බැවින් එය සිංහලයට ආගන්තුක වචනයක් බවයි...
එක ළඟ "ප" යනු දෙකක් තිබීම දෙමළ වචනයක ලක්ෂණයක් බව (මා ඒ ගැන පැහැදිළිව නොදනී) රසික මතු කලා. එය එසේනම් තිරප්පනේ යන්න දෙමළ වචනයක් විය යුතුයි...
සමාන නාමයන් නොමැති නිසා පවතින එකම එක නාමයක වුව අනන්‍යතාවයක් වෙනස් වෙන්නේ නැහැ...
ඒ වගේම අමුත් සිංහල ග්‍රාම නාමයන් පවා ලංකාවේ පවතින බවට මම දන්න උදාහරණයක් තමයි "මෝල්කාව" කියල කියන්නේ. ඒ ගම තියෙන්නේ අපේ ගමට ටිකක් එහායින්, ඒ නම සිංහලද දෙමළද කියල හිතා ගන්න බැහැ, නමුත් ඒක සිංහල නමක් සහ ගමක්...
මඩු සම්බන්ධ තර්කයෙදී මම මතු කරන්නේ සිතියම් ගත කිරීමේදී බහුතරයක් දෙමළ නම් "මඩු" ලෙසින්ම පවතිද්දී ග්‍රාම නාම කීපයක්(දන්නා පරිදි 2 ක්) පමණක් "මඩුව" ලෙසින් පවතින නිසා එය සිංහල නාමයක් බවට සිතීම යුක්ති සහගත ලෙසයි...
///මල්ලිය-පු" නම් පිච්ච හෝ සමන් මලට කියන දෙමල නමයි. සිංහල උච්චාරනය අනුව මල්ලියප්පුව වී තිබෙනවා. මෙහි ඇති පුදුමයක් නැහැ)මඩු සහ මඩුව ගැන කියන්නට තිබෙන්නේත් එයයි.///
පිච්ච/සමන්පිච්ච වලට (පොදුවේ පිච්ච සඳහා) දෙමළෙන් කියන්නේ "මල්ලිකායි" (මල්ලිගායි ලෙසත් සමහර තැන්වල තියෙනවා, නමුත් යාපනේ උගත් දෙමළ නැගනියකට අනුව මල්ලිකායි තමයි ඔවුන් වහරන ක්‍රමය)...
මල්ලියප්පුව සහ දෙමළ පිච්ච මල් අතර කිසිම සම්බන්ධයක් නැති බවයි මගේ අදහස. ඔබ වැරදි උදාහරණයක් දුන්නේ...
මල්ලියප්පුව වගේම ඔත්තප්පුව කියලත් ග්‍රාම නාමයක් තියෙනවාය...
@ලොකු පුතා,//"මෝල්කාව": ඒ නම සිංහලද දෙමළද කියල හිතා ගන්න බැහැ, නමුත් ඒක සිංහල නමක් සහ ගමක්...//
Deleteඉතින් මම මේ දහ අතේ කියන ට්‍රයි කරන්නෙ ඒකනේ. ඔබේ ඉහත වාක්‍යය "මෝල්කාව" වෙනුවට "තිරප්පනේ" දාලා බලමු.
"ඒ වගේම අමුතු සිංහල ග්‍රාම නාමයන් පවා ලංකාවේ පවතින බවට මම දන්න උදාහරණයක් තමයි "තිරප්පනේ" කියල කියන්නේ... ඒ නම සිංහලද දෙමළද කියල හිතා ගන්න බැහැ, නමුත් ඒක සිංහල නමක් සහ ගමක්.."
මෙහෙම කියවන්න බැරි අවුල මොකක්ද? ඔබේ සවිඥානයට / තර්ක ඥානයට හොරෙන් ඔබේ ඔලුවෙ ඉන්න සිරිල් මැතිවු හින්දා නේද? ;-)
//මල්ලියප්පුව සහ දෙමළ පිච්ච මල් අතර කිසිම සම්බන්ධයක් නැති බවයි මගේ අදහස. ඔබ වැරදි උදාහරණයක් දුන්නේ...මල්ලියප්පුව වගේම ඔත්තප්පුව කියලත් ග්‍රාම නාමයක් තියෙනවාය...//
පූ = දෙමලෙන් මල; මල්ලිගායි-පූ -> මල්ලිහෙ-පූ -> මල්ලියප්පුව වුනා කියලා තමයි ගැමියො කියන්නේ. මේ එක ගමක් තියෙන්නෙ තලවකැලේ. බ්ලොග් කට්ටිය ලඟදි තලවකැලේ ගියා නේද? දන්න කෙනෙක් ඉන්නවා නම් අහලා බලන්න.
මගේ උදාහරනේ ගත්තේ මල් සහ ගමේ නම අතර සම්බන්ධය කියන්න නොවේ. මම මේ උදාහරනෙ ගත්තෙ -මඩු -මඩුව වීම -ප්පු -ප්පුව වීම වගේ බව පෙන්වන්නයි. තව උදාහරන උඩප්පුව, පදිරිප්පුව වගේ ඒවාත් තියෙනවා. ඒවායේ දෙමල නම උඩප්පු සහ පදිරිප්පු. කටවහර අනුව -මඩු, -ප්පු වැනි "-උ" ශබ්දයෙන් කෙලවර වන දෙමල ග්‍රාමනාම සාමාන්‍යයෙන් "-ව" ලෙස සිංහලෙන් කටවහරට එකතුවන බව කියන්නයි. (මේක මහා අරුමයක් නොවෙයි. දෙමල "කිලිනොච්චි" සිංහලෙන් "කිලිනොච්චිය" වන්නේත් මේ විදියටයි )
- Dimithri
හරිම වැදගත් ලිපියක්...
ReplyDeleteබොහොම ස්තූතියි අ.තා
Deleteහොද විස්තරයක් ඉයන්... නොදන්න දේවල් ගොඩයි
ReplyDeleteබොහොම ස්තූතියි සබරේ
Deleteබෙදුම්වාදයේ ආරම්භය ගැන දැනුවත් කලාට ස්තුතියි...
ReplyDeleteඉතිර දේවල් අඩු වැඩි වශයෙන් අසා, කියවා තියෙනවා...
බොහොම ස්තූතියි ලොක්කා
Deletebedhumwaadhaya pilibandhawa virala karunu adangu watina lipiyak,
Deleteesthuthi Ian.....
ස්තූතියි සෙනරත්
Delete/ ඔවුන් විසින් කළයි විශ්වාස කරන සමහර ක්‍රියාමාර්ග කිහිපයක් නම්: /
ReplyDeleteමෙතනට එනකල් ලිපිය අනර්ඝයි.
ඊලඟ කොටසෙදි ඉයන් ඔය විස්වාස කරන කතා අතෑරල ලියන්න ප්ලීස්...:)
ස්තූතියි රවී
Delete///ඊලඟ කොටසෙදි ඉයන් ඔය විස්වාස කරන කතා අතෑරල ලියන්න ප්ලීස්...:)///
Deleteඒ උපදේශය රවී අයියත් අනුගමනය කලොත් ලියන දේවල් වලින් බාගයක්ම නොලිය ඉන්න වෙයි... ;)
ඔය වචන සෙට් එක නිතරම ටීවී රේඩියෝ වල ඇහුනට මේ වගේ පැහැදිලිකිරීමක් ලැබිලා නෑ. ස්තුතියී ඉයන්...
ReplyDeleteස්තූතියි කැමෝ
Deleteඉයන් ගේ ලිපිය මගින් කිහිප දෙනෙකු යමක් ඉගෙන ගෙන තිබීම ඉතා වැදගත් දෙයක්. නමුත් ඒ ප්‍රකාශවලින් මට ඇතිවුණු මූලිකම ප්රශ්නය නම් අප බොහෝ දෙනෙකු මිනිසා නම් සත්වයා ගේ හැසිරීම ගැන පැහැදිළි අදහසකින් සිට නැති බවයි.
ReplyDeleteමා දන්නා පරිදි නම්, මිනිසුන්වන අප හැම විටම ගෝත්‍රික චර්යා පෙන්වන, එක සමාන අය එකට එකතු වී එකට ජීවත් වීම මුල් කොට සළකන, සත්ත්ව විශේෂයක්. මිනිස් ඉතිහාසය පුරා සටන් යුද්ධ ඇති වී තියෙන්නේ ඒ පදනම මතයි.
ඉතින්, දෙමළ ජනතාවට ඉන්දියාවේ හෝ ලංකාවේ තමන්ගේ වපසරියේ තමන්ම පාලනය වෙමින් ජීවත්වීමට අවශ්‍යතාවයක් 1983 දී හෝ 1959 දී හෝ ඊට පෙර නිශ්විත දිනයක දී හෝ ඇතිවූවාය කියා විශ්වාස කිරීම විහිළුවක් පමණයි.
එය දෙමළ ජනතාවට හෝ පකිස්ථානු ජනතාවට හෝ ඒ ඒ කාලවකවානුවලට හෝ සීමා වූ දෙයක් නොවෙයි. පොදු මිනිස් සත්ව අවශ්‍යතාවක්.
දුටුගැමුණු, වලගම්බාහු, කීර්ති විජයබාහු, විමළධර්මසූරිය සටන් කළේත් ඒ වෙනුවෙනුයි!
ස්තූතියි රසික
Deleteෆුලි ඇග්‍රීඩ් රසික.
ReplyDeleteසිංහල බෞද්ධයා, තම මූලාරම්භය ලෙස මෙතෙක් කල් දරා සිටි මහාවංශ මූලය අතහැර රාවනා මූලයන් සොයයෑමේ ප්‍රවනතාවයත් මීට සම්බන්ධයි මම හිතන්නේ. "දෙමලා ආවෙ පස්සෙ, හෙලයන් මෙහි ඊට ගොඩක් කල් සිට මෙහි සිටියා" යන්න කියන්න පුලුවන් නම් ඉතා වාසි සහගතයි.
තවත් විදියක කියවීමක් සඳහා..."දෙමළාට දෙමළ වීම නිසාම තිබෙන ප්රශ්නය"
https://demalageprashnaya.wordpress.com/
- Dimithri
ස්තූතියි ඇනෝ
Deleteඉතා අගනා ලිපියක් ඉයන්. මේ සමග කියවන්න වටිනවා කවුද කොටියා කියන පොතත්. අපි ජාතිවාදී නැහැ. හැම මිනිහම මේ රටේ ඉන්න ඕනේ. නමුත් කෑලි කඩලා ඉල්ලන්නේ නැතුව. මීට පෙර මේ තොරතුරු කියවා තිබුනේ නැහැ. ඔබට බොහොම ස්තුතියි.
ReplyDeleteකොයි මිනිහත් තමන්ගේ ජාතියට ආදරය කිරීම වරදක් නෙවෙයි.
එකඟයි විචා. හරියටම හරි
Deleteමේ ගැන හොඳ විස්තරයක් තියනව "ප්‍රබාකරන්, ඔහුගේ සීයලා බාප්පලා" වගේ නමක් තියන පොතක ... කියවන්ඩ වටින පොතක් ......
ReplyDeleteස්තූතියි මචං
Deleteරාමසාමි ගැන දන හිටියේ ඉන්දිද්‍යා නිදහස් සටනේ පොරක් හැටියට මිසක් දෙමල බෙදුම් වාදියෙක් හැටියට කියල නෙමෙයි.
ReplyDelete// උසස් පෙළ විභාගයේදී උතුරේ දමිළ විභාග අපේක්ෂකයින්ට පිලිතුරු සැපයීමේදී උදව් කිරීම සහ උත්තර පත්තර ලකුණු කිරීමේදී වැඩි ලකුණු ලබා දීම සහ එමඟින් විශ්ව විද්‍යාලවලට තේරෙන දමිළ සිසුන් සංඛ්‍යාව අසාධාරණ ලෙස වැඩි කර ගැනීම// මාත් ඒ කලේ මේක විශ්වාස කලා. සිරිල් මැතිව් වැඩේ ඇද්ද කාලේ. පත්‍රිකා පවා බෙදුව. හැබැයි පස්සේ කලෙක හිතුවා ඕක බොරුවක් කියල. දෙමල ජාතික ගුරුවරු හුඟක් සාධාරණව ක්‍රියා කලේ.
බොහොම ස්තූතියි අජිත්. ජාතික පාසැල් වල ශ්‍රේශ්ඨ දමිල ගුරු වරු ගැන මටත් අත්දැකීම් තියෙනවා.
Deleteනොකියන කතාවක්.නමුත් කියමි.
ReplyDeleteගස්ලබ්බා ඕලෙවල් ලියනකොට තාක්ශණික විශය ඉලෙක්ට්‍රොනික්.ලියන ටික පැයකින් විතර ලිව්වා.S හෝ C මට්ටමේ.ගස්ලබ්බට පිටුපසින් හිටියෙ තද බ්‍රයිටෙක්.පොර තමා අයිලන්ඩ් ෆස්ට් උනේ.අපි හිටියෙ බිත්තිය අයිනෙ පිටිපස්සෙ.ගස්ලබ්බ බිත්තියට පිට දීල අරූගෙ පේපරේ කොපි කරා.. ආයෙ වට පිට නොබලා බස බස ගාල ලිව්වා.හැරිල බලනකොට අනික ගස්ලබ්බගෙන් බලනවා.. උට ඉස්සරහ එකා උගෙන්... මෙහෙම මුළු පංති කාමරයම ගොඩ.ඔක්කොටොම C සහ පමණයි.
අපිට පරීක්ශක වරුන්ගේ අනුකම්පාව ලැබුනා.
මේ ඒ ලෙවල් කාලෙ.
අපට වගේ නෙමෙයි බයෝ සැට් එකට බහුවරණම තුනක්. එක පංති කාමරයක හිටියා අයිලන්ඩ් දහයෙන් උඩ හිටපු තුන් දෙනෙක්ම.ඒ පංති කාමරයේ හිටපු අනික් උන් බහුතරයක් අපි වගේම මැට්ටො.නමුත් තුන් දෙනෙක් ඇරෙන්න අනිත් ඔක්කොගෙම අවම රිසාල්ට් එක C3.අර මීටර් බහුවරණ උත්තර ටික පොඩියට ලියල පාස් කරලා.අන්තිමට හිටපු එකෙක් උත්තර වෙනස් කරලා ඒ නිසා එතනින් ඉස්සරහ හිටපු 3ක් පේල්.
මේක වෙලා තියෙන්නෙ හොරෙන්.අපි දැනගත්තෙත් පස්සෙ.
මේ සිද්ධි සාමාන්‍යෙන් විභාග වලදි දැන් වෙනවා.ඉතින් දැඩි ජාතිවාදී හැඟීම් ඇති මහ පිරිස් ඉන්න ප්‍රදේශයක විභාග වංචා සරළ සිදුවීම්.
බොහොම ස්තූතියි ගස්
Deleteඉතාම වටිනා ලිපියක් ඉයන්! බොහෝ කරුණු දැනගතිමි. ස්තූත්යි ඔබට!
ReplyDelete