Wednesday, August 16, 2017

විදේශ ඇමති ලෙස මාරපන පත් කිරීම යහපාලන ගොන්පාට් එකක් වන්නේ ඇයි?






ඉල්ලා අස්වූ හිටපු විදේශ ඇමති රවි කරුණානායක වෙනුවට තිලක් මාරපන පත්කිරීම යහපාලන රජයකට නොගැලපෙන හේතු කිහිපයක් මේ.

1. කලින් කිසියම් හේතුවකට (අවන්ත්ගාඩ් සිද්ධියට අදාලව ) ඉල්ලා අස්වූ කෙනෙක් මෙම තනතුරට පත්කිරීම නොසුදුසු නිසා. මෙය ඉල්ලා අස්වීම ඊලඟ පුරප්පාඩුව ඇතිවන තෙක් යන අදහස සමාජයට දෙයි.

2. චෝදනා එල්ලවූ නිසා හිටපු විදේශ ඇමති ඉල්ලා අස්වීමේ හොඳ ප්‍රවණතාවය මෙම පත්කිරීමෙන් වටිනාකමින් බාල වන නිසා.

3. විදේශ ඇමති තනතුරට අදාලව කිසිම විශේශ සුදුසුකමක් මාරපන මහතාට නැති නිසා.

4. අනාගත රාජ්‍ය නායකයෙකු පුහුණු වීමට හොඳම තනතුරක් වන විදේශ ඇමති ධුරයට පක්ෂයක නායකත්වයට හෝ රටක නායකත්වයට පත්වීමට දේශපාලන ගමනක යාමට හැකි වයසක මාරපන මහතා නොසිටින නිසා.

5. රටක විදේශ ආමත්‍ය ධුරය රටේ ජාත්‍යන්තර පිළිගැනීම්ට හෝ ආර්ථික වාසියට යොදාගැනීමට හැකි තත්ත්වයේ සුදුසුකම් හෝ හැකියාවන් මාරපන මහතාට නැති නිසා.  

6. අභාවප්‍රාප්ත ලක්ෂ්මන් කදිරගාමර් හෝ ජයන්ත ධනපාල වැනි  අයට තිබූ /ඇති ජාත්‍යන්තර පිළිගැනීමක් මාරපන මහතාට නැති නිසා.

7. මහින්ද සමරසිංහ හෝ ආචාර්‍ය හර්ෂ ද සිල්වා වැනි මේ තනතුරට සුදුස්සන් පක්ෂ දෙකේම ඇති නිසා.


මෙම පත්කිරීම කිසිසේත්ම සුදුසු නැති බව මගේ පෞද්ගලික හැඟීමයි. ඔබගේ අදහස දැන ගැනීමට කැමතියි.



මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

Monday, August 14, 2017

මිනිසුන්ගේ වෙනස්කම් වටහාගෙන අන්‍යවශ්‍ය ද්වේශයෙන් මිදෙන්න

No to Anger

කලින් පෝස්ට් එකේ පෞරුෂ විශමයන් හෝ විකෘති ගැන තිබ්බ දේවල් ගැන යම් වටහා ගැනීමක් ලැබෙන්න ඇති. ඒ ගැන වැඩි දුර කියවන්න හෝ විස්තර සොයාගන්න හිතුනනම් එමඟින් අපි හැමෝටම ඇති එම විශමතාවලින් තමන්ගේ සහ අන් අයගේ හැසිරීම් ක්‍රියා සහ පැහැරහැරීම් ගැන අවබෝධයක් ලැබෙන්න ඇති. ද්වේශය ගැන ලියන්න හදපු ඒ පෝස්ට් එකට වැඩි විස්තර යොදන්න ගිහිල්ල ප්‍රධාන මාතෘකාව යට ගියා කියල හිතෙන නිසා ඒ ගැන යමක් කීමටයි මේ පෝස්ට් එක.

Thursday, August 10, 2017

කෝදු, මිණුම් දඬු, ද්වේශය සහ පෞරුෂ විකෘති

වෙනස් හැඟීම් දක්වන එකම පුද්ගලයෙක්

කෝදු තියෙන්නේ මණින්න. අඩි කෝදුවේ අඟල් දොලහයි. සෙන්ටි මීටර් නම් 30 ක් විතර නේද? (සුවර් නැත). එතකොට අඟල්ද සෙන්ටි මීටර්ද කියන එක නොසලකා අඟල් 6 ක දිගක් මැනල එක්කෙනෙක් 6 කියල කිව්වොත් සහ අනික් එක්කෙනා 15 යි කියල කිව්වොත් 6 සහ 15 කියන්නෙ මොනවයින්ද කියල හොයල බලල ප්‍රශ්ණය විසඳගන්න පුළුවන්.

ලෝකේ ඕනෑම දෙයක් මණින්න ඔහොම මිණුම් දණ්ඩක් තියෙනව නම් මිනිස්සුන්ව තේරුම් ගන්න එක, ඒ අයගේ හැඟීම්, සහ තේරුම් ගන්න එක බොහොම පහසු වෙන්න තිබ්බා. ඇත්ත තත්ත්වය ඒක නෙවෙයි. උදාහරණයකට දරුවන් සමඟ තිබෙන සම්බන්ධය ඔවුන්ව ඇති දැඩි කරන විදිහ එක පවුලකින් තව එකකට වෙනස් වෙන්න පුළුවන්. තව කෙනෙක් දරුවන් හදන විදිහ හරිද වැරදිද කියල සමහර අය කියන්නෙ මොන මිණුම් දණ්ඩෙන් මැනලද?  ඔව්. බොහොම අවස්ථාවල 'මෙහෙමයි ඒක වෙන්න ඕන' කියල අපි හිතන මිණුම් දණ්ඩෙන් මැනල. මේ වගේ මිණුම් දඬු නැති ප්‍රශ්ණය ප්‍රශ්ණ ඇති කරන තවත් අවස්ථාවක් තමයි අපේ මානුෂීය සම්බන්ධතා. යාළුවො අතර නම් අපේ මිණුම් දණ්ඩෙන් හරි යයි සිතන දේවලට වෙනස් දේවල් කරන යාළුවන්ගෙන් අයින් වෙන්න ලේසියි. අඹු සැමි සම්බන්ධතාවල නම් ඒක ලොකු ප්‍රශ්ණ ඇති කරන්න පුළුවන්. නෑදෑයන්ට උදව් කිරීමේදී, අසරණ අයට උදව් කිරීමේදී, දෙදෙනාගේම නොවන මිතුරන් ආශ්‍රය කිරීමේදී, ගෙදර වැඩපල බෙදා ගැනීමේදී, දරුවන් ඇති දැඩි කරන විදිහ තීරණය වීමේදී, දරුවන් සම්බන්ධ වෙන පෙම්වතුන්/පෙම්වතියන් ගැන ආදී වශයෙන් විශාල පරාසයක දේවල් වල අදහස් නොගැලපීම් කියල අපි වර්ගීකරණය කරන්නේ මේ මිණුම් දඬුවල තිබෙන වෙනස.

බඹා කෙටූ හැටි නැත්නම් දෙවියන් එක් කල දෙදෙනෙක් වගේ බණ කිව්වත් විවාහය කියන්නෙ බාහිර හේතු නිසා මිනිසා විසින් කෘතිමව හදා ගත්තු දෙයක්. ඒවගේ සම්බන්ධතා වැඩි දෙනෙකුට තියෙන නිසා සහ තවත් බොහෝ අය අනාගතයේදී ඒ වලේ වැටෙන නිසා මේ මිණුම් දඬු ගැන තේරුම් ගැනීම වැදගත්. දේශපාලකයින්, අපි සමඟ එකට වැඩ කරන අය එහෙම නැත්නම් අපේ ප්‍රධානියා වැනි අය කියන, කරන හැසිරෙන විදිය ගැන තේරුම් ගන්න අපහසුවක් දැනී තිබෙනවා නම් ඒ ගැනත් කියන්න තියෙන්නේ තම සහකාරිය/ සහකාරයා ගැන කියපු දේමයි. ඔවුන්ගේ හැසිරීම ඔබට තරහවක් ඇති කරනවනම් ඒ අයගේ වෙනම් කම් ගැන තේරුම් ගත්තොත් ඔවුන්ව වටහාගන්න පහසු වෙයි.

මිණුම් දඬු වෙනස් වීම නිසා ඇතිවෙන අවසාන ප්‍රතිඵලය තමයි ද්වේශය. අපි හරි යැයි විස්වාශ කරන දෙයට වෙනස් දෙයක් ස්වාමියා, බිරිඳ, බොස්, එකට වැඩ කරන අය කරකොට අපිට ඒ ගැන තරහවක් හෝ ක්‍රෝධයක් ඇතිවෙනවා. ඒ ගොල්ලෝ කරන්නේ ඒගොල්ලෝ හරි යැයි හිතන දේ මිස මම හරි යැයි හිතන දේ නෙවෙයි කියල තේරුම් ගන්න එක කල යුතුයි. ද්වේශය කියන්නේ අපේ ජීවිතය එහෙම පිටින්ම කුණු ගොඩක් කරන්න පුළුවන් දෙයක්. බුදු දහමට අනුව සංසාරයම අච්චාරුවක් කරන්න පුළුවන් දෙයක්. ඒක නිසා මේ ද්වේශය වැඩි පුරම ඇතිකරන හැමටම පොදු සම්මත නැති එකිනෙකාට වෙනස් වෙන්න පුළුවන් මිණුම් දඬු ගැන සිතීම, වටහා ගැනීමට උත්සාහ කිරීම හැමෝටම බොහොම යහපතක් වෙන දෙයක් වේවි.  

අපි එක් එක්කෙනාගේ වෙනස් වූ හැසිරීම් රටාවල් වලට බලපාන පෞරුෂ විකෘති

කිසිම වෛද්‍ය විද්‍යා අධ්‍යාපනයක් නැති මගේ මතය නම් පුද්ගලයන්ගේ උපතින්. පවුල් වටපිටාවෙන්, සමාජයෙන්, සහ අත්දැකීම් නිසා ඇතිවෙන පෞරුෂ විකෘති එක් එක් අයගේ මිණුම් දඬු හෝ අපි හරි යැයි හිතන විදිහ හැදෙන්න බලපානව කියන එක. මේ පෞරුෂ විකෘති ජාතිත් කීපයක් තියෙනව. අපි හැමෝටම ඒවයින් පොඩ්ඩ පොඩ්ඩ තියෙන්න පුළුවන්.  ඒ කියන්නේ අපි හැමෝටම මේවයින් කීපයක් 10% හෝ 30% ආදී වශයෙන් තිබෙන්න පුළුවන්. එලෙස අඩු වශයෙන් පවතික පෞරුෂ විකෘති වලින් අපිට හෝ අන් අයට වෙන හානිය ටිකක් අඩු වුණත් කාටහරි මොකක් හරි එක විකෘතියක් හෝ දෙකක් වැඩිපුර තියෙනවනම් තමයි ඒක අන් අයට හෝ අපිටම කරදරයක් හෝ හිරිහැරයක් වෙන තත්ත්වෙකට බලපාන්නේ. ඒ ගැන වටහා ගැනීමෙන් පසු ඊලඟට වටහා ගන්න තියෙන දේ තමයි සමහර පෞරුෂ විකෘතීන් ඖෂධ භාවිතයෙන් තාවකාලික යටපත් කරන්න හැකියාවක් තිබුණත් ඒවා සම්පූර්ණයෙන්ම හොඳවීමක් නැහැ කියන එකයි. (මේ ගැන දන්නා වෛද්‍යවයෙකුගේ නිවැරදි කිරීමට යටත්ව)

අපි වටහා ගත යුතු අනික් වැදගත්ම දේ තමයි මේ පෞරුෂ විකෘති වලින් සමහරකින් පෙලෙන අය කිසිම අවස්ථාවක ඔවුන් එසේ විකෘතියකින් පෙලෙනවා යැයි විශ්වාස නොකිරීම සහ ඒ බව ඔවුන්ට ඒත්තු ගැන්වීමේ නොහැකියාව. ඒවගේම සමහර විකෘති තිබෙන අයට ඒවා තිබෙනවා යන්න කවදාවත් තේරුම් යන්නේ නැහැ. එය දැනගන්නේ මේවා ගැන දැනුවත් වී ඇති ඔවුන්ව ආශ්‍රය කරන අයටයි.

ඒ නිසා බොහෝ විට ඖෂධ මඟින් තාවකාලිකව යටපත් කරගැනීමට පෙළඹෙන්නේ තමන් යම් පෞරුෂ විකෘතියකින් පෙලෙනවායැයි තමන්ම තේරුම් ගන්නා සුළු ප්‍රමාණයක් විතරයි.  ඒ නිසා තමන්ගේම ප්‍රයෝජනයට මේවා ගැන අවබෝධයක් ලබා ගන්න එක වැදගත් වුණත් මේවා යොදාගනිමින් ඔබ දන්නා අයට රෝග විනිශ්චය දෙන්නවත් ඔවුන්ව පහත් කර සලකන්නවත් පාච්චල් කිරීමටවත් භාවිතා කිරීම නම් කල හැක්කේ මහා මෝඩයෙකුටම පමණයි. එයට එක හේතුවක් වන්නේ අපි හැමෝටම මෙවා අඩු වැඩි වශයෙන් තිබීමත් ඒවා වැඩිපුර තියෙන අය ඉන්නවා නම් ඒවා ඔවුන් තම කැමැත්තෙන් ඇතිකරගත් ඒවා නොවීමත් නිසාමයි. මේ ගැන අවබෝධයක් ලබාගත්තායින් පසුව ඔබ දන්නා අයකුට එවන් විකෘතිතාවයක් තිබෙනවා යැයි ඔබ සිතනවානම් ඔවුන්ව මානසික වෛද්‍යවරයෙක් වෙත යාමට එකඟකරවාගෙන ඒ ගැන ක්‍රියා කිරීම නම් එම තැනැත්තාටත් ඔබටත් කරගත හැකි ලොකු සේවයක්.

හැසිරීම් ගැන යම් නීති රීති පද්ධතියක් තිබෙන පාසැලේ සහ පවුලේ හැදී වැඩී සමාජයට ඇතුල් වන විට මේවා ගැන අවබෝධයක් නැති කම නිසා තරුණ අය බොහෝ විට සමාජය සමඟ හෝ පුද්ගලයන් සමඟ ප්‍රශ්ණ ඇතිකර ගන්නවා. ඇත්තටම විවිධ පෞරුෂ විකෘතිතා ගැන පාසැල් කාලයේදීම හැඳින්වීමක් වත් දරුවන්ට ලැබෙනවානම් ඒ අයට සමාජයේ හමුවන අයව තේරුම් ගන්න පහසුවෙනවා. ඔබට තරුණ වයසේ දරුවන් සිටිනවානම් මේවා ගැන ඔවුන් දැනුවත් කිරීම ප්‍රයෝජනවත් වෙන්න පුළුවන්.  විශේශයෙන්ම විවාහයකට වැනි දේකට කුලය, නිලය, වත්කම හෝ පොරොන්ඳම් බලනවාටත් වඩා ඔවුන්ව අධ්‍යනය කරල ඔවුන් වෙන සමාජ වල හැසිරෙන ආකාරය ගැන  දන්න අයගෙන්  හොයාගෙන හරි විශාල පෞරුෂ විකෘති තියෙන අයව මඟහරින්න පුළුවන් නම් ඒකෙන් නම් යහපතක් වෙයි. 

පෞරුෂ විකෘතීන් ලැයිස්තුව

Paranoid Personality Disorder - අන් අයව සහ හැම දේම සැකකරන ස්වභාවය. වැරදීම් සහ පරාජයන් ගැන අධි සංවේදීතාවය, තරහවන් දීර්ඝ කාලයක් මතක තබා ගෙන ඒවා ගැන ක්‍රියා කිරීම, අන් අයගේ මිතුරු ක්‍රියාත් සතුරු දේවල් ලෙස සැක කිරීම, සමාජ සම්මතයින්ට එහා ගිය අයිතියක් තමන්ට ඇතැයි සිතීම, තමන්ගේ සහකරු /සහකාරියව සැක කිරීම, තන් ගැන ඇති අධිතක්සේරුව, තමන්ගේ ජීවිතයේ සහ අවට ලෝකයේ බොහෝ දේවල් කුමන්ත්‍රණ නිසා සිදුවන දේ යැයි සැක කිරීම.  

 Schizoid Personality Disorder- අන් අයට සහ සමාජයට අඩු ප්‍රතිචාර දැක්වීම, අන් අය ගැන ධනාත්මක හෝ ඍණාත්මක හැඟීම දැක්වීමේ නොහැකියාව, තනි වීමට ඇති කැමැත්ත, කිට්ටු මිතුරන් අඩුකම සහ එවන් මිතුදම් වලට ඇති අකමැත්ත, ප්‍රසංශාවට හෝ විවේචනයට සංවේදී නොවීම, සමාජ සම්මුතීන් නොසැලකා හැරීම, තමන් ගැනම හෝ මනඃකල්පිත දේවල් ගැන ඇති දැඩි උනන්දුව. 

Schizotypal Personality Disorder - අවස්ථාවට නොගැලපෙන හැසිරීම් හෝ ඒ ගැන නොතැකීම, අසම්මත හෝ සම්ප්‍රදායට නොගැලපෙන හැසිරීම්, අන් අය සමඟ ඇති අඩු සම්බන්ධතා, මැජික් හෝ ආශ්චර්‍යයන් ගැන ඇති විශ්වාසය, සැක කරන ස්වභාවය, තේරුම් ගත නොහැකි සිතිවිලි සහ තේරුම් ගැනීමකින් තොරවූ අධිවිස්තරාත්මක සහ සකේතාත්මක කථාව, බාහිර උත්තේජනයකින් තොරව ඉඳහිට දැනෙන හෝ පෙනෙන මායා සහ අභූත ශබ්ධ.

Antisocial Personality Disorder- සමාජ සම්මුතීන්ට සහ නීති වලට විරුද්ධව නිතර ක්‍රියා කිරීම, නිතර බොරු කීම සහ අන් අයව නොමඟ යැවීම, තම වාසිය හෝ සංතෝශය වෙනුවෙන් අනුන්ව නොමඟ යැවීම හෝ ගසා කෑම, හිතෙන හිතෙන දේ කිරීම හෙවත් ඉදිරිය සැලසුම් කිරීමට ඇති නොහැකියාව, ඉක්මණින් තරහ යාම ගුටි බැට හුවමාරුව, අන් අයගේ ආරක්ෂාව ගැන නොතැකීම, නිතර වගකීම් විරහිතව හැසිරීම සහ ස්ථාවර ක්‍රමයක් නොමැතිකම, ණය නොගෙවීම සහ මුදල්මය වගකීම් පැහැරහැරීම, තමා නිසා අන් අයට සිදුවන කරදර, පාඩු ගැන කිසිවක් නොතැකීම.    

Boarderline Personality Disorder- සත්‍ය හෝ මවාගත් තනි කිරීමක් 'වැලැක්වීමට' හෝ 'මුහුණදීමට' ඇති සූදානම, එකම දෙ ගැන අන්ත දෙකක සිට මත දැක්වීම, හදිසි හෝ භයානක හැසිරීම් රටා, යම් අවස්ථාවන්ට නොගැලපෙන හෝ අවශ්‍ය නොවන තරමට සංවේදීවීම හෝ ප්‍රතික්‍රියා කිරීම, ශක්තිමත් නොවන හෝ පිළිවෙලක් නොමැති මානුෂික සම්බන්ධතා, ස්වහානිකර හැසිරීම්, මෙයට සමගාමී අධික කෝපය, විශාධිය, බිය, සහ මත්ද්‍රව්‍ය අභාවිතය.

Histrionic Personality Disorder - ප්‍රදර්ශණකාමී හැසිරීම, නිතර අන් අයගේ අගය කිරීම හෝ අනුමත කිරීම බලාපොරොත්තුවීම, අන් අයගේ විවේචනයට ඇති  අධිසංවේදීතාවයක් දැක්වීම, තමන්ගේ පෞරුත්වය ගැන ඇති අධිවිශ්වාසය සහ වෙනස්වීමට ඇති අකමැත්ත, තන්ගේ ඇති ශාරීරික දුර්වලතාවයක් හෝ අංගවිකලතාවයක් අන් අයගේ අවධානය වැඩියෙන් ලබා ගැනීම සඳහා අභාවිත කිරීම, අන් අයගේ අවධානය ලබා ගැනීමට නිතර උත්සාහ කිරීම, බලාපොරොත්තු කඩවීම හෝ පිළිගැනීම ප්‍රමාද වීම් පිළිගැනීමට අපහසු වීම, තමන්ගේ මානුෂික සම්බන්ධතා තිබෙනවාට වඩා තීව්‍ර ඒවා බව විස්වාස කිරීම, හදිසි තීරණ ගැනීම, තමන්ගේ පරාජයන් හෝ බලාපොරොත්තු කඩවීම වල වැරැද්ද අනුන්ට පැටවීම, තමන්ව මුරුංගා අත්තේ තබන අයගේ අදහස් වලට එකඟවීම.

Narcissistic Personality Disorder - තමන්ගේ ඇති සහ ඇති යැයි ඔවුන්  සිතන හැකියාවන්, දක්ෂතා නිසා තමන් අන් අයට වඩා ශ්‍රේෂ්ඨ යැයි ඇති විස්වාසය, තමන්ගේ බලය ජයග්‍රහණ, ඥාණවන්ත බව, ශාරීරික පෙනුම ආදිය ගැන ඇති විශාල අයුතු අධිතක්සේරුව, තමන් විශේෂිත පුද්ගලයෙකු අන් අයට වඩා ඉහලින් සිටින තැනැත්තෙකු, සමාජයේ ඉහලම අය සහ ඉහලම ස්ථර සමඟ හැසිරෙන්නෙකු, යැයි ඇති අයුතු විශ්වාසය, අන් අයගේ ගෞරවය නිතර අපේක්ෂා කිරීම, සමාජයේ සහ ඇසුරු කරන්නගෙන් විශේෂිත සැලකිලි බලාපොරොත්තුවීම, තමන්ගේ අරමුණු මුදුන්පත් කරගැනීමට අන් අයව සූරා කෑම, අන් අයගේ අවශ්‍යතා, හැඟීම, බලාපොරොත්තු ගැන තේරුම් ගැනීමට ඇති නොහැකියාව, අන් අය ගැන ඇති දැවෙන ඉරිසියාව සහ අන් අයද තමන්ට ඉරිසියා කරතැයි විස්වාස කිරීම, උත්කර්ෂවත්කමක් සහ උඩඟුබවක් පෙන්වන හැසිරීම් රටා. 

Avoidant Personality Disorder - විවේචනය සහ ප්‍රතික්ෂේපවීම ගැන ඇති අධි සංවේදීතාවය, සමාජයෙන් තනිවීම තමාම සකස්කරගැනීම, අන් පුද්ගලයන් සමඟ කිට්ටු ආශ්‍රයක් බලාපොරොත්තු වූවත් සමාජය සමඟ ගැටීමේදී දක්වන බිය සහ අධික ලැජ්ජාශීලී බව, වේදනාකාරී හෝ අප්‍රසන්න අත්දැකීම් නිසා ශාරීරික සම්බන්ධතා මඟහැරීම, තමන් ගැන සෑහීමකට පත්නොවීම, ආත්ම විශ්වාසයේ විශාල අඩුවක් හෝ නැතිවීම, තමන්ට ශාරීරික හානියක් කරගැනීමට සිතීම, අන් අයව අවිස්වාශ කිරීම, තමන්ගේ පෙනුම ආදිය ගැන නිතර බියෙන් සිතීම සහ කරදරවීම, අන් අය සමඟ වන ගැටුම් වලදී තමන්ට වරද පටවා ගැනීම,  අන් අය ඔවුන්ගේ ආශ්‍රය ප්‍රියකලත් තමන් තනිවූ අයකු යැයි සිතීම, ඇත්ත තත්වයෙන් මිදීම සඳහා මායකාරී සිතිවිලි වල නිමග්න වීම. 

 Dependent Personality Disorder- අඩුම තරමින් මේ දේවලින් හතරක් ඇති අය. 1. තමන්ගේ ජීවිතයේ වැදග්ත්ම තීරණ ගැනීමට අන් අයට පැවරීම, 2. තමන්ගේ වුවමනා එපාකම් නොව තමන් රඳාපවතින අයගේ බලපෑම සහ ඕනෑ එපාකම් වලට මුල්තැන දීම, 3. අත්‍යවශ්‍යම දෙයක් වුණත් අන් අයකුගෙන් යමක් ඉල්ලා සිටීමට ඇති නොහැකියාව, 4. තමන්ගේ අවශ්‍යතාවයන් ඉටුකර ගැනීමට නොහැකිවේ යැයි සිතා තනි වීමට ඇති අස්ථාන බිය, 5. තමන් රඳාපවතින අය තමන්ව හැරදා යෑමක් ගැන ඇත් අස්ථාන බිය සහ එසේ වුවහොත් තමන්ගේ අවශ්‍යතා තනිවම සිදුකරගැනීමට සිදුවේ යැයි බිය වීම, 6. අන් අයගේ උපදේශ හෝ සහතික කිරීම නොමැතිව එදිනෙදා තීරණ වත් ගැනීමට ඇති අඩු හැකියාව.

Obsessive-compulsive Disorder - යමක් කිරීමේදී එම කාර්‍යයේ අවසාන අරමුණට වඩා එය කිරීම සඳහා අදාල නීති, සිරිත් විරිත්, ලැයිස්තු සහ සංවිධානයට මුල්තැන දීම, යම් කාර්‍යයක් අවසාන කිරීමට වඩා තමන්ගේ ඉහල ප්‍රමිති සහ එය හොඳින්ම කිරීමට මුල්තැන දීම, විවේකය සහ සතුටුවීම සම්පූර්ණයෙන්ම අමතක කර වැඩ සඳහා පමණක්ම යෙදීම, සිරිත් විරිත් පුරුදු ආදියෙන් යම්තරමක් හෝ බැහැරවීම ප්‍රතික්ෂේප කරමින් සැම දෙයක් ගැනම දැඩි ප්‍රතිපත්තියක් අනුගමනය කිරීම, පරණවූ සහ දැන් ප්‍රයෝජනයක් නැති  දේවල් බැහැර කිරීමට නොහැකිවීම, තමන් කියන පරිදිම හෝ බලාපොරොත්තු වන පරිදිම යමක් සිදුවන බවට 100% ක විශ්වාසයක් නැත්නම් අන් අය ලවා එම කාර්‍ය කරගැනීමට පසුබටවීම, මුදල් යනු අඩුම තරමින් වියදම් කොට සියල්ලම පාහේ අනාගත ව්‍යසනයකට ඉතුරු කරගත යුතු දෙයක් යැයි සිතීම. අධික මුරණ්ඩු බව.

මේකේ තියෙන්නේ මේ විකෘති ගැන ඉතා කුඩා සාරාංශයක් පමණයි. දී ඇති ලින්ක් හරහා යාමෙන් විකිපීඩියා වලින් එක් එක් විකෘතිය ගැන දීර්ඝ විස්තර දැනගන්න පුළුවන්.

ඔබට හෝ ඔබ හොඳින්ම දන්නා කෙනෙකුට  මෙවන් පෞරුෂ විකෘති අඩු වැඩි වශයෙන් හෝ තිබෙනවාදැයි දැන ගැනීමට අන්තර්ජාලයේ කල හැකි ප්‍රශ්ණ උත්තර සයිට් තිබෙනවා. personality disorder test යන වචන ටික සර්ච් කරලා එකක් හොයාගන්න පුළුවන්. අර තමන්ගේ නීතීඥයාට හෝ වෛද්‍යවරයාට බොරු කරන්න එපා කියන්න වගේ ඒ අහන ප්‍රශ්ණ වලට සත්‍ය වශයෙන්ම උත්තර දුන්නොත් තමයි තරම්ක් හරි නිගමනයක් ගන්න පුළුවන්.  ඒවායින් දල අදහසක් ගන්නවා විනා ඒ ගැන ස්ථීර දෙයක් දැන ගැනීමට හෝ රෝග විනිශ්චයකට නම් ඒ ගැන පළපුරුදු මානසික වෛද්‍යවරයෙක් සමඟ සාකච්චා කිරීම තමයි කළයුතු හොඳම දෙය.





මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

Wednesday, August 9, 2017

ලෝකයේ හොඳම විශ්වවිද්‍යාලයට ඇතුළුවීම නොමිලේ


අජිත් පැරකුම් ජයසිංහයන් සමාජ ජාලා භාවිතය ගැන ලියපු ලිපියෙන් ඒ ගැන තව පැත්තක් ගැන ලියන්න හිතුණා. අන්තර්ජාලය නිසා සමාජයට ලැබිච්ච හොඳ දෙය තමයි දැනීම ලබා ගැනීම ඉතාමත් පහසු වීම. අද ලංකාවේ විශ්ව විද්‍යාල වල ප්‍රමිතිය, වර්ගීකරණය වැනි දේවල් ගැන කථා කරනකොට මට නම් හිතෙන්නේ ලෝකයේ තියෙන හොඳ විශ්ව විද්‍යාල දෙක තියෙන්නේ අන්තර්ජාලයේ කියලයි. ඒ දෙකම දැනීම දෙන්නේ නොමිලයේ.

Monday, August 7, 2017

බල්ලො හුකන්නයි අපි ගුටි කන්නයි

සංසර්ගයේ යෙදෙන සුනඛයන් දෙදෙනෙක්

යම් කිසි බ්ලොග් කරුවෙකු ගැන වෙබ් අඩවියක සඳහන් වුණු ප්‍රවෘත්තියක් ගැන විවිධ මත පළවෙමින් තිබේ. අනුන්ට පහර ගහන අයගේ මෙවලමක් වන ඇනෝ පැමිණ මාතලන්ගේ බ්ලොගයේ අදහස් දක්වන්නෙකු කියා ඇත්තේ එම ප්‍රවෘත්තිය මඩ ප්‍රවෘත්තියක් බවත් එය පළවීමට මමත් වගකිව යුතු බවත්ය.

Sunday, July 30, 2017

හම්බන්තොට උගුලෙන් රට ගැලවෙයි



විව්ධ විරෝධතා සහ වර්ජන මධ්‍යයේ හම්බන්තොට වරාය චීන සමාගමකට බදු දීම අද අත්සන් කරන ලදී. මෙය හුදෙක් වරායක් බදු දීමක්ද අතිශයින් අවාසි සහගත ව්‍යාපාර ගණුදෙනුවකින් ගැලවී දකුණේ සහ නැගෙනහිර පළාතේ විශාල සංවර්ධනයක් ඇති කිරීමේ මඟක් ද යන්න උපායමාර්ගික ඥාණයක් නැති අයට වටහා ගැනීමට අපහසු වී ඇත.

Saturday, July 29, 2017

නූතන සේනක බිබිලේ කරපු වැඩක්


දොස්තර රුවන් සන්නස්ගල ගැන පෝස්ට් එකක් දාල. දැන් මටනම් සන්නස්ගල කිවම මතක් වෙන්නේ මුණුපුරාගෙ හෙයා ස්ටයිල් එක කොපි කරගෙන නෙළුම් යායෙදි නිවේදිකාව රාජිත සේනාරත්නට නූතන සේනක බිබිලේ කිව්ව කියලා කෝචොක් දාපු නළුවාව. එයා කොච්චර වීරයෙක්ද කියනවනම් රාජිත උත්සවෙන් පිටවෙලා ගියායින් පස්සේ තමයි එහෙම කිව්වෙ.

මේ වගේ ළදරු විකටයින් ගැන කියන්න නෙමෙයි මේක. නූතන සේනක බිබිලේ කරපු වැඩක් ගැන කියන්න. ඒ ගැන මම ලියපු රාජිතට සන්නස්ගලක් ගහමු පෝස්ට් එකේ මම කිව්වා වගේ තව ලාංකික සමාගම් 23 කට රටට අවශ්‍ය ඖෂධ මේ රටේම නිපදවන්න සෞඛ්‍ය අමාත්‍යාංශයෙන්  අනුමැතිය දීල. ඒ ගැන පුවතක් මේ සුමානෙ ලංකාදීපෙ පළවුණා.



Thursday, July 27, 2017

මැදමූලන අතකොළු



තෙල් වර්ජනයේ ප්‍රධාන මෙහෙයවන්නා ලෙස පෙනී සිටිමින් හමුදා නිලධාරීන් ගේ ජීවිත බේරුණේ ඔවුන් යැවූ තෙල් නිසා යැයි කිවූ පුද්ගලයා කාගේ වහලෙක්ද යන්න මුහුණු පොතේ පළවූ ඉහත පින්තූරයෙන් හෙලිවී ඇත. 

රාජපක්ෂව ගොඩගනිමු



(ලංකා ඊ නිව්ස් -2017.ජුලි.25,  ප.ව‍‍‍‍.11.30) ඕනෑම නිෂ්පාදනයක යම් පමණක අපතයක් පිහිටීම ස්වභාවිකය. මනුෂ්‍ය උත්පත්තියේදීත් එය එසේමය. දේශපාලනයේ දී එය ඉහ වහා ගොස්ය. හේතුව යමක් කමක් කරගැනීමට දැනුමක් නැති අපත රාජයන් බහුතරයකගේ දිවිපැවැත්ම දේශපාලනය වීම නිසාය. 
අපතයන් යනු නූගතුන්මය යන්න නිවැරදි නොවේ. මන්ද පොත පත කට පාඩම් කර ඒවා විභාගයක දී ලියා සහතික ලබා ගත් අපතයන්ද සිටින බැවිනි. එයත් කළ නොහැකි අමනයන් අනෙකෙකු ලවා විභාග ලියවා තමුන්ට සහතික හිමිකර ගනිති. උදාහරණ නම් මහින්ද නාමල් ඩබලගේ නීති උපාධියන් ය.  
න්‍යාය ටොන් ගණන් වුවද ප්‍රායෝගික බව මංචාඩියක් වත් නැති  කට පාඩම් අපතයන්ට ජී. එල්. පීරිස්, දයාන් ජයතිලක, ප්‍රතිබා මහානාම හොඳම උදාහරණයන් ය. වරින්වර බිහිවන පාලක පාලිකාවන්ට අවනතව ලෞකික සුවය පැතූ මොහාන් සමරනායක, ආරියරත්න ඇතුගල ගේ නම් ද සඳහන් නොකළොත් අසාධාරණයකි. එමෙන්ම මළ භාෂාවන් වන පාලි, සංස්කෘත ආදිය පිළිබඳ උපාධි ලබා වත්මන් නවීන ලෝකයම පාලනය කළ හැකියයි උදම්වන චීවරධාරී අපතයන් ද ඇත. මැදගොඩ අභයතිස්ස ඊට හොඳ උදාහරණයකි. 

Wednesday, July 26, 2017

තෙල් වර්ජනයෙන් අඩපණ වූ රාජ්‍ය බලය ඩැහැගැණීමේ මෙහෙයුම

ගුවන් තොටුපොලට ඉන්ධන රැගෙන පිටත්වූ දුම් රිය මහජන අත්පොල්සන් මැදින් පිටත් වන ඡායාරූපයක් 


දොස්තරවරු, වරාය සේවකයන්, තෙල් සේවකයින්, තැපැල් සේවකයින්, විදුලි සේවකයින් යොදාගෙන මහජන ජීවිතය අපහසුවට පත්කරන වර්ජන රැල්ලක් ක්‍රියාත්මක කරමින් රජය අපහසුවට පත්කර බලය ඩැහැගැනීමට සමහරුන් ගෙනගිය වැඩ පිළිවෙලේ  ප්‍රධානතම  පියවරක් අද අසාර්ථක විය. මෙම වැඩ පිළිවෙලේ ප්‍රධානම අංගයක් වූයේ තෙල් වැඩ වර්ජනයයි. තෙල් බෙදා හැරීම අඩපණ වීමෙන් විදුලිය නිපදවීම, බස් සහ දුම්රිය  ධාවනය, ගුවන් යානා වලට ඉන්ධන සැපයීම ආදී ක්ශෙත්‍ර කිහිපයකටම බලපෑම් ඇතිකිරීමට මෙම පිරිස බලාපොරොත්තු වූහ. දොස්තර වර්ජනයේදී ඔවුන්ගේ සටන් කඩාකප්පල් කිරීමට ආණ්ඩුව ඉදිරිපත් නොවීම නිසා ඉතිරි වර්ජන වලටත් එය එසේම වෙනු ඇතැයි මොවුන් සිතූහ. ඔවුන්ගේ ඒ සැලැස්ම බල රහිත කරවමින් ඉන්ධන අංශය අත්‍යාවශ්‍ය සේවයක් කිරීමටත් ත්‍රිවිධ හමුදා ලවා තෙල් බෙදා හැරීමේ මර්මස්ථාන වල පාලනය කඩාකප්පල් කරුවන්ගෙන් බේරාගැනීමටත් ක්‍රියාත්මක වූ මෙහෙයුමෙන් කුමන්ත්‍රණ කරුවන් අනාථ විය.

Friday, July 7, 2017

පොල් මැල්ලුම් ෂාණරයේ කථා නිර්මාණ තරඟ ප්‍රතිඵල





තරඟයට සහභාගී වුණ රොමා, දුමී, තරිඳු සහ අරූට නැවතත් මගේ ස්තූතිය. තරඟයේ ගරු විනිශ්චයකාර රවී වීරසිංග මැතිතුමා එතුමාගේ තීන්දුව දන්වා තියෙනවා. තීන්දුව එතුමාගේ වචන වලින්ම පහල පලවෙනවා.

Monday, July 3, 2017

පොල්මැල්ලුම් ෂානරයේ 'ප්‍රබුද්ධ' කෙටිකථා


පොල් මැල්ලුම් කථා ලියන්න කරපු ආරාධනාව  දක්ෂයො  හතර දෙනෙක් භාර ගත්තට ඒ හතර දෙනාට මගේ ප්‍රණාමය පුද කරනවා. මේ ජාතියේ එකක් නොලිව්වත් එසේ ලියන්න ගිහින් හෝ කෙටි කථා කීපයක් ලියපු බ්ලොග් ලෝකයේ ප්‍රවීණයෙක් වන රසිකලොජි  ලියන රසික සූරියාරච්චි මහතාටත් මගේ ප්‍රණාමය. ඔහුගේ කෙටිකථාවල  නිතරම මේ ආරාධනාව ගැන කියල ලින්ක් කරල තිබුණ නිසා බොහෝ දෙනෙක් එතනින් ඇවිත් ඒ පෝස්ට් එක කියවලත් තිබ්බ. 

ආරාධනය පිළිගත් රචකයන්ගේ කථා වල ලින්ක් තමයි පහත දාල තියෙන්නෙ. නොකියවපු කෙනෙක් ඉන්නවනම් කරුණාකරල ගිහින් කියවල බලන්න. 










ඊලඟට තියෙන භාරදූර කාර්‍යය තියෙනේ නිදහස් සිතුවිලි ලියන තාපසතුමා නෑ මම කිව්වේ අපේ රවී වීරසිංහ ශ්‍රීමතාණන්ට තමයි. එතුමා තමයි මේ තරඟයේ විනිශ්චයකාර තුමා. එතුමාගෙන් ගෞරවයෙන් ඉල්ලා සිටිනවා මේ කථා වලින් පළමු, දෙවන සහ තුන්වන ස්ථාන තෝරලා දෙන ලෙස.  රවී වීරසිංහ ශ්‍රීමතාණන් තෝරාගන්නා හොඳම කථාවට රු. 15,000/=, දෙවන එකට 10,000/=, තුන් වෙනි එකට  රු. 5,000/=. තෑගි මුදල් ලබා දෙන්න පහසුවෙන්න තමන්ගේ බැංකු ගිනුම් විස්තරත් ඉක්මනටම ඊමේල් මඟින් ලබා දෙන ලෙස රචක මහත්මයන්ගෙන් ඉල්ලා සිටිනවා. 




මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

Tuesday, June 27, 2017

අන්තවාදයෙන් බුද්ධ ධර්මය ආරක්ෂා කරගත යුතුයි.


(ලංකා ඊ නිව්ස් -2017.ජුනි.27, පෙ.ව‍‍‍‍.5.00)  පැවිදි හෝ ගිහි වේවා තමා භාවිතා කරන වචනවලින් හෝ ක්‍රියාවෙන් බුදු දහම අන්තවාදී දහමක් බව ඔප්පු වීමට ඉඩ නොදිය යුතු බවත්, අන්තවාදයට බුද්ධ ධර්මය තුල ඉඩක් නැති අතර  ආගම් තුල අන්තවාදය පැතිරීමෙන් සිදුව ඇති හානිය අප දැක තිබෙන බවත් බටහිර ලෝකයේත් බුදු දහම පිළිබද උනන්දුවක් ඇති වී තිබෙන මේ අවස්ථාවේ අන්තවාදයෙන් බුද්ධ ධර්මය ආරක්ෂා කරගත යුතු බවත් අගමැති රනිල් වික්‍රමසිංහ මහතා පැවසීය. රටේ අගමැතිවරයාගේ මෙම ප්‍රකාශය වැදගත් වන්නේ අන්තවාදී ඥානසාර වැනි සිවුරුකරුවෙකුගේ හැසිරීම කුමක් වුවත් මතවාදය නිවැරදි යයි අස්ගිරි මහා නායක ඇතුළු දුරදිග නොපෙනෙන උන්නාන්සේලා විසින් ප්‍රකාශකරන පසුබිමක් තුලදීය. 
පසුගිය ජුනි මස 25 වන දින කළුතර බෝධිපරිශ්‍රයේ පැවති ශ්‍රී ලංකා අමරපුර මහා නිකායේ උපසම්පදා මහෝත්සවයට සහභාගි වෙමින් අග්‍රාමාත්‍ය රනිල් වික්‍රමසිංහ මහතා එසේ කී අතර එහිදී අගමැතිවරයා වැඩි දුරටත් මෙසේ පැවසීය.

රටක් දියුණු කිරීමට නම් වෛද්‍ය වෘත්තිය, සම සෞඛ්‍ය වෘත්තිය ආදීවෘත්තීන් දියුණු කළ යුතුයි

සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න මහතා

(GossipCLanka) රටක් දියුණු කිරීමට නම් වෛද්‍ය වෘත්තිය, සම සෞඛ්‍ය වෘත්තිය ආදීවෘත්තීන් දියුණු කළ යුතුයි.එතුළින් රට යම් ගුණාත්මක සහ ව්‍යුහාත්මක වෙනසක් කරා ගමන් කරනවා. 
1957 මේ සේවය ආරම්භ වුණේ ඖෂධවේදීන් 5 දෙනකුගෙන්. අද ඖෂධවේදීන් 1,500ක් දක්වා ප්‍රසාරණය වෙලා තියෙනවා. ඒ රටේ පිළිගැනීමත් සමඟම. වෛද්‍යවරු හිපොක්‍රටීස් දිව්රුම් අනුව වැඩ කරන්නේ. හිපොක්‍රටීස් පවා ඖෂධවේදියෙක්. අද මේ රටේ ඖෂධවේදීන් එදාටත් වඩා ඉහළ මට්ටමකට ගමන් කරල තියෙනවා. මොකද දැන් ඖෂධවේදී උපාධිධාරීන් බිහි වෙනවා. 2002 රජය යටතේ ඉඩම් අමාත්‍ය ධුරය දරන කාලයේ සම සෞඛ්‍ය සේවයේ මහා වැඩවර්ජනයක් තිබුණා. මම ඒ අවස්ථාවේ කැබිනට් අනුකාරක සභාව නියෝජනය කළා. ඔවුන් ප්‍රකාශ කළේ "රුපියල් ශතවලට සටන් කරලා වැඩක් නැහැ. වෘත්තීය සමානාත්මතාවක් ඇතිකර ගත යුතුයි කියලා

Friday, June 16, 2017

පොල් මැල්ලුම් ඡානරයේ කථාවක් ලියන්න පුළුවන්ද?

සම්බෝල කෙටීම

ඔය එක එක විකාර ලිව්වට මට කවදාවත් ප්‍රබුද්ධ කථා නම් ලියන්න කිසිම හැකියාවක් නැහැ. ඒ ඔය ප්‍රබුද්ධ කථා ලියන අයගේ තියෙන ලැටරල් තින්කින්ග් එක මට බැරි නිසා වෙන්න ඇති මට තියෙන්නේ ලීනියර් හිතන ක්‍රමයක්. ඕකෙන් ගැලවෙන්න හිත හිතා හිටපු කාලෙක  අපේ ප්‍රවීණ බ්ලොග්කාරිණියකගෙ ප්‍රබුද්ධ මොඩල් එකේ කථාවක් කියවල මෙහෙම අදහසක් ආවා. ඒ තමයි පොල් මැල්ලුම් ඡානරයේ කථා ලිවීම. 

පොල් මැල්ලුම් ඡානරයේ කථා ලියන්නේ මෙහෙමයි

එකිනෙකට සම්බන්ධ නැති කෙටිම කෙටි කෙටිකථා තුනක් කලින් ලියන්න. ඒ සඳහා ඔබ දැනටමත් ප්‍රසිද්ධ කර ඇති කථා එකකුත් හෝ දෙක තුනකුත්  යොදාගත්තට කිසිම ප්‍රශ්ණයක් නැහැ. ඒ කථා තුන එකිනෙකට වෙනස් කථා තුනක් නම් වඩා හොඳයි. ඒ කියන්නේ ආදර කථාවක්, අතීතකාම කථාවක්, ත්‍රාසය, සත්‍ය කථාවක් වගේ වෙනස් කථා තුනක් ගන්න එක වඩාත්ම හොඳයි. එහෙම නොවුණත් ප්‍රශ්ණයක් නැහැ.

ඊලඟට එක කථාවක එක ඡේදයක් මැල්ලුම් කථාවට කට් පේස්ට් කරන්න. දෙවෙනි ඡේදය හැටියට අර තුනෙන් වෙන කථාවකින් ඡේදයක් කට් පේස්ට් කරන්න. ඊලඟ ඡේදයට තව කථාවකින් ඡේදයක් දෙකක් ආදී වශයෙන් කට් පේස්ට් කරමින් මේ කථා තුන එක මැල්ලුම් කථාවකට හොඳට අනන්න. මැල්ලුම් වගේම අනන තරමට තමයිළු රස. පොල් මැල්ලුම හොඳට ඇනුවම පොල් කොටස මුල ඉඳලම ඒ පාටට, ඒ රසට තිබුණ වගේ පේනවනෙ. ඒ නිසා හොඳට ඇනීම තමයි මේ තියෙන්නේ කථා තුනක් නොව එක කථාවක් කියල කියවන්නා හිතන්නේ. 

මේ අවස්ථාවෙදී හෝ කථා තුන ලියන මුල් අවස්ථාවෙදී කථා තුනම සම්බන්ධ කරන දෙයක් පාවිච්චි කළොත් මැල්ලුමට හොඳට දෙහි දැම්ම වගේ තමයි. ඒ කියන්නේ මුලින් ලියපු කථා තුනේම එක පොදු ස්ථානයක් එකතු කිරීම. ඒ කියන්නේ ඒ තුනේම විහාර මහා දේවී පාක් එකේ යමක් වෙනවා. එහෙම නැත්නම් කථා තුනේම කථා නායකයා හෝ එක චරිතයක් එකම නමකින් ඉන්න එකම කෙනෙක් ආදී වශයෙන්. එහෙම නැත්නම් කථා තුනේම එක වෙලාවක වෙන එක සිද්ධියක් පොදු කරන්න. උදාහරණයකට බෝම්බ පිපිරීමක් වගේ.  එහෙම නැත්නම් එක කථාවක කෙනෙක් සිගරට් එකක් බීල විසිකරණකොට ඒක අනික් කථාවේ චරිතයේ ඔඩොක්කුවට වැටිල ගිණිගන්නව වගේ දෙයක්. 

අන්තිමට මොනවහරි හිතට එන දාර්ශණික වචන ටිකක් හරි පාඨයක් ලියල මැල්ලුම සෑදීම ඉවර කරන්න. ඒක අවශ්‍යමත් නැහැ. නමුත් කථාව ඉවර කරන විදිහත් සාර්ථකත්වයට බලපානව නේ. 

ඔව් ඔව් දුමී මේ ක්‍රමයට 'ප්‍රබුද්ධ' කවිත් ලියන්න පුළුවන් ඇති.

අන්තිමටම යූටියුබ් එකෙන් මොකක් හරි සිංදුවක් තෝරගෙන ඒකත් කථාවෙ පහලට එකතු කරන්න. ඒ සිංදුවේ එන මොකක් හරි පදයක්, අවස්ථාවක්, සිද්ධියක් උඩ තියෙන එක කථාවකට සම්බන්ධ කරන්න පුළුවන් නම් මරු.

ඔයාලත් මේ ක්‍රමයට පොල් මැල්ලුම් ඡානරයේ කථාවක් ලියලා බ්ලොග් එකේ ප්‍රසිද්ධ කළොත් මම ඇර වෙන කවුරුහරි යොදවල තෝරගන්න හොඳම කථා තුනට සුළු තෑගි දෙන්න හිතුණා.  තරඟයට අදාල කාලය අද සිට ජූනි 30 දක්වා. විනිශ්චය කරන කෙනා තෝරාගන්නා හොඳම කථාවට රු. 15,000/=, ඊලඟ එකට 10,000/=, තුන් වෙනි එකට  රු. 5,000/=. ලී කෑලි නැහැ. එහෙම නැත්නම් ඔබ වෙනුවෙන් ඔබ කියන චැරිටි එකකට ඔබේ නමින් එම මුදල් පරිත්‍යාග කරනවා.

මේ පෝස්ට් එක ප්‍රබුද්ධ කථා රචකයන්ට අපහාසයක් හෝ උපහාසයක් ලෙස ලිවූවක් නෙවෙයි. විස්කි අරක්කු නැති අය කසිප්පු ටිකක් හරි පෙරාගන්නව වගේ ප්‍රබුද්ධ කථා ලියන්න හැකියාව අඩු නම් පොඩි කසිප්පු වඩියක් පෙරල බලනව වගේ එකක් පමණයි. මම මේක ඉගෙනගත්තේ බ්ලොග්කාරිණියකගේ පරණ ලියපු කථාවකින්. ඒ කවුද කියල නම් අහන්න එපා. ඇහුවොත් ඔන්නොහෙ උපේක්ෂාසහගත උත්තරයක් දෙනව මිසක් කවුද කියලනම් කියන්නෙ නැහැ. 

 මේක ඇත්තටම අත්හදා බලන්න.

මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

Thursday, June 15, 2017

‘මහින්ද අඩු ගානේ පන්සිල් පද පහේ එක පදයක් හෝ රකින්න..!


(ලංකා ඊ නිව්ස් 2017.ජුනි.14, ප.ව.5.30) 2009 වසරේ අප රටේ යුද්ධය අවසන් වූ වහාම රට සංවර්ධනය කරා ඉහළට ඔසවා තැබීම සඳහා කටයුතු කිරීමට අවස්ථාව තිබියදී ඒ වෙනුවට මහින්ද රාජපක්ෂ මහතා සහ ඔහුගේ උපදේශකවරු මේ රට ප්‍රපාතය කරා තල්ලු කිරීමට කටයුතු ආරම්භ කළහ. එක් පැත්තකින්, ඉතා අසාධාරණ ලෙස ඉහළ වානිජ පොලියට විදේශයන්ගෙන් මුදල් ණයට ලබාගෙන, රට විශාල ණය උගුලකට ඇද දැමූ අතර, අනෙක් පැත්තෙන් ශ්‍රී ලංකාව හා රටේ ජනතාව ජාත්‍යන්තරයෙන් හුදකලා කිරීමට මග සැලසීය. එමෙන්ම, ඔවුන් විසින් ගනු ලැබූ තීරණයන් හේතුවෙන් ශ්‍රී ලංකාව ජාත්‍යන්තරයෙන්ද දුරස් කරනු ලැබීය. ජාත්‍යන්තර මූල්‍ය ආයතනයන් සමඟ වූ ගනුදෙනුවල දී ශ්‍රී ලංකාවට ආධාර දෙන ප්‍රධාන රටවල් බොහොමයක් විවිධ අවස්ථාවන්හි ශ්‍රී ලංකාවට එරෙහිව ඡන්දය පාවිච්චි කළ අවස්ථාවන් පිළිබඳ තොරතුරු ඔහු රටට වසන් කළේය.

Friday, June 9, 2017

හම්බ රටේ යාළුවා


අපි වෙනුවෙන් හම්බයන්ට තර්ජනය කරන ඥාණසාර හාමුදුරුවෝ 


නාන සාර හාමුදුරුවන්ට බුදු බව ලැබෙන්න ඕන. එතුමා නිසා තමයි මට ඇත්ත තේරුණේ. මේ හම්බයන්ට බෞද්ධයෝ නැතිකරන්න දෙන්න පුළුවන්ද? හම්බයොන්ගෙ කඩවල් කඩල පල්ලි ගිනි තියල වුන් ඔක්කොම ඝාතනය කරන්න තමයි මටත් හිතිල තියෙන්නෙ. ඒකට කියන්නෙ වෛරය - ද්වේශය කියල නෙමෙයි. ඒව බෞද්ධාගම වෙනුවෙන් අපෙන් වෙන්න ඕන යුතුකම්. ඒ යුතුකම් ටික ඉෂ්ඨ කරල ඔය යන්න කියන මාර්ග වල නොගියත් මොකද? අනික හම්බයො විස්ස ගානෙ පැටව් ගහල ලංකාවේ බහුතරය වෙනවලු.  ටිකක් තරුණ කාලේ  මේක දැනගත්තනන් ළමයි දෙන්නෙක් විතරක් හදන්නෙ නැතුව විසි තිස් ගාණක් හදන්න තිබ්බ. හම්බයෝ බහුතරය වුනාම 'පින්කෙත හෙළ ලක්දෙරණේ යළි උපදින්නට හේතු  වාසනා වේවා' කියල බීගත්තම කිය සිංදු ඇත්ත වුණොත් ඊලඟ ආත්මෙ හම්බයෙක් වෙලා තමයි ඉපදෙන්න වෙන්නෙ. එතකොට බෞද්ධයන්ගෙන් පල්ලි බේරගන්න කියල මටත් ජිහාඩ් එකකට යන්න වෙයිද? ඊට වඩා හොඳයි බෞද්ධාගම රැකගන්න කියල හම්බයෙක් මරල අපාගත වෙන එක.

Monday, June 5, 2017

වරදට සමාව ශුවර්



යම්කිසි හේතුවක් නිසා දුම්රියට පැන සියදිවි හානි කරගත්ත T. විජේසිරිවර්ධන නම් තරුණියක් ගැන මේ දවස් වල ප්‍රවෘත්ති පළ වුණා. ඇයගේ උපාධි ප්‍රදානෝත්සවයට සතියකට පසුව මෙම සිද්ධිය සිදුවීමත් ඇය පේරාදෙණිය විශ්ව විද්‍යාලයේ විද්‍යා උපාධිධාරිණියක වීමත් ඇයගේ ආකර්ශණීය රූ සපුවත් ඇය ගැන විශාල කථා බහකට සමාජය යොමුවීමට හේතු වන්නට ඇති. ප්‍රේම සම්බන්ධයක් නිසා ඇය මෙවන් තත්ත්වයකට පත්වුණා යැයිද එම මරණයට සම්බන්ධ ප්‍රවෘත්ති වල සඳහන් වුණා. තරුණ කාලයේ යම් කිසි හේතුවක් නිසා මගේ ප්‍රියතම බාලිකා පාසැල වූ මිලාගිරියේ ශාන්ත පාවුළු කන්‍යාරාමයේ ආදි සිසුවියක් බවත් එම ප්‍රවෘත්ති වල සඳහන් වුණා.ඒ ඇරෙන්න මේ තරුණිය සම්බන්ධයෙන් හෝ ඇයගේ අකල් වියෝව සම්බන්ධයෙන් මම කිසිම කිසි දෙයක් දන්නේ නැහැ. මේ සිද්ධිය මම කිහිප විටක් ලිවීමට සිතූ මාතෘකාවට ප්‍රවේශයක් ගැනීමට මට සිතුනා. මම මේ කථා කරන මාතෘකාව මෙම තරුණියට කිසිසේත්ම සම්බන්ධයක් නැහැ. එම මරණය ගැන කියවූ විට මම ලියන්නට සිටි මාතෘකාව මතක් වීම පමණයි එකම සම්බන්ධය.

Saturday, May 27, 2017

දෙසවන් සොයනා ආත්මීය හඬ අපෙ සිත් හඳුණා ගත්තාලූ

නුවර  වැව අබියස කසුන් සහ සත්‍යා..ඡායාරූපය - ඉඳුවර ගුණසේකර



එන සති අන්තයේ කූඩු වෙන බ්ලොග් ලෝකේ රුවැත්තිය සත්‍යා නිර්මාණී කිරිල්ලියටත් කසුන් නයනජිත් කුකුලා සොරි කුරුල්ලාටත් කවියෙන් සුභ පැතීමක් ප්‍රේම කථා ඔස්තාද් රවී වීරසිංහ ශ්‍රීමතාණන් විසින් පල කර තියෙනවා. ඔහුගේ සුභ පැතීමේ කවියේ ඇති සෑම පැතුමක්ම බ්ලොග් ලියන කියවන අපි හැමෝගේම පැතුම බව මට විශ්වාසයි.

Monday, May 22, 2017

යහපාළුවන්ගේ වෙන්දේසි බන්දේසි ආර්ථිකය


යහපාලන නායකයෝ කරන්නේ වෙන්දේසි බන්දේසි ආර්ථිකයක් කියලා මැයි දිනේදි හිටපු නායකතුමා කිව්වා. හැමදේම ඉන්දියාවට එහෙම නැත්නම් චීනෙට විකුණන්න කථා කරන යහපාලකයෝ කරන්නෙ විකුණාගෙන කෑමක් තමයි. ඒගොල්ලො ඒ අතින් කොච්චර නරකද. කිසිම දේශීය හැඟීමක් නැති අය. 

Saturday, May 20, 2017

ලෝකය නටවන අපේ අය

Geopolitics

අපි හරිම කැමතියි අපි ඉන්න පරිසරය අපේ පාලනය යටතේ තියෙනවනම්. ඒක සාමාන්‍ය මනුස්ස ස්වභාවයක්. මට මතක විදිහට එහෙම කාලයක් මට තිබ්බෙ මොන්ටිසෝරියට යන්න ඉස්සෙල්ල. හැම දේම මට ඕන විදිහට. අම්මල තාත්තල, අයිය, ආච්චි අම්ම එහෙම මම් 'හ්ම්' කිව්වොත් ඒක තමයි අවසාන තීරණය. ඊට ටික කාලෙකට පස්සෙ මල්ලි කෙනෙක් එකතුවෙලා මගේ ඒ සුවිශේශී බලපරාක්‍රමය පැහැරගත්ත. ඊට පස්සෙ එයා තමයි බොස් වුණේ.

ඉස්කෝලේ යනකොටත් එතන ගුරුවරු ගේ බලයයි, මට වඩා ශක්තිය තියෙන අයගෙ බලයයි එක්ක මොලේ පාවිච්චි කරල ඇඟ පත තලාගන්නෙ නැතුව ඉන්න පුළුවන් වුණා. ඉස්කෝලෙ මගේ වුවමනාවට ජාති දාති දාන්න ගියා නම් කෝටු කිතයියල දෙතුන් දෙනෙකුට නෙලන්න පුළුවන් වුනත් කාගෙන් හරි ගුටි කනව. ඒ නිසා තමයි එක එක්කෙනාගෙ දක්ෂකම්, බලපුළුවන්කාරකම්, සම්බන්ධකම්, වගේ දේවල් ගැන අවබෝධයෙන් සහ අවධානයෙන් ඉන්න වුණේ.

Thursday, May 18, 2017

අන්තරේ පෙළපාලි සංවිධානය ගැන පසුබිමේ රහස්


අන්තරේ සහ ශ්‍රී ලංකා පොලිසිය අතර පවත්වන අන්තර් ප්‍රිම්යර් ලීග් ශූරතාවය සඳහා ඊයේ තවත් සාර්ථක තරඟයක් නිමා වුණා කියලා දන්නවනෙ. හැම ඉවෙන්ට් එකක්ම වගේ තරඟය පවත්වන කාල සීමාවට වඩා කාලයක් ඕව සංවිධානය කරන්න යනව. මේ තරඟය සංවිධානය වෙච්ච් විදිහ ගැන පොඩි විස්තරයක් ඒව ගැන දැනගන්න වෙන්නේ නැති අය වෙනුවෙන් ලියා තියන්න තමයි සූදානම.

මේ පිළිබඳව පළමු සාකච්චාවේදීම ගත්ත තීරණයක් තමයි අන්තරේ අය පෙළපාලියට දින තුනකට පෙර ඒ සඳහා සහභාගී වෙන අයගේ ප්‍රමාණය පොලිසියට දන්වන්න ඕන කියන එක. ඒකට හේතු වුණේ මීට කලින් තිබ්බ තරඟ කීපෙකම හැමෝටම හොඳට වදින්න ගහන්න කඳුළු ගෑස් මදි වෙච්ච එක. ඒ අඩුපාඩුව ගැන කථා කරපු අන්තරේ නියෝජිතය කිව්වෙ ඒ ගොල්ලො ගොඩක් වෙහෙසිලා හොයාගෙන එන අයට භුක්ති විඳින්න ප්‍රමාණවත් කඳුළු ගෑස් ප්‍රමාණයක් පොලිසියෙන් ලැබෙන්නේ නැහැ කියන එක. 

Wednesday, May 17, 2017

යහපාලන ආර්ථික දර්ශණය


(2018 මැයි 8 ලංකාදීප) “අපනයන ආර්ථිකයෙන් ශීඝ්‍ර දියුණුවකට ගොස් ලෝක වෙළෙඳපොළ අල්ලා ගැනීමට ශ්‍රී ලංකාව දැන් සූදානම්” බව අග්‍රාමාත්‍ය රනිල් වික්‍රමසිංහ මහතා ඌව පරණගම-යාලගම දී පැවැසීය.
ශ්‍රී ලංකාව සමඟ තරහවී සිටි ලෝකයේ සෑම රටක්ම යහපාලන රජය යටතේ ලංකාව සමඟ යහළුවී සිටින බව කී අග්‍රාමාත්‍ය රනිල් වික්‍රමසිංහ මහතා, කඩිනම් ශීඝ්‍ර සංවර්ධනයක් තුළින් රාජපක්ෂ ණය ඇතුළු සියලු ණය බරින් රට මුදාගත හැකි ශක්තිමත් ආර්ථිකයක් නිර්මාණය කරන්නේ යැයි ද කීවේය.
අග්‍රාමාත්‍ය රනිල් වික්‍රමසිංහ මහතා මේ බව පැවැසූයේ ඌව පරණගම-යාලගම යොවුන් අපනයන කෘෂි ගම්මානය ආරම්භ කිරීමේ උත්සවයේ ප්‍රධාන ආරාධිත ලෙස සහභාගී වෙමිනි.
අක්කර 53ක භූමියක කෘෂි ගම්මානය ඇරඹෙන අතර, අඹ, ගම්මිරිස්, අන්නාසි, වැල් දොඩම්, කටු අනෝදා, රට කජු යන භෝග මෙන්ම මී මැසි පාලනය අපනයනය සඳහා මෙහි වගාකිරීමට නියමිතය.

Tuesday, May 16, 2017

රට නගන මඟ 1 - උසස් අධ්‍යාපනය සහ සිසුණය ක්‍රමය


දියුණු රටවල් වල මෙන් ලෝක පිලිගැනීමක් ඇති ගුවන් යානා හෝ මෝටර් රථ නිශ්පාදනය කිරීමට අපට නොහැකි වී ඇත. තේ සහ ඇඟළුම් හැරුණු විට චීනය වැනි නිශ්පාදන පිරිවැය අඩු රටවල් කරන අපනයනයන් අපට නිශ්පාදනය කිරීමට නොහැකි වී ඇත. අපට තවම තෙල් සොයා ගැනීමට නොහැකිවී ඇත. එහෙත් සිසුන් විශාල ප්‍රමාණයකට තාක්ෂණික විෂයයන් කියා දීමට හැකි උගතුන් අපට සිටියත් එක සාක්ෂාත් කරගැනීමට හැකිවෙලත් නැහැ . ඒ සඳහා අවශ්‍ය වන්නේ  සියළු දෙනාට අධ්‍යාපනය ලබා ගැනීමට ක්‍රමයක්, අදාල ගොඩනැඟිලි, සුදුසුකම් වලට සහතිකයක් ලබා දීමට බලය ඇති විශ්ව විද්‍යාල වැනි ආයතන පමණයි. මේ සඳහා කළ යුත්තේ උසස් අධ්‍යාපන නියාමන කොමිසමක් හරහා විශාල පිළිගත් පෞද්ගලික ආයතන වලින් ආයෝජන ලබා ගෙන එක දිස්ත්‍රික්කයකට අවම වශයෙන් එකක් හෝ වන සේ පෞද්ගලික විශ්ව විද්‍යාල බිහිකිරීමයි. කාලයක් යනවිට මාලදිවයින වැනි ලඟ පාත රටවල සිසුන්ටත් උසස් අධ්‍යාපනය සපයන කේන්ද්‍රස්ථානයක් බවට මේ රට පත්වනු ඇත. අළුතින් බිහිවන විශ්ව විද්‍යාල වලට ජාත්‍යන්තර පිළිගැනීම් ලැබීමෙන් අන් රටවල් වල අයද අධ්‍යාපනය සඳහා පැමිණීමෙන් අද අධ්‍යාපනය දීමට අපෙන්  මුදල් ලබා ගන්නා චීනය, බංග්ලාදේශය , බෙලරුස් මෙන් අපද අන් රටවලින් මුදල් සොයා ගන්නා රටක් බවට පත්වනු ඇත

Sunday, May 14, 2017

ලක්ෂෙට කොඩිය සහ පූටින් ගේ නොමඳ සහය

රුසියානු ජනාධිපති පූටින් මහතා


මේ සුමානෙ මේ බ්ලොග් එකේ හිට්ස් ගාන ලක්ෂය පහු කලා. මම ලියන විකාර කියවන්න මෙච්චර කට්ටියක් ඉන්නවද? ඇත්තම කථාව එහෙම විශාල පාඨක සංඛ්‍යාවක් නැහැ. මේ හිට්ස් ගාන වැඩිවෙන්න හේතුව රුසියාවේ සයිට් වලින් එන බොරු හිට්ස්. මගේ ඇස්තමේන්තුව පහුගිය අවුරුදු 2 දී වැඩිම වුණොත් 25,000 ක් හිට්ස් ලැබෙන්න ඇති.ඉතිරි 75,000 පූටින් සහෝදරයාගේ සාදර අනුග්‍රහයෙන් ලැබෙන බොරු හිට්ස්. උදාරණෙකට පසුගිය මාසෙ හිට්ස් 5,000 ක් විතර ලැබිල තියෙනවා. ඒවුණාට පෝස්ට් වල කවුන්ට්ස් වැඩි වෙලා තියෙන්නේ 1,000 කින් විතර. එතකොට 4,000 ක් විතර පෝස්ට් නොකියවන හිට්ස්. ලැබෙන රටවල් බැලුවම 80% ක් එන්නෙ රුසියාවෙන්. 




2009 ඉඳන් 2015 වෙනකම්ම තිබ්බෙ හිට්ස් 500 කට වඩා අඩුවෙන්. හිට්ස් දාකට වඩා අඩු ගාණක් තියෙද්දි බ්ලොග් එක සින්ඩිකේටර්ස් වල එල්ලන්න උපදෙස් දුන්න චෙෆාකි සර් ටත්, මගේ විකාර කියවපු අයටත්, කියවන්නන් විශාල ප්‍රමාණයක් යොමු කල මාතලන්ගේ සින්ඩිය, කොත්තු සින්ඩිය, අටම්පහිය වැනි සින්ඩි වලටත්,  ට්‍රම්ප්ව දිනවන්න මහන්සිවෙන අතරේ හිට්ස් 75, 000 ක් විතර එවල හිට්ස් ලක්ෂය පහු කරන්න උදව් කරපු පූටින් මහත්තයටත් බොහොමත්ම ස්තූතියි කියන්න මේ අවස්ථාව යොදාගන්නවා.


බ්ලොග් ලෝකෙට අළුතෙන් හඳක් පායලා. සඳවතිය බ්ලොග් එකට මෙතනින් ගිහින් එකතුවෙන්න.



මෙම අඩවියේ පළවන ලිපි කොපි කිරීමට හෝ වෙනස් කතෘ නාමයක් යටතේ අන්තැනක පළකිරීමට කිසිම බාධාවක් නැත. අන් ස්ථානවලින් කොපි කර මෙහි පළකරන ලිපි වලට නම් එම කතෘ වරුන්ගේ කොන්දේසි අදාල වේ.

Monday, May 8, 2017

වර්ජක වෛද්‍යවරුන්ට හෙන ඉල්ලීම වැරදියි

වෛද්‍ය නලාවක් කරේ ලාගත් කෙනෙක් සහ මාංචු යුගලක්

වෛද්‍ය සින්දූපා සෙනවිරත්න මහත්මියගේ ෆේස්බුක් සටහනක් කියවීමෙන් මෙය ලිවීමට සිත්විය. ඇයගේ පෝස්ට් එකට හේතුව නම් දොස්තර වර්ජනය ගැන අදහස් දැක්වූ අයෙක් වර්ජනය කරන දොස්තරවරුන්ට හෙන හතක් වදින ඉල්ලා සිටිමින් රූපවාහිනියේ වාර්ථාකරුවකුගේ ප්‍රශ්ණයකට පිළිතුරක් ලෙස කරන ලද ප්‍රකාශයකි. දොස්තරවරුන් ප්‍රතිකාර කිරීමේදී සහ ශල්‍ය කර්ම සිදුකිරීමේදී, හදිසි අනතුරු අංශ වල සේවයේදී කරන දේවල් සඳහන් කරමින් ඇය එම පුද්ගලයාගේ ප්‍රකාශය විවේචනයට ලක් කරයි. එය කියවීමෙන් මට ඇතිවූ පළමුව හැඟීම නම් දොස්තර වර්ජනය ගැන එය නිසා ප්‍රතිකාර ලබා ගැනීමට නොහැකිවූ අය කිව යුත්තේ "වර්ජනය කල නිසා ඒ උත්තමයන් බුදුන් දකින්න" කියාද යන්නයි.  

Saturday, May 6, 2017

ශ්‍රී ලංකන් ගුවන් සේවය හොම්බෙන් යාම

ෂ්‍යාමන් ජයසිංහ
ෂ්‍යාමන් ජයසිංහ
ශ‍්‍රී ලංකන් ගුවන් සේවයේ’ කතාන්තරය දැන් මුලූ රටම දනී. මහින්ද රාජපක්ෂගේ දස අවුරුදු පාලන කාලය ගැන තවමත් ප‍්‍රශස්ති ගයන සහ ඔහු යළි බලයට පත්වීමක් ගැන කෑමොර දෙන අයවළුන්ට යෝනිසෝ මනසිකාරය වඩවා ගැනීමට මීටත් වඩා තවත් සාක්ෂි අවශ්‍ය නොකෙරේ.
මේ සිද්ධිය වනාහී, රටක විනාශයේ විභවය පෑදූ, දුර්භාග්‍යවන්ත ආණ්ඩුකරණ මාදිලියක් පිළිබඳ ආඛ්‍යානයක එක් අංගයකි. අධිකාරීවාදී මජර තන්ත‍්‍රයන් අයාලේ ගොස් තුවාලයක් වූ විවිධ ඓතිහාසික අවස්ථාවන්ට මෙය තවත් උදාහරණයකි. එබැවින් මොනයම් හෝ පුද්ගල කෝන්තරයකින් පරිබාහිරව, අනාගතය සඳහා අදාළ කර ගත හැකි දර්ශකයක් හෝ ආදර්ශමත් අධ්‍යයනයක් වශයෙන් මෙම සිද්ධිය සියුම්ව පරීක්ෂාවට ලක් කිරීම වටනේය. මහා අසාර්ථකත්වයක් පාඩමක් කර ගත හැකි අත්දැකීමක් බවට පත්කර ගත හැක්කේ එයාකාරයෙන්ම පමණි.

Friday, April 28, 2017

ශ්‍රී ලංකාවේ විනය ගොඩනැගීම ෆොන්සේකාට භාර කරයි (දෙවන කොටස)


(ලංකා ඊ නිව්ස් -2017.අප්‍රේල්.28, පෙ.ව‍. ‍‍‍7.45) යහපාලන ආණ්ඩුව විසින් සරත් ෆොන්සේකාට බාර දෙන්නට යන නව වගකීම පිළිබඳ විවිධ දෙනා විවිධ අදහස් දක්වන අතර එය කඩාකප්පල් කාරී ක්‍රියා වලින් මහජනයාගේ ජන ජීවිතය කඩා වැටෙන්නට ඉඩ නොදී අත්‍යාවශ්‍ය සේවා පවත්වාගෙන යෑම සඳහා නිර්මාණය කරන නව සැලැසුමක් බවත් එය වම්මුන් දොඩවන ආකාරයේ මර්දන යන්ත්‍රයක් නොවන බවත් එය කිසි සේත්ම පාර්ලිමේන්තුවෙන් පිටත නිමවන ආයතනයක් නොවන බවත් රජයේ ඉහල තැනකින් ලංකා ඊ නිව්ස් වෙත ප්‍රකාශ කෙරිණ
පසුගිය කාලයේ පැවත්වූ සමහරක් වැඩ වර්ජන කිසි සේත්ම නීත්‍යාණුකූල ඒවා නොවේ. උදාහරණයක් ලෙස ආසන්නම වැඩ වර්ජනය වූ පසුගිය අප්‍රේල් 21 වෙනිදා පොලොන්නරුව දිස්ත්‍රික්කය පුරා පැවැත්වූ වෛද්‍ය වැඩ වර්ජනය ගත හැකිය. එය පාදෙනියගේ හෙංචයියෙකු බලාපොරොත්තු වූ ස්ථානයකට වෙනත් වෛද්‍යවරයෙකු පත් කිරීම නිසා පුද්ගලික වෛරයක් පිරිමසා ගැනීමට කරන ලද වැඩ වර්ජනයකි. එම වෛද්‍යවරයා පත් කර තිබුනේ අමාත්‍යාංශය විසින් වෛද්‍ය නිලධාරීන්ගේ සංගමයේද අනුමැතිය මත අතිශය නීත්‍යාණුකූල ලෙසිනි. වර්ජනය කරන බව දැනුම් දුන්නේ ද හෙට උදේ සිට වර්ජනය කරන බව කියා අද සවස ය. එවැනි වැඩ වර්ජන ලෝකයේ කිසිදු කම්කරු ප්‍රඥප්තියක නැති, නීත්‍යාණුකූල නොවන වැඩ වර්ජන පමණක් නොව සම්පූර්ණයෙන්ම කඩා කප්පල් කාරී ත්‍රස්තවාදී ක්‍රියාවන් ය.

Wednesday, April 26, 2017

ශ්‍රී ලංකාවේ විනය ගොඩනැගීම ෆොන්සේකාට භාර කරයි


(LANKANEWSWEB) යහපාලන ආණ්ඩුව විසින් ලබාදී ඇති ප්‍රජාතන්ත්‍රවාදී නිදහස අවභාවිත කරමින්, විවිධ ක්ෂේත්‍රවල වෘත්තීය සමිතිවල සුළුතරයක් විසින් මහජනතාවට පීඩා පමුණුවමින් සිදුකරන අත්තනෝමතික හා අන්තවාදී, කඩාකප්පල්කාරී ක්‍රියාවන් නවතා සමස්ත ජනතාවට සහන සැළසීම උදෙසා සුවිශේෂ වැඩපිළිවෙලක් ක්‍රියාත්මක කළයුතු යැයි ජනාධිපති මෛත්‍රීපාල සිරිසේන මහතා අද (25) පැවති කැබිනට් මණ්ඩල රැස්වීමේදී යෝජනා කොට තිබේ.

Friday, April 21, 2017

දොස්තර වර්ජන නවතන විදිහ


ලෙඩ්ඩුන්ගෙ ජීවිත වල තියෙන අවදානම පාවිච්චි කරල බ්ලැක්මේල් කරන දොස්තර වරුන්ගේ මේ ස්ට්‍රයික් කෙරුවාව සෑහෙන කාළෙකටවත් නතර කිරීමට සැලසුමක් ගැන යෝජනාවක් තමයි මේ. මීලඟ වැඩ වර්ජනයට සහභාගී වන හැම දොස්තරයෙක්ම සේවය අතහැර ගියා කියල සළකන්න ඕන. කිසිම හේතුවක් නිසාවත් ඔවුන්ට තිබුණ තනතුර නැවත නොදෙන ලෙස එය ක්‍රියාත්මක කරන්න ඕන. 

මේක ක්‍රියාත්මක කරන්න නම් වැඩිම වුණොත් පැය 48 ක් ඇතුලත මේ දොස්තර පුරප්පාඩු පුරවන විදිහක් කලින් සැලසුම් කර තියෙන්න ඕන. දොස්තර වර්ජනයක් ක්‍රියාත්මක කරන දිනට පෙර දින සහ එදින රජයේ රෝහලකට පැමිණීමෙන් එදින සිටම අවුරුදු හතරක කොන්ත්‍රාත් ක්‍රමයට සුදුසුකම් ලත් දොස්තරවරු බඳවා ගන්නවා කියන එක ප්‍රචාරය කරන්න ඕන. දැනට පිටපළාත්වල එහෙම නැත්නම් දුෂ්කර පළාත්වල සේවය කරන දොස්තර ලාට නගර වල පත්වීම් ගන්න මේක අවස්ථාවක් වෙනවා. ඒක නිසා ඒ අවස්ථාවේ වැඩ වර්ජනය කිරීමෙන් සේවය අහිමි වෙච්ච අයත් මේ තනතුරු වලට බඳවා ගන්න ඕන. ඒ එක්කම අවුරුදු 65-70 වගේ වයසක් යනකම් හොඳ සෞඛ්‍ය තත්ත්වයේ ඉන්න සුදුසුකම්  ලත් වෛද්‍යවරුත් අවුරුදු 2ක හෝ 4 ක කොන්ත්‍රාත් මත බඳවා ගන්න ඕන. කොහොම වුණත් පැය 36-48 යනකොට ස්ථාන වලට අවශ්‍ය වෛද්‍යවරු ප්‍රමාණයෙන් 75% වත් බඳවාගෙන අවසන් කරන්න පුළුවන් වෙයි. 

Wednesday, April 19, 2017

යහපාලන කොමිස් කාක්කන් සහ කුණු කොල්ලය (LEN)


(ලංකා ඊ නිව්ස් -2017.අප්‍රේල්.18, ප.ව‍‍‍.11.50) කැළි කසල එකතු කිරීම, ප්‍රතිචක්‍රීයකරණය, නැවත භාවිතය යනු විද්‍යාවකි. එම ක්ෂේත්‍රයේ විද්‍යාත්මක පර්යේෂණ මෙන්ම එහි නවතම සොයා ගැනීම් පිළිබඳ ලියැවුණු විද්‍යා පර්යේෂණ පත්‍රිකා සිය ගණනකි. අද කැළි කසල යනු අපවිත්‍ර ද්‍රව්‍ය නොව මානව වර්ගයාගේ පැවැත්ම සඳහා යොදා ගන්නා අමුද්‍රව්‍යයන් ය. ඉතා සරලව පැවසුවහොත් කැළි කසල යනු මුදල් ආකර ය. එහෙත් අවාසනාවකට ශ්‍රී ලංකාවෙ දූපත් ජනතාව කැළි කසල දකින්නේ ඉවත දැමිය යුතු දුර්ගන්ධය පතුරුවන සම්ප්‍රදායික ‘කුණු‘ ලෙසට ය. තම නිවසේ කැළි කසල අසල්වැසියෙකුගේ නිවසක් අසළට වීසි කර යන්නේ මෙම ‘කුණු‘ මානසිකත්වය හේතුවෙනි. මෙවැනි දෑ බහුලව සිදු කරන්නේ උගත් යැයි තමන් විසින්ම හඳුන්වාගන්නා නාගරික මධ්‍යම පංතිකයන් වීම විශේෂත්වයකි. එංගලන්තයේ එක් දුර ගමක වෙසෙන එක පවුලක් විසින් පවත්වාගෙන යන සාමාන්‍ය ගොවිපොලක ඉවත ලන සත්ව ගොම සහ මුත්‍රා වලින් ඔවුන් විසින් ඒ ගමේ පවුල් 40 ක නිවාස සඳහා විදුලිය ලබා දෙන වාර්තාවක් පසුගියදා දකින්නට ලැබිණ. ඒ ලබා ගන්නා විදුලිය සඳහා බිල ගෙවන්නේ ගොවිපොල අයිති පවුලට ය. 

Monday, April 17, 2017

හෙල්පිං මීතොටමුල්ල



කුණු කන්ද කඩා වැටීම සහ ඒ සම්බන්ධයෙන් රජයේ ක්‍රියාමාර්ග ගැන විවිධ විවේචන විවිධ මාධ්‍ය වල පළවේ. රජයේ ප්‍රතිචාර ගැන මටත් ඇත්තේ චකිතයකි. මීට ඉහත ඇතිවූ ඛේදවාචක වලදී බලයේ සිටි අය ඉතා ප්‍රතිචාර දැක්වූ වේගය හා සසඳන කල මෙම රජය සිටින්නේ බොහෝ පිටුපසිනි. විසි ගණනක් මිය ගොස් එවන් ගණනක් අතුරුදන් වී ඇති මෙම සිද්ධිය විසි දහසක් මියගිය 2004 සුනාමි සිද්ධිය හා සසඳන කල ඉතා කුඩාය. එවන් විශාල සිද්ධියකට රට මුහුණ දුන් අවස්ථාවේ රටේ එවකට සිටි අගමැතිවරයා යුහුසුළුව ප්‍රතිචාර දැක්වූ ආකාරය සැලකූ කල මෙම සිද්ධියේදී අගමැති වරයාගෙන් කිසිම ප්‍රතිචාරයක් නොදක්වා වියට්නාමයේ කලින් යොදාගත් සංචාරයකට සහභාගී වීම නම් පුදුම සහගතය. අඩුම තරමේ 'හෙල්පිං මීතොටමුල්ල'  නමින්    ගිණුමක් වත් විවෘත කර විදේශ වලින් එන මුදල් ටික ලබා ගැනීමටවත් උත්සාහයක් නොගන්නා බව පෙනී යයි.  

Monday, April 10, 2017

සයිටම් රජයට පවරා ගත යූතුය

අසරණ ලෙඩුන්ගේ සුභ සිද්ධිය සඳහාම සටන් වදින වෙද සිසුන්

1978 විතර ඉඳන් ඉවරයක් නොවෙන පෞද්ගලික වෛද්‍ය විද්‍යාල ප්‍රශ්ණයට GMOA සංවිධානය එදත් අදත් ඉල්ලා සිටින්නේ ඒවා රජයට පවරා ගන්නා ලෙසයි. එයට යටි හේතුව ගාස්තු අයකරන පෞද්ගලික විද්‍යාල වලට ශීග්‍රයෙන් ඇතුලත්වන සිසුන් සංඛ්‍යාව ඉහල දමා ගත හැකි නිසාය. 

සුදුසුකම් ලබන වෛද්‍යවරුන් සංඛ්‍යාව හැකිතරම් අඩු මට්ටමක තබා ගැනීම ඔවුන්ගේ එකම අරමුණයි. රජයේ වියදමින් පවතින විද්‍යාල වල ඇතුලත් කරගත හැකි සංඛ්‍යාව වැඩි වන්නේ ඉතා සුළු වශයෙනි. මෙම හේතුව නොපෙන්වා ඔවුන් පෙන්වන්නේ වෙනස් හේතුය. සායනික පුහුණුව නැතිකම, ඇතුලත් වීමේ සුදුසුකම් මඳකම ආදිය ගැන කියා සිටියත් ඒවාට විසඳුම් දීමෙන් මෙම අය සැහීමකට පත්කල නොහැක. මෙවරද රජය කරන්නේ GMOA සංවිධානය ලෙඩුන් ගැන සිතා කරන සාධාරණ ඉල්ලීමක් ලෙස සිතා එම ප්‍රශ්ණයට විසඳුමක් ලෙස සයිටම් සිසුන්ට සායනික පුහුණුව ලබා දීමට ක්‍රමයක් සැකසීමයි. ඔවුන් මෙතෙක් දක්වා සිටි මුඛ්‍ය පරමාර්ථයට රජය විසින් විසඳුම් සැපයුවත් ඔවුන් එය කිසිසේත් පිළිනොගනු ඇත. පසුගිය සතියේ 'සායනික පුහුණුව' සටන් පාඨය මහජනයාට අමතක වුණැයි සිතා හෙට සිට 'අධ්‍යාපනය විකිණීමේ' සටන් පාඨය එළි බැසීම ඉර හඳ මෙන් විශ්වාසය.